Gelé dong 12:3 - Kebu go dore go herua 1978

³ Henga ga gelé ga kagelokemo ga ddang andegang a dang com. Na kumbulo go gumu go yilé goang cai jurgum, dang kebong moac a cai. Cai lé jurgum danga gundu caigé mam.

Gelé dong 12:3 Iomraidhean Croise

Gelé dong 12:1

Henga ga gelé ga gumu ga kagelokemo andegang a dang. Tama pena huiyogu gusang teba bua, to si guanda ca kederé bua, toang gundo goang desiddiyong moac ca sua ca.

Gelé dong 12:13

Kiddin ga kumbulo lé ba sol ca kandia debegi duro delinya na, ddi boi gusi kala ca taié tama do ba wo kie lé.

Gelé dong 12:17

Kardené kumbulo lé belé mainya nain ca tama lé, ddi jogu ’yé worinyé kembel dang ’agernda ga magé so go Kumu koi, dang ké ga jomé geddang ca kual go cindi go Jésu ba gelegé dong.

Gelé dong 12:4

Cinddi sukga desiddiyong kobegé pena, begagé duro delinya, ddé ji sua. Ddi ’eré tumu tama do wa wo lé ca kiddin ga tondia wo na, ddia sai di kié lé.

Gelé dong 12:7

Kardené ké worin kembal a dang, Misél kang kangiyong gai worin kembel dang kumbulo go gumu lé, ddi bang kau worin kembel kang kangiyong gai bu’.

Gelé dong 12:9

Ké debu kumbulo go gumu lé cong, na kumbulo go hali, na habé ga isini kelmagé go ké ba tei Sidan, na ddi go ba kai kalang a duro delinya mam. Ké debegi duro delinya, ké bega kangiyong gai daiang nai bu’.

Gelé dong 13:1

Kardené ’enung sol gijang pena naga a cin kurai go gumu go ddoaga, ddiang kebong moac bua, cai jurgum bu’. Kebong ga jurgum lé danga gundu caigé mam. Ké pasu gusong go melaué gad gad ca Kumu a caigé lé mam bu’.

Gelé dong 13:2

Gijang go ’enung ba soli lé na, ddi gené mainya cur kain, gondi main gijang kain, kibi main gijang gusugé kain, kumbulo go gumu lé bi dono doi bua, dang pogu goi bua, dang ddo goi go ca bu’.

Gelé dong 13:4

Kalang mam melauwu kumbulo go gumu lé ca ddi ba bi gijang lé dono doi. Ké melauwu gijang lé bu’, ké yé wa: Na wanga bbalé main gijang lé kain ga? Na wanga bbalé worinyé kembelang nai ga?

Gelé dong 15:1

Kardené ’enung sol henga ga gelé ga gumu ga kagelokemo ga ddang a dang ni. Kangiyong jurgum gang homé go gumu a kobegé. Na homé go gumu go to do karé, cawa mainya do Kumu toi da ka danga nagé.

Gelé dong 16:13

Kardené ’enung sol habé ga isini gené main gerna kain andegang a kebu kumbulo go gumu bua, a kebu gijang bua, a kebu go cogelé kebu go poi bu’.

Gelé dong 17:12

Kubung ga moac go ji ba solgé na, na kermeleng moac ama ké da termala eno dé, ama ké wai dono do ddo ca ddiang gijang kiddin pena.

Gelé dong 17:16

Kebong ga moac ga ji ba solegé kang gijang lé kua na, na kain tama do podelo lé cong, ka nyim henga ga mam, to da ji gandela, ka di guso, ka ’uloang tua jiddag bu’.

Gelé dong 17:7

Kardené kangito lé yeng wa: Cawa ma ji sol kagelokemo ga? ’Enunga poderein mendem do tama lé kua dang gijang go to ba jom cai lé koi, na gijang goang cai jurgum dang kebong moac lé.

Gelé dong 19:12

Cindi mainya tua do belelem kain, ddiang gundu combu cai, ddiang gusong go pena pasé gusi go kema pena bbal ca solei ’eno, na ddi bang mera.

Gelé dong 20:2

Ddi ’yom kumbulo go gumu go hali go tumu din, to do poré na habé ga isini kelmagé, na Sidan, ddi saddiang kunja ddegelé dubu.