Gelé dong 1:9 - Kebu go dore go herua 1978

⁹ Na ’enung kermegeng Jâ, mondigeng go daiang nageng duro gelé go cin ca Jésu bua, ca leu doi bua, dang ’yomé go ddainya bu’. Ké debung ca kema go ké ba té Patmos, ca ’enung ba dor kual go Kumu koi dang kual go cindi go Jésu ba geli dong.

Gelé dong 1:9 Iomraidhean Croise

Matié 20:23

Ddi jogu yégé wa: Keng da si ddarin duang, ama na ’enunga go poré ké ga da jom ca kuabang go barua dang go masa ’eno. Kiddin lé na ca ké ga Bang ba nyangang nagé.

Mark 10:39

Ké jogu yei wa: Ni bbal. Jésu yégé wa: Kenga si ddarin do ’enung da so, gelé go cin go ké desongang nai na, ka gelgengang nai bu’.

Jâ 16:33

’Enung yegeng kual lé kua ca keng waia jalua juam a gusung. Kenga wai gelé go cin duro delinya, ama ga ’ima ddaindegeng cawa ’enung boi delinya ’enda.

GIÉ GO PAJERONG GA GIÉ KOGÉ 1:15

Duro wolé lé kalang ga bu cindi yau, ké main aru dang to sua kain, Piér sai ’eré duroigé, ddi yégé wa:

GIÉ GO PAJERONG GA GIÉ KOGÉ 14:22

Ké bégé ga bo cindi dono, ké géjegé kandia ’er gag ca bo cindi gogé. Ké yégé wa: Danga gelé go cin combu ma, na da andong duro Leu do Kumu toi.

MAKTUB DO PAUL TOI DO BA GIO GUSU GA ROM 8:17

Na karndi, na ca ma na da di deba do Kumu toi dang kalang gai ga ddi ba dorgé kebu, na nia wai gelé go cin ca Krist na, na da ’yé do deba dang nai duro hormo doi.

MAKTUB DO PAUL TOI DO BA GIO GUSU GA ROM 8:25

Ama na nia wa tugoia henga ga na ba selageng cindena ’eno na, na ’yomé ddaindena ca amé henga lé.

2 Korintié 1:7

Ni tugoiageng dang ’eremé sua sua ’eno, cawa ni sol ca kengang gelé go cin go main koni kain, na ca ma kenga wai jégené main ni ba waiang kain bu’.

Pilipié 1:7

Na geddang ’enung ’erem caigeng main kain mam. ’Enung ’eremang nageng a duro ddaindung, cawa keng mam daiang nang duro gié go Kumu ba bung, kau kiddin ga ’enung wo duro gerngang, kau ’enung kalin, keng magu Nô do Ddari ddar.

Pilipié 4:14

Ama keng lé henga ga ddari ga jégenang duro homé guang.

2 Tasalonisié 3:5

Dda Bagulong begeng kederé ’yo duro ddaindegeng ca Kumu bua, dda Krist begeng ’yomé go ddainya bu’.

2 Timoté 1:8

Ji lo dasi ca yo hendé do Bagulondena toi ’eno. Ji lo dasi cang ca ’enung wo duro gerngang ca kondi ’eno bu’, ama ca dono do Kumu toi do ddi ba bin na, ji ’ya gelé goin go cin ca Nô do Ddari.

Hébero 10:36

Ga jimageng dang angal ca lo henga ga Kumu kederei ba dargé bua, ca keng waia kebu go doré go ddi ba dori caigeng bu’.

1 Piér 5:1

Cakcak kua na, ’enung wa yoga gemdong ga wo a duroigeng a duro yaué go Kumu koi. ’Enung kaua mondigé go gumu main nagé kain go yo hendé ca gelé go cin go Krist koi bu’. Kiddin ga ddia andong dong na, ’enunga wai boié guang a duro hormo doi bu’. Kua na henga ga ’enung wa olegé.

