Gelé dong 1:5 - Kebu go dore go herua 1978

⁵ dang Jésu Krist go yo hendé go geddang bua, ddia Kurong go monjoli go Kumu ba beleiang cindi a duro ga maré tumu jua bua, ddia kelma go kermeleng ga delinya kogé mam bu’. Kederei ’yana, ddi toarana a duro isinwa duana dang kebardi.

Gelé dong 1:5 Iomraidhean Croise

Matié 20:28

Main Kema Kurondi kain, ddi ’erga ca kandia lai gié ’eno, ama ca ddia logé kalang gié. Ddi bo gusi ca toré kalang combu.

Matié 28:18

Jésu ’yé gusugé, ddi yégé wa: Ké bung dono ca Leu do dang ni, dang do dugo mam.

Jâ 13:1

Tumu wolé go lo soré go kederé cindi na, Jésu sol ca kiddin gai ji ’yoab ga ca ddo delinya lé kua, ca jogé oré gusu Bai. Kederei ’yé kalang gai ga a duro delinya lé kua waindo waindo, kederei ’yéga bera to do karé.

Jâ 13:34

’Enung begenga so go herua, dda kederegeng ’ya gusugeng. Na gad kederegeng ’ya gusugeng main kedereng ba ’yegengang kain.

Jâ 15:9

Kedereng ’yegeng mainya Ba kederei ba ’yengang kain. Ga jimageng duro kederé ’yo gang.

Jâ 18:37

Kardené Pilat ’engeri wa: Jia kelma ga? Jésu jogu yei wa: Jia yoa ji, ’enunga kelma. Ké wong, ’enung ’erga duro delinya na ca yo kual go cindi. Kema goni goni goa go cindi na, ddi ca jo kual guang go ’enung ba ’yei.

Jâ 3:11

’Enung wa yoinya cindi waldong wang: Ni yegenga kual go niang nai, na kual go ni ba soli bu’, ama keng ’ya hendé doni lé ’eno.

Jâ 3:16

Cawa Kumu kederei ’yé kalang mam a duro delinya, bera ddi bu Kurondi go pena kiddi kiddi, ca kema goni goni goa bu cindi cai na, ddi go basong ’eno bering, ama ddianga cindi bera kuddum.

Jâ 3:32

Ddi ya henga ga ddi ba solgé dang kual ga ddi be jei, ama kema pena ’ya hendé doi ’eno.

GIÉ GO PAJERONG GA GIÉ KOGÉ 20:28

Ga maga gusugeng ddara, dang gamgé ga Habé ga Kumu kai segeng ca magégé. Ga maga yaué go Kumu koi go ddi ba toriang Kurondi kebardi.

GIÉ GO PAJERONG GA GIÉ KOGÉ 26:23

Na kual go Krist ddainya da gel cin bua, ddi da belang cindi a duro ga maré tumu jua bua, ddi da doré nô do minyé do arin ca kalang gani dang kalang ga toigé ddang bu’.

MAKTUB DO PAUL TOI DO BA GIO GUSU GA ROM 3:25

Kumu belé Jésu Krist sandega do tibé dang kebardi. Krist bbal burogé kalang ga bo cindi cai isinwa dogé. Kumu lé main kainya ca gelé geddang doi waldong wang. Ddi ’yom gusi tumu din, ddi sol isinwa do kalang togé semgen.

MAKTUB DO PAUL TOI DO BA GIO GUSU GA ROM 8:37

Ama ca Kumu kederei ba ’yana na, na ddi ca henga lé kua mam.

1 Korintié 6:11

Ga pena a duroigeng tumu din kau la main kain, ama cakcak kua ké belegeng arin carara a duro isinwa bua, keng ji kalang ga Kumu kai bua, ké belegeng geddang tumu Kumu dang Bagulong Jésu Krist gusondi, dang Habé ga Kumu guana kai bu’.

Galatié 2:20

Cakcak kua na, na ’enunga jomang cindung ’eno, ama na Krist na jomang cindi gusung. Ama jomé goang cindung go cakcak kua na, ’enung jomang cindunga ca bo cindi ca Kumu Kurondi go kederei ba ’yeng, ddi bu gusi cang bu’.

Epésié 2:4

Ama olum do Kumu toi dang kederé ’yo gai caina na, ka nain.

Epésié 5:2

Jimageng dang kederé ’yo main Krist kederei ba ’yanang kain, ddi bu gusi caina main sandega bo tibé do ddowa tuna do mowoi Kumu gusi.

