Gelé dong 1:16 - Kebu go dore go herua 1978

¹⁶ Ddiang desiddiyong jurgum a kobi ga barua, gesengar go kégé sua andegang a kebi. Tumoi piyong biddid biddid main teba do duro gulong ddar kain.

Gelé dong 1:16 Iomraidhean Croise

Matié 17:2

Gusi belé kaindi cindegé, tumoi piyong main teba kain bua, badigé gai belé béré hér main arinwa go teba kua kain bu’.

GIÉ GO PAJERONG GA GIÉ KOGÉ 26:13

Ai kelma, kiddin ga ’enung wo duro giyong teba duro gulong na, ’enung sol arinwa do pena saga a dang wulainga arin main teba kain, to lurong kuddab, niang kalang ga orang nang.

Epésié 6:17

Ga segeng minyé caigeng main jagua do helma kain bua, dang kual go Kumu koi kobegeng main gesengar do Habé ga Kumu kai togé kain bu’.

Hébero 4:12

Cawa kual go Kumu koi danga cindi bua, ddi la gié bu’. ’Yo goi ddia gesengar do kaga sua. Ddi ’yé bera gosin keuang habé bua, ddi wal cin ga isé kagé, ddi gaigé wai sibo bua, ddi andongang ’eremé dang tabelang do a duro kema ddaindi dong bu’.

Gelé dong 1:20

Kua, na mendem lé toa do poré, ca desiddiyong ga jurgum ga ji ba solgé a kuabang go barua lé, dang tua do jurgum do luguinya lé. Desiddiyong ga jurgum lé na, na kangiyong ga yaué go Kumu koi go jurgum. Tua do jurgum lé na, na yaué go jurgum go Kumu koi.

Gelé dong 10:1

Kardené ’enung sol kangito go ddang go dono saga a dang gesingu dugo. Ddi huyogu gusi dang meddalin bua, dembelé wo cai bua, cindi main teba kain bua, gondi main tua kelanda do siberé kain.

Gelé dong 12:1

Henga ga gelé ga gumu ga kagelokemo andegang a dang. Tama pena huiyogu gusang teba bua, to si guanda ca kederé bua, toang gundo goang desiddiyong moac ca sua ca.

Gelé dong 19:15

Gesengar do ’yo nain andong a kebi, ddia worin kembel dang kalang cindegé kaindigé kaindigé dang na, ddi di termala caigé dang cilang go helma, ddia siddé sur duro goddé go Kumu go dono mam mainyé doi kua.

Gelé dong 19:21

Ké deddu kané dang gesengar go ba andegeng a kebu ddi go jomé ca henda lé, ceddong aidong dang kunyondigé.

Gelé dong 2:1

Ji pasa kual lé gusu kangito go magé yaué go Kumu koi go a Epés, Sela, kua na ddi goang desiddiyong jurgum a kobi go barua lé kual goi go yo waldong wang, ddi go wa oré a duro tua do luguinya do jurgum lé.

Gelé dong 2:12

Ji pasa kual lé gusu kangito go magé yaué go Kumu koi go a Pergam. Sela, kua na ddi goang gesengar do kégé sua kual goi go yo waldong wang.

Gelé dong 2:16

Ji bega kibin ca isinwa doin, nia kain ’eno na, ’enung da ’erga gusin kala, ’enunga worin kembel dang kalang lé dang gesengar do da andong a kebung.

Gelé dong 3:1

Ji pasa kual lé gusu kangito go magé yaué go Kumu koi go a Sardé. Kua, na ddi goang Habé ga Kumu kai jurgum dang desiddiyong jurgum lé kual goi go yo waldong wang: ’Enung sol henga gain ga lo mam. ’Enung sol ca kalang yé wa: Jianga cindin ama ji ma maré.