Ap 6:9 - Porciones del Nuevo Testamento en el idioma Letuama

⁹ Torãjĩrã ate aᵽekuku ᵽaᵽera buᵽeka ᵽaᵽatãteka Oveja weiwaꞌyua uᵽaka imakire wieraᵽe. Suᵽa kibaaraᵽaka ᵽoto joeĩjiritẽrĩ wãꞌtarã najããekarãre imamaka ñiaraᵽe. Torã ñiaraᵽarã, õñia nimaeka ᵽoto Tuᵽarã majaroka wãrõbaraka, “Jesúre yiꞌyurã yija ime”, nañua jaꞌatabeyurã nimamaka Tuᵽarãre ãꞌmitiriᵽẽabeyurãre nare jããekarã nimaraᵽe.

Ap 6:9 Iomraidhean Croise

2 Co 5:8

Suᵽa imarĩ, “Tuᵽarãre ãrĩka uᵽaka baaiki imarĩ, maᵽoꞌia mare kioꞌarãñu”, mañu. Suᵽa simamaka, reyatirã sarekaja Maĩᵽamakika maimariyaᵽakoᵽeyu.

Filipenses 1:23

“Ika ĩꞌᵽabaꞌiwãꞌtaja jia yiroꞌsi ima”, ñarĩwãrũbeyu. Simakoꞌomakaja reyatirã maboꞌikakurirã jiibaji kika imarika simarãñu jeꞌe yiroꞌsi ñarĩᵽuᵽajoarijayu.

Filipenses 2:17

Tuᵽarãte yaᵽaika uᵽakaja Jesúrika bojariroka yibojariᵽareaja, aᵽeyari yire najããrũjerãñu jeꞌe. Sayiꞌyurã imawaꞌri, baꞌiaja mija jũakoꞌomakaja jĩjimaka mijaka ñime. Iꞌsuᵽaka imaki imarĩ iꞌsuᵽakajaoka yika mija imarika yiyaᵽayu.

Ap 1:2

Yiꞌi Juan ᵽõꞌirã ᵽemakotowiritirã ángelre ritaja yire bearaᵽakarõꞌõjĩrãja yibojayu, saᵽemawaꞌribaji ᵽakibekaja. Tuᵽarãrika bojariroka Jesucristore yire õrĩrũjemaka.

Ap 1:9

Yiꞌi Juan, mija jeyomaki, Jesucristore yiꞌyuka ñime. Mija uᵽakaja Tuᵽarãre yire jãꞌmeokoroꞌsi ñime. Suᵽa imarĩ, mija uᵽakajaoka ᵽoꞌimajare yire baꞌiaja jũarũjerijayu, Maĩᵽamakirirã uᵽatiji iꞌsuᵽaka oyiaja jũarũkirã maima simamaka. Baꞌiaja jũakoꞌomakaja Jesucristore ãꞌmitiriᵽẽaiki imarĩ, sayirakajeᵽããyu. Suᵽa imarĩ Ᵽatmos wãmeirõꞌõ jũmurikarã yire nataaraᵽe Tuᵽarãrika bojariroka yibojari ᵽareaja wẽkomaka ñimaokoroꞌsi.

Ap 14:18

Toᵽi mae, aᵽika ángel, joeĩjiritẽrĩa ĩarĩrĩrimaji, joeĩjiritẽrĩa imarõꞌõᵽi iꞌtatirã sara oᵽika rikaraᵽakire jãjirokaᵽi ikuᵽaka kẽrĩkoraᵽe: —Kaꞌiareka ima iyaka rẽñua mae. Suᵽa imarĩ oᵽika misaraᵽi sataꞌtetirã sameꞌebe,==kire kẽrĩkoᵽakãꞌã ñaꞌmitiraᵽe. (Kire naꞌmitiriᵽẽaberika waᵽa kaꞌiareka imarãre Tuᵽarãre jẽñerãñu ãrĩrika uᵽaka simaraᵽe iꞌsuᵽaka baarika.)