Kolosié 1:18

Ddia ca do gusu toi, to do poré na yaué go Kumu koi, ddia to do so do jomé goang cin ga herua kogé bua, ddia kié go monjoli go ba belang cindi a duro ga maré tumu jua, ca henga mam na, ddia go tumoigé.

1 Timoté 6:13

’Enung sin tumu Kumu, ddi go bo henga mam jomé goang cindegé bua, dang tumu Jésu Krist, ddi go yo hendé do ddari do bo cindi tumu Pons Pilat bu’.

1 Timoté 6:15

Jogang goi na, na a duro wolé go Kumu ba si kurab, ddia kelma go busu go pena kiddi kiddi bua, kelma go kermeleng kogé dang Bagulong ga Kagulong kogé bu’.

Hébero 10:29

Ka kaidé kual go gumu ca kema go ba kain Kumu Kurondi cong bua, go ba sol kebar go kebu go doré go herua go Kumu koi, go ké ba belei arin carara main henga ga kalin kain bua, go lé Habé ga Kumu kai ga ba lana wai bojo bu’ na, ka kaidé kual go gumu cai bu’.

Hébero 9:14

Jésu kebardi ddi henga lé kua ca mena ga? Ca Habé ga bera kuddum na, ddi bu gusi main henga ga tibé go bbalé kerab. Kebardi belé kual go a duro ddaindena go lo gié go kalin arin carara, ca na bbala ca lo gié go Kumu go jomang cindi koi.

1 Piér 1:19

Ama ddi torgeng danga Jésu kebardi go ddo kelé, ddi go main gagera go bbalé kerab go laddin go basé kenwa kain.

1 Jâ 1:7

Ama na nia jom duro arinwa main Kumu bang ba jomang duro arinwa kain na, na lé dandang dang gusuna bua, kebar go Kurondi Jésu koia belana arin carara a duro isinwa doni mam bu’.

1 Jâ 4:10

Kua, na kederé ’yo lé, tumu na kederana ’ya Kumu ’eno, ama na ddi bang kedereia ’yoana, ddi gigu Kurondi ca kondia bel go tibé caina ca burogé isinwa duana.

Gelé dong 11:15

Kardené kangito go jurgum lom tura doi, nô combu yaga a dang yé wa: Cakcak kua na, leu do delinya toa bela do Bagulondena toi dang Krist goi, ddia ddi caigé waindo waindo bera kuddum.

Gelé dong 11:3

’Enunga gi kalang gang ga yo hendé sua lé, ké si badigé ga heraga gusugé, ké dor kual go Kumu koi wolé dubu dang aru sua dang to jis.

Gelé dong 17:14

Ka worin kembel dang Gagera, ama Gagera da ddigé cawa ddia Bagulong go kagulong kogé, dang kelma go kermeleng kogé, ddi ddigé kang kalang gai ga geddang ga ddi ba tégé bua, ga ddi ba pargé bu’.

Gelé dong 19:11

Kardené ’enung sol dang hangong, ’enung sol henda go béré, ddi go jomé ca henda na, ké teia Geddang dang Go Cindi, ddi kaidé kuala go geddang bua, ddi worin kembel danga geddang bu’.

Gelé dong 19:16

Ké pasu gusondi gusu badigé gai dang gondi bu’, ké pasu wa: Kelma go kermeleng kogé dang Bagulong go kagulong kagé.

Gelé dong 2:13

’Enung sol kiddin gain ga jomé, na kiddin ga pogu go Sidan koi wo kené. Ji si ddaindin cang ddar bua, ji dda bo cindi cang cong ’eno bu’. A duro saman do Antipas go ba yé hendé do geddang cang kau, ji lé main kain, na ddi go ké ba deddi a duroigeng a kiddin ga Sidan ba jom kené.

Gelé dong 3:14

Ji pasa kual lé gusu kangito go magé yaué go Kumu koi go a Laudesi. Sela, kua na Amin kual goi go yo waldong wang, ddi go yo hendé do geddang do cindi. Henga ga Kumu ba debegé mam, ddia tumoigé cegereg.

Gelé dong 7:14

’Enung jogu yei wa: Bagulondang ji sol, kardené ddi yeng wa: Na ké ga ba andegang a duro gelé go cin, ké pel badigé gagé berong dang Gagera kebardi.