Gelé dong 1:11 - Kebu go dore go herua 1978

¹¹ To yé wa: Henga ga ji wa solegang lé na, pasagé duro cidab, ji gi cidab lé gusu yaué go Kumu koi go jurgum lé kua, Epés, dang Samir, dang Pergam, dang Tiatir, dang Sardé, dang Piladélpi, dang Laudesi.

Gelé dong 1:11 Iomraidhean Croise

GIÉ GO PAJERONG GA GIÉ KOGÉ 16:14

Tama do pena wo kené do Tiatir, do ké ba ta Lidi, toa tama do lo cénegé dang badigé ga wuraju dogé yilé, toa do meré Kumu. To jé kual goni bua, Bagulong hangu ddaindo ca to ja kual to Paul yoi bu’.

GIÉ GO PAJERONG GA GIÉ KOGÉ 18:24

Juib go pena go ké tei Apolos go ké woi a Alésandré ’yé Epés, ddi dor kual dar bbani ’eno bua, ddi sol cidab do Kumu toi ddar bu’.

GIÉ GO PAJERONG GA GIÉ KOGÉ 20:17

Kiddin ga Paul wo a Milé na, ddi gi té gemdong ga duro yaué go Kumu koi a Epés.

1 Korintié 15:32

’Enung worinyang gajong ga cong a Epés ca waia wa ga? Kalang nia belang cindegé a duro ga maré ’eno na, dda na dogeng bua, na sogeng bu’, cawa waindo na da margeng main kual go kera ba yanageng dang kain.

1 Korintié 16:8

Ama ’enung da jom a Epés bera wolé go Péntékot.

Epésié 1:1

Na ’enung Paul, paja go gié go Jésu Krist koi ca kederé daré ga Kumu kai. ’Enung pasu maktub lé kua ca kalang ga Kumu kai ga a Epés, dang ké ga geddang ca Jésu Krist.

Kolosié 2:1

Dda ’enung yegeng kual ca gié go osi go ’enung wa loi caigeng bua, ca kalang ga Laudesi bua, ca kalang mam ga ba selang ’eno bu’.

1 Timoté 1:3

Ji jima Epés main ’enung ba olinyang kain, kiddin ga ’enung ca oré Masadon, cawa ga pena wo kené a kuani ga gelé kual go poi. Na gad ji sigang dono ca ké sugoia.

Gelé dong 1:17

Kiddin ga ’enung ba soli na, ’enung aserong tumoi dugo main kema go maré kain. Ddi si kobi go barua cang, ddi yé wa: Ddo ji lo muro ’eno, ’enunga go tumu bua, ’enunga go karu bu’.

Gelé dong 1:19

Ji pasa henga ga ji wa solegé lé kua, na henga ga wa halé cakcak kua bua, dang henga ga da ’erga bu’.

Gelé dong 1:2

Jâ gom yé kual ca henga mam ga ddi ba solgang cindi, ddi ya hendé do ba saga a gusu Kumu dang kual go cindi go Jésu Krist ba geli.

Gelé dong 1:20

Kua, na mendem lé toa do poré, ca desiddiyong ga jurgum ga ji ba solgé a kuabang go barua lé, dang tua do jurgum do luguinya lé. Desiddiyong ga jurgum lé na, na kangiyong ga yaué go Kumu koi go jurgum. Tua do jurgum lé na, na yaué go jurgum go Kumu koi.

Gelé dong 1:4

Na ’enung Jâ, ’enung pasu cidab lé kua ca yaué go Kumu koi go jurgum go a ca gesong ga Asi. Dda Kumu lageng waiang jalua juam, na ddi go wo kené cakcak kua bua, na ddi go kené tumu din bua, na ddi go da ’erga bu’, dang habé ga jurgum ga a tumu pogu goi,

Gelé dong 1:8

Bagulong Kumu go dono mam yé waldong wang: ’Enunga Alpa dang Omega, to do poré, na to do so bua, dang to do karé bu’. ’Enunga go cakcak kua bua, dang go kené tumu din bua, dang ddi go da ’erga bu’.

Gelé dong 10:4

Kiddin ga ké ba yé kual na, ’enung si kuabang ca pasé kual lé, ama ’enung jé nô yagang kual a dang, to yé wa: Ji bburaga kual go alié jurgum lé koi dugo, ddo ji pasei ’eno.

