Ap 8:13 - Porciones del Nuevo Testamento en el idioma Letuama

¹³ Toᵽi mae yuꞌawaꞌri ĩaerã baakõrĩ awaka wiraᵽaka ñiaraᵽe. Iki jãjirokaᵽi ikuᵽaka ãrĩkoraᵽaki mae: —Yee jaꞌa, ritatojo wejeareka imarãre baꞌitakaja jũaerã baayu. Maekarakamarã ángelrãka tromᵽeta ᵽuᵽubeyukajirã naᵽuᵽuᵽatarãka ᵽoto iꞌsuᵽaka simarãñu,==kẽrĩkoraᵽaka ñaꞌmitiraᵽe.

Ap 8:13 Iomraidhean Croise

Ap 11:14

Mamarĩrokajĩtekaka baꞌiaja jũarũkia koᵽakaja yibojaweayu. Sabeꞌerõꞌõjĩte noꞌojĩrãmarĩaja baꞌiaja jũarika jariwaꞌraᵽaka.

Ap 12:12

Õꞌõrã Satanáre imawãrũbeᵽakãꞌã, jia jĩjimaka maime mae. Mija kaꞌiareka imarãre, suᵽabaatirã waᵽuruᵽi riaᵽakiakareka imarãreoka baꞌiaja sabaarãñu. Iꞌsuᵽaka mijaroꞌsi simarãñu mija ᵽõꞌirã Satanáre ruiwaꞌyua simamaka. “Noꞌojĩrãmarĩa sajariwaꞌyu Tuᵽarãre wẽkomaka yire baarũkia”, ãrĩwaꞌri jimarĩa kiboebayu mae. Suᵽa imarĩ baꞌiaja mijare jũarũjebaraka kimarijayu,==sãrĩkoraᵽe.

Ap 14:3

Botarakamarã maikoribeyu uᵽarã, suᵽabaatirã veinticuatro rakamarã ᵽakiarimarã ĩᵽire ruᵽaraᵽaka wãjitãji imaraᵽarã. Nawãjitãji 144,000 rakamarã mamaka baya koyabaraka imaraᵽarã. Aᵽerãoka nabayakoyaraᵽaka wãrũberijĩka simaraᵽe. Ritatojo wejeareka imarãre Satanáre jãꞌmerũkiareka waᵽuꞌrikarã nimaraᵽe.

Ap 14:6

Sabeꞌrõ ĩꞌrĩka ángelre maboꞌikakurirã wiᵽakãꞌã ñiaraᵽe. Iki kimaraᵽe, “Kimakiᵽi ãrĩwaꞌri õñia ᵽoꞌimajare imajiᵽarũkia Tuᵽarãre kire jaꞌataikaki”, majaroka oꞌaribaꞌimarĩa ãñua bojarimaji. Ritaja kaꞌiareka dakoa jariwaꞌririmarĩa, ᵽoꞌimajatata jariwaꞌririmarĩa, noka imabayu uᵽakaja jairãre, suᵽabaatirã ritaja wejeareka imarãre sabojarimaji kimaraᵽe.

Ap 19:17

Iꞌsuᵽaka simaraᵽaka beꞌrõ ĩꞌrĩka ángelre aiyakareka rĩkamaᵽakãꞌã ñiaraᵽe. Wejeᵽemareka wiyua wayurika rabarika baꞌaika simamaka jãjirokaᵽi ikuᵽaka sakẽrãᵽe: —Tuᵽarãre mijaroꞌsi baaweirãka mija ĩaraꞌabe. Kawaru boiakareka tuyukare jããᵽaterãkakaka ᵽoꞌimaja rabarika rẽrĩtirã mija baꞌaraᵽe. Ĩᵽarimarã riꞌia, jãjirã riꞌia, kawarurãka riꞌia, naᵽemaᵽi aꞌririjayurã riꞌia, surararãka ĩᵽarimarã riꞌia, naᵽuᵽayariji imarijayurã riꞌia, aᵽerãre baꞌirabeĩjirimaja riꞌia, aᵽerãroꞌsi baꞌirabeĩjibeyurã riꞌia, imatiyarimaja riꞌia, imatiyarimajamarĩrã riꞌia ritaja ika ᵽitãꞌmuareka jĩñurã riꞌia mija baꞌaraᵽe,==sakẽrãᵽe ángel.

Ap 3:10

‘Aᵽerãre baꞌiaja mijare baakoꞌomakaja, yire ãꞌmitiriᵽẽabaraka mija imabe’, mijare ñarãᵽaka uᵽakaja yiꞌyurã mija ime. Suᵽa imarĩ ritaja ᵽoꞌimajare baꞌiaja jũarijẽꞌrãka seyarãka ᵽoto mijare ĩarĩᵽaraka ñimarijarirãñu. Iꞌtojĩte ritatojo wejeareka imarãre ĩatirã ‘Ĩrã imarã baꞌiaja jũawaꞌri ᵽuᵽaᵽeꞌritirã yire ãꞌmitiriᵽẽairã, aᵽerã ᵽuri jẽnoꞌobaji jayurã’, ñarĩwãrũrãñu.

Ap 8:2

Iꞌsuᵽaka simaraᵽaka beꞌrõ ĩꞌᵽotẽñarirakamarã ángelrãkare Tuᵽarã wãjitãji rĩkamaraᵽe. Ĩꞌᵽotẽñarirakao tromᵽeta Tuᵽarãre nare ĩjikarã nimaraᵽe.

Ap 9:1

Torãjĩrã aᵽika tromᵽeta ᵽuᵽuraᵽaki ate. Iꞌkire saᵽuᵽuraᵽarõꞌõjite tãꞌᵽi uᵽaka ĩoika ñaꞌrãᵽaka. Iꞌki imaraᵽaki koᵽea tiyibeyua wierũkia Tuᵽarã kire ĩjikaki.

Ap 9:12

Iꞌsuᵽaka simaraᵽe mamarĩtaka baꞌiaja jũaũꞌmurũkia. Iꞌsia beꞌrõ ĩꞌᵽakuri baꞌiaja jũarũkia jariwaꞌriñujuraᵽaka ruᵽu.