Ap 6:11 - Porciones del Nuevo Testamento en el idioma Letuama11 Iꞌsuᵽaka naᵽakãꞌã saya uᵽaka jariroaka jia boia nare kĩjiraᵽe. Nare sĩjitirã, —Jajua baabekaja mija imabe. Aᵽerã imañujurã ruᵽu mija uᵽakaja yimajaroka bojarimaja. Mija uᵽakajaoka baꞌiaja baarimajare nare jããrũkirã nime,==Tuᵽarãre ãrãᵽe. Faic an caibideil |
Iꞌsia beꞌrõ maboꞌikakuriᵽi ikuᵽaka yire sãrĩkoraᵽe: —Mire yibojaika mioꞌobe. Maĩᵽamaki Jesúre yiꞌririjaꞌatabekaja reyaekarã, jĩjimaka mija imabe,==Iꞌsuᵽaka yire sãrĩkoᵽakãꞌã, ikuᵽaka Esᵽíritu Santore ãrĩkoraᵽe: —Rita sime, iꞌsuᵽakatakaoka simarũ. Kaꞌwisika jũabaraka nabaꞌirabeika jaꞌatatirã, najẽrĩtarãñu. Maboꞌikakurirã neyarãka ᵽoto, baꞌiaja jũaekarã imakoꞌomakaja kiyaᵽaika uᵽakaja jia nabaaeka õñuka imarĩ, jia sawaᵽa Tuᵽarãre nare baarãñu,==kẽrĩkoraᵽe Esᵽíritu Santo.
Suᵽa kẽᵽakãꞌã, —Õrĩbeyuka yiꞌi. Miꞌi ᵽañaka õñuka jeꞌe, yire samibojabe,==kire ñarãᵽe. Suᵽa kire ñaᵽakãꞌã ikuᵽaka yire kibojaraᵽe: —Jiamarĩa jũarũkijẽꞌrãka seyamaka sareka baꞌiaja aᵽerãre nare baamaka rakajeᵽããwaꞌri nareyarijarika imakoꞌomakaja Jesúre yiꞌririjaꞌataberikarã nime. Suᵽa imarĩ, baꞌiaja baakoribeyurã nime Tuᵽarãre ĩamaka. Suᵽa imarĩ Oveja weiwaꞌyua uᵽaka imaki riweaᵽi najariroaka nasaya uᵽaka ima jũjetirã, jia boioyiaja jããirã uᵽaka nime.
Iꞌsia beꞌerõꞌõ Tuᵽarã ruᵽarikũmu wãjitãji, Oveja weiwaꞌyua uᵽaka imaki wãjitãji rĩkimarãja ᵽoꞌimajare rĩkamaᵽakãꞌã ñiaraᵽe. Ĩꞌrãkaꞌikarãmarĩrã, ĩꞌrãwejekarãmarĩrã, ᵽoꞌimaja ritaja oka jairã, ritaja ᵽoꞌimajatata uᵽatiji marãkãꞌã baatirã majoaᵽataberijĩñurã. Suᵽabaatirã nimauᵽatiji saya boia jããtirã neꞌejĩjoa ĩoika rikabaraka imarã nimaraᵽe.