Ap 16:7

Iꞌsuᵽaka kẽrĩkoraᵽaka ᵽoto joeĩjiritẽrĩa imarõꞌõᵽi ikuᵽaka kire sayiꞌrikoraᵽe: —Rita sime Tuᵽarã, iꞌsuᵽakatakaoka sime. Yija ĩᵽamaki, ritaja ima tẽrĩwaꞌribaji imatiyaiki. Ritaja ĩawãrũiki imarĩ, ᵽoꞌimajare baꞌiaja baaeka rõꞌõjĩrãja jiirokaᵽi nare sawaᵽa jẽñeiki mime,==sãrĩkoraᵽe.

Ap 19:10

Suᵽa kẽᵽakãꞌã, jiyiᵽuᵽaka kire õrĩwaꞌri kiwãjitãji yimoꞌiᵽãñaraᵽe. —Mimoꞌiᵽãñaꞌsi yiwãjitãji. Mima uᵽakaja, mijeyomarã Jesúre yiꞌyurã uᵽakajaoka Tuᵽarãre yaᵽaika uᵽakaja baaiki ñime. Suᵽabaatirã, “Ikuᵽaka kime Tuᵽarã”, ãrĩwaꞌri Jesúre wãrõekakaka bojarijayurã maa. Ĩꞌrãtiji bojarijayurã maimamaka, Tuᵽarãre takaja mijiyiᵽuᵽayeetiyabe,==ángelre yire ãrãᵽe.

Ap 2:13

Ritaja mija imarijayua ñiaika simamaka, Satanáre jãꞌmeirõꞌõrã mija imaoka ñorĩᵽatayu. Torã imakoꞌomakaja yire yiꞌriwaꞌri Satanáre ãꞌmitiriᵽẽabeyurã mija ime. Mia, torã jia yire yiꞌriwaꞌri Antiᵽas wãmeikire yirika bojariroka bojajaꞌatabeyuka kimamaka, kire najããeka. Iꞌsuᵽaka tokarãre kire baakoꞌomakaja yire mija yiꞌyua jaꞌatabeyurã mija.

Ap 20:4

Toᵽi mae jãꞌmebaraka naruᵽarõꞌõrã ruᵽajiyeraᵽarãre ñiaraᵽe. Mia, Jesúre yeꞌkaririberiwaꞌri, kimajaroka jaꞌatabeyurã, werikaᵽakiakire kijẽrãkaoka jiyiᵽuᵽayeeberiwaꞌri kiwãmea nakũꞌarã, naᵽitakarã oꞌojĩꞌaberika nimaraᵽe. Nawãmua toataꞌruikarã imakoꞌomakaja, õñia jariᵽeꞌritirã mil rakakuri wejejẽꞌrãka Cristoka ñamajĩ jãꞌmerimaja nimaraᵽe.

Ap 8:3

Iꞌtojĩrã ate aᵽika ángel õñioka ᵽearũkia orokaka baaeka rikatirã etaraᵽaki. Tuᵽarãre jiyiᵽuᵽayeewaꞌri joeĩjiritẽrĩa orokaka baaeka wãjitãji ᵽemaari keyarĩkaraᵽe. Torã kimaraᵽaka ᵽoto, rĩkimakaja õñioka ĩᵽi ruᵽarikũmuarã ruᵽaraᵽakire kire ĩjiraᵽe, joeĩjiritẽrĩarã sakijoeokoroꞌsi. Tuᵽarãroꞌsi joeĩjibaraka kire yiꞌyurãre kire jẽñeraᵽaka kiᵽõꞌirã eyaraᵽaka ũmakakaka ĩꞌrãtiji.

Ap 9:13

Iꞌsuᵽaka simaraᵽaka beꞌrõ aᵽika tromᵽeta ᵽuᵽuraᵽaki. Kiᵽuᵽuraᵽakarõꞌõjĩte Tuᵽarã wãjitãji kire joeĩjiritẽrĩa orokaka baaeka botarakabi wakaika watoᵽekaᵽi sajaikoraᵽe.