Ap 6:4 - Porciones del Nuevo Testamento en el idioma Letuama

⁴ Iꞌsuᵽaka kẽᵽakãꞌã kawaru jũꞌakire iꞌtarijaᵽakãꞌã ñiaraᵽe. Kiᵽemarã tuyuraᵽaki ᵽoꞌimajare jããrũkia sara Tuᵽarãre kire ĩjikaki kimamaka ñiaraᵽe. Ᵽoꞌimajare jããbuꞌabaraka imaokoroꞌsi Tuᵽarãre jãꞌmekaki kimaraᵽe.

Ap 6:4 Iomraidhean Croise

Ap 12:3

Beꞌerõꞌõjĩte ate ñiaraᵽe: Kowãꞌtarã kajuyaiᵽakiaka uᵽaka ĩoka jũꞌaᵽakiaka, ĩꞌᵽotẽñarirakao buꞌya ĩᵽarimarãrikakaka tuaeka ruᵽukoꞌaika simaraᵽe. Suᵽabaatirãoka ĩꞌᵽaᵽitarakabi sawaka imaraᵽaka.

Ap 13:10

“Yirirã imawaꞌri Cristore naꞌmitiriᵽẽamaka wẽkomaka imariwiꞌiarã ĩꞌrãrimarãre neꞌewaꞌrirãñu”, Tuᵽarãre ãñu uᵽakaja naroꞌsi simarãñu. Iꞌsuᵽakajaoka, “Aᵽerimarã najããrũkirã nime”, kẽñu uᵽakaja naroꞌsi simarãñu. Yirirã imarĩ, baꞌiaja jũakoꞌomakaja, rakajeᵽããekaja mija imabe. Suᵽabaatirã, yire mija yiꞌyua jaꞌatabekaja mija imabe.

Ap 17:3

Iꞌsuᵽaka yire kẽrãᵽaka ᵽoto Esᵽíritu Santore jeyobaaikaᵽi ikuᵽaka yire sabaaraᵽe: Ĩꞌrĩka ángel ᵽoꞌimajamatorã yire eꞌewaꞌraᵽaki. Torã eyatirã werikaᵽakiaki jũꞌaka imaraᵽaki ᵽemarã rõmore tuyumaka ñiaraᵽe. Tuᵽarãre jaiyuyerikakaka wãmea oꞌoeka kireka jĩꞌĩjiyeraᵽaka. Suᵽabaatirã ĩꞌᵽotẽñarirakao kiruᵽukoꞌa, ĩꞌᵽaᵽitarakabi wakaiki kimaraᵽe.

Ap 17:6

Kore ñiawãrũmaka ᵽuri, ikuᵽaka koimaraᵽe: Iyaokoa ukutirã wejabiyuko uᵽaka Tuᵽarãrirã, suᵽabaatirã kirika bojariroka yiꞌriwaꞌri bojarimajare najããraᵽaka riwea koᵽakaja simaraᵽe iyaokoa. Suᵽa koimamaka marãkãꞌã ãrĩberijĩka yijaraᵽe.