Gelé dong 1:7 - Kebu go dore go herua 1978

⁷ Ddia ’erga duro meddaliyong, kalang mam da soliang cindegé, kalang ga ba jibi kené tumu kau, ka soliang cindegé bu’. Kalang ga a duro delinya mam, ka sol ’elé ca kondi. ’I, na main kain lé, Amin.

Gelé dong 1:7 Iomraidhean Croise

Matié 16:27

Cawa Kumu Kurondi da ’erga duro hormo do Bai toi kang kangiyong gai. Kema goni goni kau, ddia boii bbal ca gié goi.

Matié 16:28

’Enung wa yogenga cindi waldong wang: Ga pena wo kené a duro kalang ga ’eré lé kua, ké go maré ’eno, ka sol Kema Kurondi da ’orang main kelma kain jua.

Matié 24:30

Kardené henga ga gelé ga Kema Kurondi kai da gelgu a dang. Kalang cindegé kaindigé kaindigé a duro delinya mam, ka ’elé dang tubu go cindegé, ka sol Kema Kurondi wa orang ca meddaliyong ga dang, dang dono dang hormo nain.

Matié 25:31

Kiddin ga Kema Kurondi da ’erga main kelma kain dang kangiyong gai mam na, ddia jom ca pogu go hormo.

Matié 26:64

Jésu jogu yei wa: Jia yo main kain, ama ’enung yegenga waldong wang: Ji tumu kua na, keng ddain da sol Kema Kurondi dang jomé ca Kumu kobi go barua go dono bua, keng da soliang orang a ca meddaliyong ga dang bu’.

Mark 13:26

Kardené ka sol Kema Kurondi wa orang duro meddaliyong, dang dono do nain, dang poiang goi go biddid biddid.

Mark 14:62

Jésu jogu yei wa: ’I, na ’enung lé, keng mam da sol Kema Kurondiang jomé ca Kumu kobi go barua go dono, keng da soliang orang duro meddalin do dang bu’.

NO DO DDARI A KUABA LUK 21:27

Kardené ka sol Kema Kurondi duro meddaliyong, dang dono do nain, dang poiang goi go biddid biddid.

Jâ 19:34

Ama asengar go pena jebu gasebeiang so goi, kobipadda kebar kang kang bé dugo.

Jâ 19:37

Kual go pena go ddang a duro ddoginyé yé wa: Ka sol ddi go ké ba jebu gasebei.

1 Tasalonisié 1:10

Keng wa ama Kurondi go ddain da saga a dang ca orang, na Kurondi Jésu go ddi ba beleiang cindi a duro ga maré, na ddi go ba minyana a duro mainyé do Kumu toi do wa orang.

1 Tasalonisié 4:17

Kardené na gang cindena na, ka nyimna daiang nagé duro meddaliyong ca na yalé Bagulong a duro kal go dang ni. Main kain na, na jomang Bagulong bera kuddum.

Hébero 10:29

Ka kaidé kual go gumu ca kema go ba kain Kumu Kurondi cong bua, go ba sol kebar go kebu go doré go herua go Kumu koi, go ké ba belei arin carara main henga ga kalin kain bua, go lé Habé ga Kumu kai ga ba lana wai bojo bu’ na, ka kaidé kual go gumu cai bu’.

Hébero 6:6

Ama ké aserong duro isinwa do delinya toa, na ca ma ké bbal ca orang bogé kebegé herua ddang com ’eno, ké bbobel Kumu Kurondi ca sia go adegelé com, ké bei dasi cai tumu kalang dang nyandié waldong wang ddang com bu’.

1 Jâ 3:2

Karndung, cakcak kua na Kumu karndi, ama na sela belé guana go ka belana ’eno dé, ama na sol ca kiddin ga Krist da ’erga na, na da belé main nai kain, cawa na da soliang cindena ca na ddi lé.

MAKTUB DO JUD TOI 1:14

Enok go to moin go Adam koi go jurgum na, ddi cogel kebu caigé tumu din, ddi yé wa: Sela Bagulong da ’ergang kangiyong gai ga arin carara combu ga ddi ddoginyé.

Gelé dong 22:20

Ddi go ba ’yé hendé doi ca henga lé kua mam na, ddi yé waldong wang: ’I, ’enung wa jogang kala. Amin Bagulong Jésu, ji ’erang main kain lé.

Gelé dong 22:4

Ka sol cindi bua, ka pasu gusondi tumoigé bu’.