Gelé dong 1:1

Duro maktub lé kua na, Jâ pasua henga ga Jésu Krist kai ga ddi ba geliang nagé waldong wang. Kumu na boi henga lé ca kondia gelgé kalang gai ga gié ca henga ga wa jo ’yoab ca orang. Krist gigu kangito goi gusu koi go gié Jâ ca kondia geli henga lé.

Gelé dong 1:2

Jâ gom yé kual ca henga mam ga ddi ba solgang cindi, ddi ya hendé do ba saga a gusu Kumu dang kual go cindi go Jésu Krist ba geli.

Gelé dong 1:4

Na ’enung Jâ, ’enung pasu cidab lé kua ca yaué go Kumu koi go jurgum go a ca gesong ga Asi. Dda Kumu lageng waiang jalua juam, na ddi go wo kené cakcak kua bua, na ddi go kené tumu din bua, na ddi go da ’erga bu’, dang habé ga jurgum ga a tumu pogu goi,

Gelé dong 1:6

Ddi belena leuiyong ga tibé ga Bai Kumu kai. Hormo dang dono na do Jésu Krist toi bera kuddum, Amin.

Gelé dong 11:7

Kiddin ga ké ka kual go doré mam na, gijang go ba andegang a duro ’umbung go digé kuddung go toi basé karé da worin kembel dang nagé, ddia ddigé, ddia deddegé.

Gelé dong 12:11

Karmana ddi kumbulo la ca Gagera kebardi bua, ca hendé do cindi do ké ba ya bua, ké muru maré ’eno bu’.

Gelé dong 12:17

Kardené kumbulo lé belé mainya nain ca tama lé, ddi jogu ’yé worinyé kembel dang ’agernda ga magé so go Kumu koi, dang ké ga jomé geddang ca kual go cindi go Jésu ba gelegé dong.

Gelé dong 13:10

Kema goni goni go ké ba gabegai ca gerngang na, cindi ka ’yang nai duro gerngang. Kema goni goni go ké ba gabegai ca kandia deddiang gesengar na, cindi ka deddiang gesengar. Na ca ma, na gad kalang ga Kumu kai da ’ima ddaindigé dang bo gogé go cindi.

Gelé dong 14:12

Na ca ma, kalang ga Kumu kai ga magé so goi dang ké ga geddang ca Jésu na, na gad ké ’ima ddaindigé.

Gelé dong 19:10

’Enung aserong tumoi dugo ca melauoi, ama ddi yeng wa: La angal, ddo ji lo kain ’eno, cawa ’enunga go gié main nain kain bua, main karmein ga ’yo hendé do cindi do Jésu toi kain bu’, ji melaua Kumu mera. Kual go cindi go Jésu koi go ba geli donga bogé kalang dono do cogelé kebu go Kumu koi.

Gelé dong 20:4

Kardené ’enung sol pogerong, kalang ga jomé ca pogerong lé na, ké bigé dono do kaidé kual, kalang ga ké ba deddegé ca ké ba dor kual go cindi go Jésu koi go ddi ba gelegé waldong wang, dang kual go Kumu koi, ’enung sol keudigé, na kalang ga ba melaua gijang dang kula go ké ba nyirei gené main nai kain lé ’eno bua, na ké ga ’yo genjer go gijang koi tumoigé dang kobegé ’eno bu’. Ké belegé a duro ga maré dang cindegé, ké di termala dang Krist ddegelé dubu lé.

Gelé dong 3:10

Cawa ji magu kual guang dang ’yomé go ddaindin cai, kiddin ga gelé go cin go da ’erga ca delinya ca gesaué kalang ga dura mam na, ’enung da magin dang dono bu’.

Gelé dong 6:9

Kardené Gagera lé hangu genjer go bai. ’Enung sol to dandang do tibé kalang keudigé ga ké ba deddegé, cawa ké ba dor kual go Kumu koi bua, na ké ga yo hendé do geddang bu’.

Gelé dong 7:14

’Enung jogu yei wa: Bagulondang ji sol, kardené ddi yeng wa: Na ké ga ba andegang a duro gelé go cin, ké pel badigé gagé berong dang Gagera kebardi.