Mr 10:1 - Porciones del Nuevo Testamento en el idioma Letuama

¹ Caᵽernaúm wejeaᵽi aꞌritirã Judea kaꞌiarã Jesúre aꞌrika. Aꞌririjarikõrĩ, Jordán wãmeiria kiwaataꞌriwaꞌrika. Aᵽeᵽẽꞌrõtorã keyaeka ᵽoto, rĩkimarã ᵽoꞌimajare kiᵽõꞌirã rẽrĩka ate. Kire neyaekarõꞌõrãja, kiwãrõrijarika uᵽakaja nare kiwãrõeka.

Mr 10:1 Iomraidhean Croise

Mr 1:21

Galilea ᵽaꞌwarõꞌõᵽi aꞌritirã Caᵽernaúm wejearã kika wãrũrimajaᵽitiyika Jesúre eyaeka. Judíotatarãre jẽrĩtaekarĩmi simaeka ᵽoto narẽrĩriwiꞌiarã Jesúre kãkaeka. Torã kãkatirã ᵽoꞌimajare kiwãrõũꞌmueka mae.

Mr 10:2

Ᵽoꞌimajare wãrõbaraka kimaeka ᵽoto fariseokaka ᵽuᵽajoairãre kiᵽõꞌirã etaeka. “Kiyiꞌriwãrũberirũ”, ãrĩwaꞌri ikuᵽaka kire najẽrĩaeka: —¿Ĩmirĩji kirũmure kijaꞌataika, baꞌiaja baarika bai sime?==kire narĩka imarĩ ikuᵽaka nare kiyiꞌrika: —¿Marãkãꞌã Moisére mijare jãꞌmeka jeꞌe?==

Mr 12:35

Tuᵽarãre jiyiᵽuᵽaka õrĩriwiꞌiarã wãrõbaraka kimaekarõꞌõrã ikuᵽaka ᵽoꞌimajare kẽrĩka: —“Jãꞌmerũkika Tuᵽarãre wãꞌmarãki David imaekaki riᵽarãmi kimarãñu”, nañu Moisére jãꞌmeka wãrõrimaja. ¿Yaje rita nañu ruku? ¿Yaje kiriᵽarãmitakioka kimarãñu jeꞌe mijareka?

Mr 14:49

Ĩꞌrãrĩmi jariwaꞌririmarĩa mija watoᵽekarã Tuᵽarãre jiyiᵽuᵽaka õrĩriwiꞌiareka mijare wãrõbaraka ñimaraᵽe. Torã ñimaroyiraᵽaka ᵽoto yire ñiꞌarĩ mija etaberaᵽe ruᵽu. Yire mija ñiꞌaika, Tuᵽarã majaroᵽũñurã sabojaika uᵽakaja sime yiroꞌsi,==Jesúre nare ãrĩka.

Mr 2:13

Torãjĩrã ate, Jesúre ᵽaꞌwarijerã aꞌrika. Rĩkimarãja ᵽoꞌimajare kiᵽõꞌirã etamaka, Tuᵽarãrika nare kiwãrõeka.

Mr 4:2

Suᵽa imarĩ ĩꞌrãbaꞌikakaᵽi marĩa bojawãrõbaraka, ikuᵽaka nare kẽrĩka:

Mr 6:2

Torã eyatirã jẽrĩtarirĩmi simaeka ᵽoto ᵽoꞌimajare kiwãrõũꞌmueka judíorãka rẽrĩriwiꞌiarã. Kire ãꞌmitiritirã, “Jiitakaja õñuka kime”, ãrĩwaꞌri marãkãꞌã narĩwãrũberika, iꞌsuᵽakire jaika ãꞌmitirikoriberikarã imarĩ. Ikuᵽaka ᵽoꞌimajare kireka ãrĩka: —¿Marãkãꞌã baatirã jiitakaja ĩꞌĩre õrĩᵽũayu? ¿Maki kire wãrõekaki ruku? Maikoribeyua ᵽariji ritaja baabeaiki kime,==narĩka.

Mr 6:34

Keꞌrikarõꞌõrã eyatirã marĩwaꞌribaakõrĩ rĩkimarãja ᵽoꞌimajare imamaka Jesúre ĩaeka. Ovejawẽkoa ĩarĩrĩrimajire imabeyu uᵽaka ᵽoꞌimajare imamaka kĩaeka. Iꞌsuᵽaka nimaeka Tuᵽarãrika nare wãrõrimajire imabeᵽakãꞌã. “Jia õrĩwãrũbeyurã nime. Suᵽa imarĩ marãkãꞌã nabaawãrũbeyu”, ãrĩwaꞌri wayuĩaiki imarĩ, ritajakaka nare kiwãrõũꞌmueka mae.

Mr 6:6

Kitãꞌomajare kire ãꞌmitiriᵽẽabeᵽakãꞌã marãkãꞌã ãrĩwãrũberijĩka Jesúre jarika. Imakoꞌomakaja aᵽea wejearã ᵽoꞌimajare wãrõtaᵽarĩ keꞌrika mae.