Mr 2:1 - Porciones del Nuevo Testamento en el idioma Letuama

^1-2 Ñoaᵽañaka torã kimaeka beꞌerõꞌõ, Caᵽernaúm wejearã Jesúre ᵽeꞌrieyaeka ate. Sãꞌmitiritirã, rĩkimarãja ᵽoꞌimajare kiᵽõꞌirã rẽrĩka mae. Wiꞌia ᵽurutẽrĩbaka nimaeka. Iꞌtojirãjaoka nimaeka ᵽẽteᵽẽꞌrõtoᵽi koᵽereka wãꞌtarã. Iꞌsuᵽaka nimaeka rõꞌõrã nare kiwãrõeka mae.

Mr 2:1 Iomraidhean Croise

Mr 1:45

Iꞌsuᵽaka kire kẽrĩkoꞌomakaja ritaja ᵽoꞌimajare sakibojaᵽibaeka. Kẽñua ãꞌmitiritirã, Jesús ᵽõꞌirã rĩkimarãja ᵽoꞌimajare rẽrĩka kire ĩariyaᵽawaꞌri. Iꞌsuᵽaka nimaeka imarĩ, wejeñeꞌmetãjirã ᵽuri kituriberika. Rĩkimarã ᵽoꞌimajare imabeyurõꞌõrã takaja kituritaᵽaeka. Iꞌsuᵽaka simakoꞌomakaja ritaja wejeakarã rĩkimarãja ᵽoꞌimajare kiᵽõꞌirã etaeka.

Mr 3:20

Nare wãꞌmaweatirã, wiꞌiarã ate Jesúre naka ᵽeꞌrika. Torã neyaeka ᵽoto rĩkimarãja ᵽoꞌimajare naᵽõꞌirã rẽrĩka ate. Suᵽa imarĩ noꞌojĩteoka mabaꞌawãrũberijĩka simaeka naroꞌsi.

Mr 7:17

Iꞌsuᵽaka nare ãrĩweatirã wiꞌitõsiarã kika wãrũrimajaᵽitiyika Jesúre nare kãkataᵽawaꞌrika. Wiꞌitõsiarã kika kãkatirã, —Ᵽoꞌimajare miwãrõkoꞌakaka yijare mibojajiibe,==kika wãrũrimajare kire ãrĩka.

Mr 7:24

Iꞌsia kibojaeka beꞌerõꞌõ aꞌritirã Tiro wãmeika wejewãꞌtarã Jesúre eyaeka. Wiꞌiara kareaja keyariyaᵽakoꞌomakaja ᵽoꞌimajare sõrĩtika.

Mr 9:28

Sabeꞌerõꞌõ wiꞌitõsiarã Jesúre kãkawaꞌrika. Kika wãrũrimajaka takaja kimaeka ᵽoto ikuᵽaka kire narĩka: —¿Dako baaerã yija ᵽuri Satanárika ima ᵽoatawãrũberikoꞌorã jeꞌe?==naᵽakãꞌã ikuᵽaka nare kiyiꞌrika: —Tuᵽarãre takaja jẽñetirã, iꞌsuᵽaka ima mija ᵽoatawãrũrãñu. Ikiᵽi takaja sime iꞌsuᵽaka baawãrũrika, imabeyua aᵽea,==nare kẽrĩka.

Los Hechos 2:6

Torãjĩrã mae wĩrõa baeika uᵽaka okaarika ãꞌmitiritirã, ĩꞌrãoka torã rẽrĩkarã. Torã eyatirã rakakaja jairã imakoꞌomakaja nokaᵽi jairãre ãꞌmitiyurã nimaeka. Suᵽa imarĩ jimarĩa naᵽuᵽataeka. Toᵽi natiyiaja ikuᵽaka narĩbuꞌaeka: —Galileakarã nime.