Mr 3:9 - Porciones del Nuevo Testamento en el idioma Letuama

^9-10 Nikimarã netaeka imarĩ, rĩkimarãja jĩñurãre tããrijayuka kimamaka, “Kire yija rabejĩkareka, jia yija jarijĩñu”, ãrĩᵽuᵽajoawaꞌri kire naraberiyaᵽaeka. Iꞌsuᵽaka simamaka kika wãrũrimajare ikuᵽaka kẽrĩka: “Kũmua mija moꞌabe, ᵽoꞌimajare rĩkimarãja yire rabewãꞌimarĩrijitoika simamaka. Yire natẽrĩtajĩkareka kũmuarã yijãijĩñu”, nare kẽrĩka.

Mr 3:9 Iomraidhean Croise

Mr 4:1

Iꞌsia beꞌerõꞌõ Galilea ᵽaꞌwarijerã Jesúre wãrõeka ate. Torã rĩkimarãja ᵽoꞌimajare kiᵽõꞌirã etamaka ĩawaꞌri kũmuarã kijãiruᵽaeka. Ᵽoꞌimaja ᵽuri nimauᵽatiji ᵽaꞌwarije kaꞌiareka nimaeka.

Mr 4:36

Kẽᵽakãꞌã, ᵽoꞌimajare aꞌribojaweatirã, Jesúre jãmaeka kũmurã najãika. Suᵽa imarĩ saᵽi naka keꞌrika mae. Aᵽea kũmuareka imaekarãoka nabeꞌerõꞌõ tẽrĩwaꞌrikarã.

Mr 5:2

Tẽrĩeyatirã Jesúre marĩwaꞌrika ᵽoto ĩꞌrĩka Satanárika ima ñaꞌrĩjãikakire kire torika. Ãta wiꞌiarã majaka natarikõꞌrĩmatoᵽi Jesús ᵽõꞌirã ketaeka.

Mr 5:30

Kijarijoaka korabeka beꞌerõꞌõ, “Tẽrĩrika ñimaᵽi ĩꞌrĩkare tããñu”, Jesúre ãrĩwãrũtika. Suᵽa imarĩ jorowaꞌritirã ikuᵽaka ᵽoꞌimajare kẽrĩka: —¿Maki yijariroaka rabekoꞌoka?==

Mr 6:32

Iꞌsuᵽaka nare kẽrĩka beꞌerõꞌõ, kũmuaᵽi ᵽoꞌimajamatorã naka keꞌrika mae.