Gelé dong 14:13

Kardené ’enung jé nô do pena a dang yeng wa: Ji pasa kual lé, cakcak kua na, ké ga maré duro gié go Bagulong koi na, kanga gusu mowa. Habé yé waldong wang bu’, ’I, kual lé na cindi, ka be gelalé ca gié gogé go homi go ké ba lei cawa gié gogé go ddari go ké ba lei lé, begé tolang nagé.

Gelé dong 19:9

Kardené kangito lé yeng wa: Ji pasa, kalang ga ké ba tégé ca kandia ’era ca do go soré go ’yo go Gagera koi na, kanga gusu mowa, ddi jogu yé ddang com: Kual lé kua, na kual go cindi go Kumu koi.

Gelé dong 2:1

Ji pasa kual lé gusu kangito go magé yaué go Kumu koi go a Epés, Sela, kua na ddi goang desiddiyong jurgum a kobi go barua lé kual goi go yo waldong wang, ddi go wa oré a duro tua do luguinya do jurgum lé.

Gelé dong 2:12

Ji pasa kual lé gusu kangito go magé yaué go Kumu koi go a Pergam. Sela, kua na ddi goang gesengar do kégé sua kual goi go yo waldong wang.

Gelé dong 2:18

Ji pasa kual lé gusu kangito go magé yaué go Kumu koi go a Tiatir, Sela, kua na Kumu Kurondi go cindi ba ’yé main tua do belélem kain, kual goi go yo waldong wang, na ddi go gondi piyong main julong do germé do ké ba yuda ’yilé cadada.

Gelé dong 2:24

Ama keng kalang kané ga a duro yaué go Kumu koi go a Tiatir, keng ga wa kobé gelé go isini lé kua ’eno. Kual toi do mendem do kalang kané ba yé wa: Na go Sidan koi na, keng selai ’eno. ’Enung yegeng waldong wang ca ’enung go so ninwa go ddang caigeng ’eno.

Gelé dong 2:8

Ji pasa kual lé gusu kangito go magé yaué go Kumu koi go a Samir. Sela, kua na ddi go tumu dang go karu kual goi go yo waldong wang bua, na ddi go ba ma go ba belang cindi a duro ga maré bu’.

Gelé dong 21:5

Kardené ddi go jom ca pogu lé yé waldong wang, ddi yé wa: Cakcak kua na, ’enung lé henga mam herua, kardené ddi yeng wa: Ji pasa kual lé kua, cawa kual guang na kual go cindi dang kual go geddang bu’.

Gelé dong 22:10

Kardené ddi yeng wa: Ddo ji wosé kual go mendem go duro cidab lé kua go wa orang lé ’eno, cawa kiddin ga henga lé da lé na, jia ’yoab.

Gelé dong 22:16

’Enung Jésu, ’enung gi kangito guang ca kandia durageng kual lé kua duro yaué go Kumu koi mam. ’Enunga to moin go Dabid koi, ’enunga bajar go keddebor go arinwa kiddin.

Gelé dong 3:1

Ji pasa kual lé gusu kangito go magé yaué go Kumu koi go a Sardé. Kua, na ddi goang Habé ga Kumu kai jurgum dang desiddiyong jurgum lé kual goi go yo waldong wang: ’Enung sol henga gain ga lo mam. ’Enung sol ca kalang yé wa: Jianga cindin ama ji ma maré.

Gelé dong 3:14

Ji pasa kual lé gusu kangito go magé yaué go Kumu koi go a Laudesi. Sela, kua na Amin kual goi go yo waldong wang, ddi go yo hendé do geddang do cindi. Henga ga Kumu ba debegé mam, ddia tumoigé cegereg.

Gelé dong 3:4

Ama kalang ga pena wo kené a duroigeng a Sardé ga ba belu badigé gagé kenwa ’eno, ka ’yé daiang nang dang badigé ga berong gusugé cawa ké bbala kerab.

Gelé dong 3:7

Ji pasu kual lé gusu kangito go magé yaué go Kumu koi go a Piladélpi, sela, kau na ddi go arin carara go cindi kual goi go yo waldong wang, ddi goang gurongé go kelma Dabid koi kobi, ddi nia hangu kebu na, kema go bbalé lebei wo ’eno, ddi nia lebu kebu na, kema go bbalé hangei wo ’eno.