Gelé dong 2:3 - Kebu go dore go herua 1978

³ Ji ’yom ddaindin, ji gel cin cang bua, ji terinyang mengain ’eno bu’.

Gelé dong 2:3 Iomraidhean Croise

Mark 15:21

Kema go pena gusondi Simon, na go Serén, Alésandré kang Rupus baigé, ddi saga to cong wa halé. Asengeriyong ’yomiang dono ca kondia aia sia go adegelé go Jésu koi.

NO DO DDARI A KUABA LUK 14:27

Kema goni goni goa aia sia go adegelé goi ca kuabang ’eno na, ddi go bbalé belé anjama guang ’eno.

NO DO DDARI A KUABA LUK 18:1

Kardené Jésu yégé kual go kera lé kua, ca gelegé ca kandia guma olé waindo waindo, ddo gusugé melagé ’eno.

NO DO DDARI A KUABA LUK 21:19

’Eregeng gag, keng da minyé gusugeng.

NO DO DDARI A KUABA LUK 5:5

Simon jogu yei wa: Bagulong ni ’uré danga soindo ték, ni ’ima gusa pena ’eno, ama ca yo goin na, ’enung da bé lau dugo.

NO DO DDARI A KUABA LUK 8:15

Gasa ga ba ba ca gesong ga gur na, mainya ké ga ba jé kual, ké magi duro ddaindigé ddar dang angal, ké jom geddang, ké si cindegé bu’.

Jâ 15:21

Ama ké logeng henga lé mam cang, cawa ké selai ddi go ba gigeng ’eno.

MAKTUB DO PAUL TOI DO BA GIO GUSU GA ROM 12:12

Ga jimageng dang gusu mowa ca tugoié gogeng bua, ga ’ima ddaindegeng duro gelé go cin bua, ga ulageng waindo waindo bu’.

MAKTUB DO PAUL TOI DO BA GIO GUSU GA ROM 16:12

Ga la Téraipén kang Traipas ga lo gié ca Bagulong labia, dang Peresid do ba lé gié combu cai bu’.

MAKTUB DO PAUL TOI DO BA GIO GUSU GA ROM 2:7

Kalang ga lo henga ga ddari bua, ga daré henga ga hormo bua, ga daré jomé goang cindegé bera kuddum bu’ na, Kumu da bigé jomé goang cindegé bera kuddum lé.

MAKTUB DO PAUL TOI DO BA GIO GUSU GA ROM 8:25

Ama na nia wa tugoia henga ga na ba selageng cindena ’eno na, na ’yomé ddaindena ca amé henga lé.

1 Korintié 13:7

Kederé ’yo danga ’yomé go gusugé ca henga mam bua, bo cindi, dang tugoié, dang ’yomé go ddainya go kederé ’yo magena duro henga mam bu’.

1 Korintié 16:16

kalang ga main kain lé na, ga jageng kual gogé, kang kalang ga wa lo gié dang nagé mam bu’.

2 Korintié 10:15

Na ca ma ni hangdda keddeléni ’eno bua, ni pedu gusuni ca gié go kalang ga ddang kogé ’eno bu’, ama ni dar ca bo cindi gogeng ’era tumu tumu ca ni bbal ca lo gié nain duroigeng, ama ni joma duro keddeléni go Kumu ba beni mera.

2 Korintié 11:23

Ka ga gié ga Krist kai ga? Sela, ’enung wa yogeng kual main ’enunga kema go suagé kain. ’Enung ddigé mam, ’enung lé gié ddigé mam bua, ké ’yomung debung duro gerngang combu ddigé bua, ké tung combu ddigé bua, ’enung jia ’yoab kebu temai ddigé bu’.

2 Korintié 4:1

Na ca olum do Kumu toi na, ddi beleni ga lo gié goi, na ca ma, ni gelalé ’eno.

2 Korintié 4:16

Na ca ma ni gelala ’eno bering, ama gusuna go dong nia wa belé todero henyé henyé kau na, habeina ga duroina na, bela dono waindo waindo.

2 Korintié 5:9

Ama na nia jomang gusuna lé kua bua, na nia dda gusuna lé kua cong bu’ kau na, na dara ca mowoia Bagulong gusi mera.

2 Korintié 6:5

Ké téniang belau, ké beni duro gerngang, ké saiang doa caini, ké sini ni lé gié go homé basé bogé gelalé bua, basé woié kung bua, basé do bu’.

Galatié 6:2

Ga jegena gusugeng ca henga ga ninyé, keng nia lé main kain na, keng maga so go Krist koi ’enda.

Galatié 6:9

Ddo na gelalé duro gié go ddari lo goi ’eno, cawa gusuna nia melana ’eno na, kiddin ga kiddin nia bbal na, na da wal.

