Gelé dong 2:9 - Kebu go dore go herua 1978

⁹ ’Enung sol gelé goin go cin bua, ’enung sol nyagé doin do ji wa loa bu’, ama ’enung solin mainya kema go lainyong kain. ’Enung sol kual go isini go kalang wa yoi cain, ké ga wa togé gusugé na ka ga Juib, ama ka ga Juib ’eno, ka yaué go Sidan kai.

Gelé dong 2:9 Iomraidhean Croise

Matié 4:10

Kardené Jésu yei wa: Sa ni cong Sidan, cawa cidab do Kumu toi yé waldong wang: Ji melaua Bagulong Kumu goin, ji laia ddi gié go gianduai mera.

NO DO DDARI A KUABA LUK 12:21

Jésu jogu yégé wa: Kema goni goni go yaué henga ga lainyong nain ca gusi na, ddia kema goang henga ga lainyong tumu Kumu ’eno.

NO DO DDARI A KUABA LUK 22:65

Ké nyandiei dang kual go ddang combu.

NO DO DDARI A KUABA LUK 4:18

Habé ga Bagulong kai wo cang, Ké parung ca ’enunga dura Nô do Ddari gusu kalang ga nyagé. Ké giung ca ’enung tega berné do toré kalang ga a duro gianduai, Ca dda ga bibé solé kiddin, Ca bogé kalang ga ké ba légé nyagé dang.

NO DO DDARI A KUABA LUK 6:20

Jésu ai cindi sol anjama gai, ddi yégé wa: Keng ga wo duro nyagé na, keng danga gusu mowa, Cawa Leu do Kumu toi na togeng,

Jâ 16:33

’Enung yegeng kual lé kua ca keng waia jalua juam a gusung. Kenga wai gelé go cin duro delinya, ama ga ’ima ddaindegeng cawa ’enung boi delinya ’enda.

GIÉ GO PAJERONG GA GIÉ KOGÉ 14:22

Ké bégé ga bo cindi dono, ké géjegé kandia ’er gag ca bo cindi gogé. Ké yégé wa: Danga gelé go cin combu ma, na da andong duro Leu do Kumu toi.

GIÉ GO PAJERONG GA GIÉ KOGÉ 26:11

’Enung gelegé cindegé duro kulu go yaué go Juib kogé mam waindo waindo, ’enung legang dono ca ké kainya bo cindi gogé cong. ’Enung saiang mainyé tebenang nagé, ’enung gelgé cindegé a duro gulong go gemdong go toi ddang goni goni mam.

MAKTUB DO PAUL TOI DO BA GIO GUSU GA ROM 12:12

Ga jimageng dang gusu mowa ca tugoié gogeng bua, ga ’ima ddaindegeng duro gelé go cin bua, ga ulageng waindo waindo bu’.

MAKTUB DO PAUL TOI DO BA GIO GUSU GA ROM 2:17

Ama ji té gusin jia go Juib, jia si ddaindin ca so bua, ji pedé gusin dang Kumu bu’.

MAKTUB DO PAUL TOI DO BA GIO GUSU GA ROM 5:3

Na main kain mera ’eno, nanga gusu mowa a duro gelé go cin cawa na sol gelé cin bena ’yomé go ddainya.

MAKTUB DO PAUL TOI DO BA GIO GUSU GA ROM 8:35

Na wanga go guasinyana dang kederé ’yo ga Krist kai ga? Homé kau nyagé, kau gelé go cin, kau bagedara, kau gandela, kau kebu temai, kau maré bbal guasinyana ga?

MAKTUB DO PAUL TOI DO BA GIO GUSU GA ROM 9:6

’Enung yogeng ca kebu go doré go Kumu koi bega gusu ’eno, cawa to moin go Israél koi na, na Israél ga cindi mam ’eno.

2 Korintié 6:10

Ké yéni kual go homeni kederéni, ama niang gusu mowa waindo waindo, ké solni main ga nyagé kain, ama ni jégen kalang combu, ké solni main ga basé wo henga kain, ama nianga henga mam.

2 Korintié 8:2

Kalang ga geddang ga a kené na, ké ’eré gag a duro gelé go cin go ba légé, ama gusugé mougé bbani ’eno, ka ga nyagé ama ké bu kalin nain.

2 Korintié 8:9

Cawa keng sol wai do Bagulondena Jésu Krist toi, ddia go lainyong, ama ddi belé nyagé caigeng, ca keng belu ga lainyong ca nyagé doi.

1 Tasalonisié 3:4

Kiddin ga ni kené ba jomang nageng tumu na, ni yegeng wa: Ka gelna cindena mam. Keng sol ca gelé go cin la caga waiena ’enda.

1 Timoté 1:13

Tumu na, ’enunga go yo kual go melauwi gad gad cai bua, ’enung geli cindi bua, ’enung nyangdi bu’, ama Kumu leng olum cawa ’enung la duro solé ’eno. A kiddin lé na ’enunga basé bo cindi dé.

1 Timoté 6:18

Ji yagé ca ké la ddarua ca dda ké lainyang dang gié go ddari bua, dang wai do gosinyé henga gagé duro gusugé, dang kalang bu’.

Gelé dong 1:9

Na ’enung kermegeng Jâ, mondigeng go daiang nageng duro gelé go cin ca Jésu bua, ca leu doi bua, dang ’yomé go ddainya bu’. Ké debung ca kema go ké ba té Patmos, ca ’enung ba dor kual go Kumu koi dang kual go cindi go Jésu ba geli dong.

Gelé dong 2:13

’Enung sol kiddin gain ga jomé, na kiddin ga pogu go Sidan koi wo kené. Ji si ddaindin cang ddar bua, ji dda bo cindi cang cong ’eno bu’. A duro saman do Antipas go ba yé hendé do geddang cang kau, ji lé main kain, na ddi go ké ba deddi a duroigeng a kiddin ga Sidan ba jom kené.

Gelé dong 2:2

’Enung sol henga mam ga ji ba légé. ’Enung sol gié goin go homé go ji wa loi, dang ’yomé go ddainya. ’Enung sol ca ji dda kalang ga isindong ’eno. Ji gesau kalang ga wa togé gusugé, na ka pajerong ga gié, ama ji waigé ka kalang ga poi.

Gelé dong 2:24

Ama keng kalang kané ga a duro yaué go Kumu koi go a Tiatir, keng ga wa kobé gelé go isini lé kua ’eno. Kual toi do mendem do kalang kané ba yé wa: Na go Sidan koi na, keng selai ’eno. ’Enung yegeng waldong wang ca ’enung go so ninwa go ddang caigeng ’eno.

Gelé dong 3:9

Sela, kua na henga ga ’enunga lang kalang ga yaué ga Sidan kai, ka ga poi, ké té gusugé ka ga Juib, ama ka ga Juib ’eno. ’Enunga sigé ké ’erang pia gomdigé tumoin bin hormo. Ka sol ca kedereng ’yeinya yo.

Gelé dong 7:14

’Enung jogu yei wa: Bagulondang ji sol, kardené ddi yeng wa: Na ké ga ba andegang a duro gelé go cin, ké pel badigé gagé berong dang Gagera kebardi.