Gelé dong 1:2 - Kebu go dore go herua 1978

² Jâ gom yé kual ca henga mam ga ddi ba solgang cindi, ddi ya hendé do ba saga a gusu Kumu dang kual go cindi go Jésu Krist ba geli.

Gelé dong 1:2 Iomraidhean Croise

Jâ 1:32

Jâ jogu yégé waldong wang: ’Enung sol habé gesingu a dang main bulo kain jom cai.

Jâ 12:17

Kalang mam gang Jésu kiddin ga ddi ba té Lasar ca kondia andang dong a duro umbung, kiddin ga ddi ba beleiang cindi a duro ga maré na, ké yé kual ca henga ga ké ba solgé.

Jâ 19:35

Kema go ba yé hendé lé na, ddi sol henga langa cindi, hendé doi la cindi, ddi bang sol ca ddia ya hendé do cindi bu’, na ca ma keng kau ga bu cindi ca kual lé bu’.

Jâ 21:24

Anjama go yo kual lé na, ddia pasé kual lé bu’, na sol ca kual goi na cindi.

Jâ 3:11

’Enung wa yoinya cindi waldong wang: Ni yegenga kual go niang nai, na kual go ni ba soli bu’, ama keng ’ya hendé doni lé ’eno.

GIÉ GO PAJERONG GA GIÉ KOGÉ 22:15

Ca jia ja kema go yo hendé doi gusu kalang mam, ca henga ga ji ba solgé, dang kual go ji jei bu’.

GIÉ GO PAJERONG GA GIÉ KOGÉ 26:16

Ama ji sa ’er dang, ’enung boin cindinya ca belein kuang go gié. Jia yé hendé duang gusu kalang ga ddang ca henga ga ji ba solgé labegé kua bua, jia dorgé kual go ’enung ddain da gelin dang nai com bu’.

GIÉ GO PAJERONG GA GIÉ KOGÉ 4:20

Ama niang dono do kainyé yo kual ca henga ga ni ba solgé, dang kual go ni ba jei bu’ ’eno.

1 Korintié 1:6

Main hendé do Krist toi ba ’eré duroigeng gag kain.

1 Korintié 2:1

Karmeng, kiddin ga ’enung ba ’yé gusugeng ca doregeng mendem do cindi do Kumu toi na, ’enung dorgenga kual go homi nain go ddo caigeng ’eno,

1 Jâ 1:1

Ni pasegenga kual goang cindi go wo kené tumu din, kiddin ga Kumu ba osum lo henga mam. Ni jé kual goi bua, ni soliang cindini bua, ni soli bua, ni ciliang kobeni bu’.

1 Jâ 4:14

Na soli dang cindina bua, na yé hendé doi ca Ba gigu Kurondi ca kondia minyu delinya bu’.

3 Jâ 1:12

Kalang mam yé kual go Démitrus koi ddar. Gié goi go lo bé rés dang kual go cindi, ni kau, ni yé hendé do ddari cai bu’, ji sol ca kual go ni ba yé na, na kual go cindi.

Gelé dong 1:11

To yé wa: Henga ga ji wa solegang lé na, pasagé duro cidab, ji gi cidab lé gusu yaué go Kumu koi go jurgum lé kua, Epés, dang Samir, dang Pergam, dang Tiatir, dang Sardé, dang Piladélpi, dang Laudesi.

Gelé dong 1:19

Ji pasa henga ga ji wa solegé lé kua, na henga ga wa halé cakcak kua bua, dang henga ga da ’erga bu’.

Gelé dong 1:9

Na ’enung kermegeng Jâ, mondigeng go daiang nageng duro gelé go cin ca Jésu bua, ca leu doi bua, dang ’yomé go ddainya bu’. Ké debung ca kema go ké ba té Patmos, ca ’enung ba dor kual go Kumu koi dang kual go cindi go Jésu ba geli dong.

Gelé dong 12:11

Karmana ddi kumbulo la ca Gagera kebardi bua, ca hendé do cindi do ké ba ya bua, ké muru maré ’eno bu’.

Gelé dong 12:17

Kardené kumbulo lé belé mainya nain ca tama lé, ddi jogu ’yé worinyé kembel dang ’agernda ga magé so go Kumu koi, dang ké ga jomé geddang ca kual go cindi go Jésu ba gelegé dong.

Gelé dong 20:4

Kardené ’enung sol pogerong, kalang ga jomé ca pogerong lé na, ké bigé dono do kaidé kual, kalang ga ké ba deddegé ca ké ba dor kual go cindi go Jésu koi go ddi ba gelegé waldong wang, dang kual go Kumu koi, ’enung sol keudigé, na kalang ga ba melaua gijang dang kula go ké ba nyirei gené main nai kain lé ’eno bua, na ké ga ’yo genjer go gijang koi tumoigé dang kobegé ’eno bu’. Ké belegé a duro ga maré dang cindegé, ké di termala dang Krist ddegelé dubu lé.

Gelé dong 22:21

Dda wai do Bagulong Jésu Krist toi jimang nageng mam.

Gelé dong 6:9

Kardené Gagera lé hangu genjer go bai. ’Enung sol to dandang do tibé kalang keudigé ga ké ba deddegé, cawa ké ba dor kual go Kumu koi bua, na ké ga yo hendé do geddang bu’.