Pilipié 2:16

Keng yagé kual goang cindi, keng nia la main kain na, ’enung da pedegeng duro wolé go Krist koi, kua da gelgeng ca gié guang mam go ’enung ba ’yom gusung osu pejag lei na, ddi bega gusu ’eno.

Pilipié 4:3

Ji mengang go gié go geddang, ’enung olin ca ji jégena kandu lé kua bu’, cawa ké worin kembel daiang nang ca ajé Nô do Ddari, dang Kelemén bu’, dang kamdung kané ga a duro gié mam, ké ga gusondigé wa a duro cidab do Kumu toi doang cindo.

Kolosié 1:11

Ni ol Kumu ca ddi begeng dono nain do ’eré gag duro dono do hormo doi toa, ca keng bbala ca ’yomé ddaindegeng gag duro gelé go cin goni goni mam dang gusu mowa.

1 Tasalonisié 1:3

Ni ’eremang gié gogeng go bo cindi, dang gié gogeng go kederé ’yo, dang ’yomé go ddaindegeng gag duro tugoié gogeng ca Bagulondena Jésu Krist tumu Baina Kumu.

1 Tasalonisié 2:9

Karmeng, kiddin ga ni ba jom duroigeng ca dorgeng Nô do Ddari do ba saga a gusu Kumu na, keng sol carara ca ni gelalang gié go lo tebang soindo ca ddo ni ninwa kema pena a duroigeng ’eno.

1 Tasalonisié 5:12

Karmeni, ni olgeng dang meregdé ca keng bigé ké ga wa lo gié duroigeng hormo, cawa Bagulong pargé ca ké gelegeng bua, ca ké gejageng bu’.

2 Tasalonisié 3:13

Ama keng karmeng, ddo gusugeng melageng ca gié go ddari ’eno.

2 Tasalonisié 3:5

Dda Bagulong begeng kederé ’yo duro ddaindegeng ca Kumu bua, dda Krist begeng ’yomé go ddainya bu’.

2 Tasalonisié 3:8

Ni da kema pena do goi kalin ’eno, ama ni lé giang gelalé tebang soindo ca ddo ni ninwa kema pena duroigeng ’eno.

1 Timoté 4:10

Na ca ma, na wa lo gié dang gaué go gusuna, cawa ni si tugoié guana ca Kumu go jomang cindi, na ddi go minyé kalang mam ga ba bu cindi cai.

1 Timoté 5:17

Gemdong ga gelé yaué go Kumu koi ddar na, dda ké ’ya boié cainé kené com, ’enung yé kual ca ké ga lo gié nain dang kual go doré bua, dang gelé bu’.

Hébero 10:36

Ga jimageng dang angal ca lo henga ga Kumu kederei ba dargé bua, ca keng waia kebu go doré go ddi ba dori caigeng bu’.

Hébero 12:1

Kalang ga hendé combu lurana wo kené, na ca ma, dda na bogé henga ga ninyanageng ga wa narena oré tumu tumu cong bua, dang isinwa do wa temdana bu’. Dda na geregeng osu a duro kiddin ga bogé wurejé ga wo tumoina.

Hébero 13:13

Na ca ma, dda na aiegeng dasi doi caina, na andegeng kara gulong dong daiang nai.

Hébero 6:10

Kumu ddia Kumu go geddang, ddi go guiobang gié gogeng ’eno bua, dang kederé ’yo ga keng wa lo cai ’eno bua, dang gié go keng wa lo ca jégené karmegeng ga Krist kai ’eno bu’.

Hébero 6:12

Ni dar ca keng lo dabu ’eno, ama ni dar ca keng ’yugela ké ga bu cindi dang ké ga ’yomé ddaindigé bu’, ca keng da debu do kebu go doré go Kumu koi.

Hébero 6:15

Abraham ’yom ddaindi bera ddi wai kebu go doré go Kumu koi lé.

2 Piér 1:6

Duro solé na, ga bia gusugeng ga arna ’yomé go gusugeng gag cainé bua, duro ’yomé go gusugeng gag na, na arna ’yomé go ddaindegeng cainé bua, duro ’yomé go ddaindegeng gag na, ga arna kobé Kumu ddar cainé bua.

Gelé dong 1:9

Na ’enung kermegeng Jâ, mondigeng go daiang nageng duro gelé go cin ca Jésu bua, ca leu doi bua, dang ’yomé go ddainya bu’. Ké debung ca kema go ké ba té Patmos, ca ’enung ba dor kual go Kumu koi dang kual go cindi go Jésu ba geli dong.

Gelé dong 3:10

Cawa ji magu kual guang dang ’yomé go ddaindin cai, kiddin ga gelé go cin go da ’erga ca delinya ca gesaué kalang ga dura mam na, ’enung da magin dang dono bu’.