Ap 8:10 - Porciones del Nuevo Testamento en el idioma Letuama

¹⁰ Iꞌtojĩrã aᵽika ángel tromᵽeta ᵽuᵽuraᵽaki ate. Kiᵽuᵽuraᵽakarõꞌõjĩte, ĩmiᵽi tãꞌᵽiᵽakiaka ᵽeka jũꞌrẽika uᵽaka jũꞌrẽñaꞌrãᵽaka. Riaka, koᵽeaᵽi okoa juruika ñeꞌmetãji rokajĩrãoka ñaꞌraᵽaka.

Ap 8:10 Iomraidhean Croise

Ap 1:20

Mia, ritaᵽẽꞌrõto ĩꞌᵽotẽñarirakamaki tãꞌᵽia yirikaika ĩakoꞌomakaja, “Iꞌsiaroꞌsi simekãꞌã”, ãrĩwãrũbeyuka miꞌi. Ikuᵽakaroꞌsi sime: Ĩꞌᵽotẽñarirakamarã tãꞌᵽia miaika ĩꞌᵽotẽñarirakawejekarã yire ãꞌmitiriᵽẽarimajare imaruᵽutarimaja ãrĩrika sime. Iꞌsuᵽakajaoka sime ᵽeritẽrĩa yaaboaika miaika. Ĩꞌᵽotẽñarirakawejerã yire yiꞌyurãre ime ãrĩrikoᵽakaja sime,==yire kẽrãᵽe.

Ap 12:4

Ñeꞌmetãji rokajĩrã tãꞌᵽia kiᵽañaꞌruiraᵽe kiᵽĩkoaᵽi. Suᵽabaatirã rõmo wãꞌtarã keyarĩkaraᵽe, komakarãka ᵽoꞌijiᵽakãꞌã baꞌaokoroꞌsi.

Ap 14:7

Suᵽa imarĩ ikuᵽaka jãjirokaᵽi kijaikoraᵽe: —Ritaja ima tẽrĩwaꞌribaji imaki Tuᵽarãre imamaka, kire mija jiyiᵽuᵽayeebe. Iꞌsuᵽaka ñañu ᵽoꞌimajare baꞌiaja baaika waᵽa jairũkirĩmi seyaika simamaka. Tuᵽarã kime wejeᵽema, kaꞌia, riaka, okokoᵽea baaekaki. Iꞌsia baaekaki kimamaka jiyiᵽuᵽaka kire õrĩrũkirã mija ime,==ángelre ãrĩkoraᵽe.

Ap 16:4

Ĩꞌᵽarã beꞌrõji imaraᵽaki ángel seroaᵽi kirikaraᵽaka riakarã, suᵽabaatirã okoa koᵽeaᵽi ᵽoyurõꞌõrã sakiweꞌañaꞌtaraᵽe. Iꞌsuᵽaka kibaaraᵽaka ᵽoto riwearoꞌsi oka sajaraᵽe iꞌsia.

Ap 6:13

Suᵽabaatirã tãꞌᵽia kaꞌiarã jũjiraᵽaka, rĩkimakaja wĩrõa baeᵽatemaka higuera rika jũjika uᵽaka.

Ap 8:7

Mamarĩtaka saᵽuᵽuraᵽakire ᵽuᵽuraᵽakaka, ĩꞌrãtiji, okojiyia riwea rukueka, ᵽeka yaꞌtarika jũjiraᵽaka. Iꞌsuᵽaka sabaaraᵽaka beꞌrõ kaꞌia ñeꞌmetãji rokajĩrã ojibaka ooraᵽaka. Yaᵽua, taya õñioka.

Ap 9:1

Torãjĩrã aᵽika tromᵽeta ᵽuᵽuraᵽaki ate. Iꞌkire saᵽuᵽuraᵽarõꞌõjite tãꞌᵽi uᵽaka ĩoika ñaꞌrãᵽaka. Iꞌki imaraᵽaki koᵽea tiyibeyua wierũkia Tuᵽarã kire ĩjikaki.

Ap 9:15

Iꞌsuᵽaka sãrĩkoraᵽaka ᵽoto botarakamarã ángelrãkare kikototaraᵽe. Ritatojo wejeareka imarã ᵽoꞌimajare ñeꞌmetãji rokajĩrã najããᵽataokoroꞌsi, “Iꞌsiwejejẽꞌrãreka, iꞌki aiyareka, iꞌsirĩmireka, iꞌtojĩrã aiyajẽraka imarãka ᵽoto nare mija jããbe”, ãrĩwaꞌri kijãꞌmetikarã nimaraᵽe.

Ap 9:18

Iꞌsiarakabaꞌi kawaru rijokoᵽeareka ᵽoraᵽaka imarĩ, ritatojo wejeareka imarã ᵽoꞌimajare ñeꞌmetãji rokajĩrã reyaᵽataraᵽe.