Ap 8:12 - Porciones del Nuevo Testamento en el idioma Letuama

¹² Torãjite kirokajĩkaki ángelre tromᵽeta ᵽuᵽuraᵽe. Sakiᵽuᵽuraᵽaka ᵽoto aiya ĩmikaki, ñamikakioka, ñeꞌmetãji rokajĩrã nayaaboaika ruirĩkaraᵽaka. Rĩkamakaja tãꞌᵽia imaraᵽakaoka ñeꞌmetãji rokajĩrã ririᵽatarijaraᵽaka. Suᵽa baawaꞌri botarakakuri aiyajẽrã rõꞌõjĩrã ĩꞌrãrĩmi uᵽakaja aiya ĩmikakire neiñamitaꞌraᵽe. Ñamikakioka iꞌtojĩrã ñoaka ĩꞌrãñami uᵽakaja neiñamitaꞌririjaraᵽaki.

Ap 8:12 Iomraidhean Croise

Mr 13:24

Baꞌiaja ᵽoꞌimajare jũarãka beꞌerõꞌõ aiyare ñamitaꞌrirãñu. Aiya ñamikakioka yaaboabesarãki.

Mr 15:33

Wãjitãji aiyare eyawaꞌrika ᵽoto wejea ñamitaꞌrika. Maekarakakuri aiyajẽrã rõꞌõjĩrã beꞌerõꞌõ saborika ate.

Los Hechos 2:20

Mia jeꞌe, ĩmikaki aiyare neiñamitaꞌrimaka, ñamikaki aiyaoka, riwerõꞌõjĩrã jũꞌaka jarirãki. Iꞌsuᵽaka simarãka ᵽoto, wejetiyia seyamaka, jia ᵽoꞌimajare baaeka, baꞌiaja nabaaeka ĩatirã, maĩᵽamaki Tuᵽarãre nare waᵽajairãñu, aᵽerãre ᵽuri kiwaᵽaĩjirãñu. Irĩmi simarãñu imatiyairĩmi.

2 Co 4:4

Cristore nayiꞌribeyuaᵽi ãrĩwaꞌri ᵽoꞌimajare kiᵽakika uᵽakaja Satanáre nare imarũjerijayu ruᵽu. Suᵽa imarĩ Jesúrika tẽrĩwaꞌribaji imatiyaiki bojariroka õrĩwaᵽuꞌatabeyaka nare kimarũjerijayu. Suᵽa imarĩ, “Tuᵽarãre ima uᵽakaja Jesúre ime”, narĩwãrũbeyu.

Ap 12:4

Ñeꞌmetãji rokajĩrã tãꞌᵽia kiᵽañaꞌruiraᵽe kiᵽĩkoaᵽi. Suᵽabaatirã rõmo wãꞌtarã keyarĩkaraᵽe, komakarãka ᵽoꞌijiᵽakãꞌã baꞌaokoroꞌsi.

Ap 16:10

Botarakamarã beꞌrõji imaraᵽaki ángel, ikuᵽaka baaraᵽaki: Seroareka kirikaraᵽaka werikaᵽakiaki jãꞌmeruᵽarũkikũmu ᵽemarã sakiweꞌañaꞌtaraᵽe. Iꞌsuᵽaka kibaaraᵽaka ᵽoto jãꞌmebaraka kimarõꞌõ neiñamitaꞌraᵽaka. Suᵽa imarĩ ritaja nare sayiꞌamaka marãkãꞌã baaberiwaꞌri narẽrõkaka ᵽariji nakukurijaraᵽe. Imakoꞌomakaja baꞌiaja nabaaika jaꞌatabekaja, Tuᵽarã, maboꞌikakurirõꞌõrã jãꞌmerimajireka baꞌiaja jaibaraka nimaraᵽe.

Ap 6:12

Torãjĩrã ate, aᵽekuku ᵽaᵽera buᵽeka ᵽaᵽatãteka Oveja weiwaꞌyua uᵽaka imakire wieraᵽe. Iꞌsuᵽaka kibaaraᵽakarõꞌõjiteje jãjia kaꞌia iyiraᵽaka. Iꞌsuᵽaka sabaaraᵽaka ᵽoto ĩmikaki aiyare taꞌsikãꞌãja jaraᵽe. Suᵽabaatirã ñamikaki aiya riwerõꞌõjĩrã jũꞌaka jaraᵽaki.

Ap 9:15

Iꞌsuᵽaka sãrĩkoraᵽaka ᵽoto botarakamarã ángelrãkare kikototaraᵽe. Ritatojo wejeareka imarã ᵽoꞌimajare ñeꞌmetãji rokajĩrã najããᵽataokoroꞌsi, “Iꞌsiwejejẽꞌrãreka, iꞌki aiyareka, iꞌsirĩmireka, iꞌtojĩrã aiyajẽraka imarãka ᵽoto nare mija jããbe”, ãrĩwaꞌri kijãꞌmetikarã nimaraᵽe.

Ap 9:18

Iꞌsiarakabaꞌi kawaru rijokoᵽeareka ᵽoraᵽaka imarĩ, ritatojo wejeareka imarã ᵽoꞌimajare ñeꞌmetãji rokajĩrã reyaᵽataraᵽe.