Ap 6:1 - Porciones del Nuevo Testamento en el idioma Letuama

¹ Iꞌsuᵽaka simaraᵽaka beꞌerõꞌõ Oveja weiwaꞌyua uᵽaka imaki, ᵽaᵽera buᵽeka ᵽaᵽatãteka mamarĩkakuku kiwiemaka ñiaraᵽe. Torãjĩrã mae, botarakamarã maikoribeyu uᵽaka imaraᵽarãkaki wĩᵽoa jãjitaka jãꞌmitaika uᵽaka jaibaraka ikuᵽaka ãrãᵽaki: —Miꞌtabe.==

Ap 6:1 Iomraidhean Croise

Los Hechos 4:20

Jesúre ãrĩka yija ãꞌmitirika mirãka, kibaaroyika yija ĩaekaoka, bojarijaꞌataberijĩrã yija ime,==narĩka.

Ap 11:19

Iꞌsia beꞌerõꞌõ maboꞌikakurirã Tuᵽarãre jiyiᵽuᵽaka õrĩriwiꞌia wieka ñiaraᵽe. Imatiyaikoto imaraᵽaka satõsiarã. Iꞌsikoto tõsiarã simaraᵽe, “Ikuᵽaka yire yiꞌyurãroꞌsi yibaarãñu”, ãñua oꞌoeka. Sañiaraᵽaka ᵽoto ikuᵽarõꞌõᵽiji jãjia wĩᵽoa ᵽaaraᵽe. Torãjite kaꞌiaoka iyiraᵽaka. Suᵽabaatirã werikitaka okojiyia jũjiraᵽaka.

Ap 13:8

Ritatojo wejeareka imaraᵽarã uᵽatiᵽañakaja kire jiyiᵽuᵽayeeirã oyiaja jaraᵽarã. Oveja weiwaꞌyua uᵽaka imaki, najããekakire kirikaraᵽaᵽũñurã nawãmea oꞌoberikarã nimaraᵽe. Ika wejea Tuᵽarãre ᵽoꞌijiaerã baaeka ruᵽubaji, “Ĩrã nimarãñu yire yiꞌriwaꞌri õñia imajiᵽarũkirã”, ãrĩwaꞌri kiᵽaᵽera ᵽũñurã nawãmea Jesúre oꞌotikarã nime.

Ap 14:2

Sabeꞌrõjite maboꞌikakurirõꞌõᵽi ikuᵽaka sokaarikoraᵽe ate. Ãta jãjia okaayu uᵽaka, wĩᵽoa jãjia ᵽaaika uᵽaka, suᵽabaatirã rĩkimakaja arᵽa nabireirõꞌõ uᵽaka sokarĩkamarãᵽe.

Ap 19:6

Iꞌsuᵽaka simaraᵽaka beꞌrõ, rĩkimarãja jairiokabayurã uᵽaka baatirã ãtaᵽi okoa weꞌrirĩkaika uᵽaka, wĩᵽoa jaika uᵽaka baatirã ikuᵽaka narĩkoraᵽe: —Aleluya. Tẽrĩriki imarĩ, ritajare kijãꞌmerijayu. Suᵽa imarĩ, “Ritaja imaboꞌibajirã tẽrĩriki kime”, kire majiyiᵽuᵽayeerijariyeꞌe.

Ap 4:8

Maikoribeyurã uᵽaka ĩoirã nimaraᵽaka imarĩ, ĩꞌrõtẽñarirakato kajekirã nimaraᵽe. Naᵽoꞌiareka, nakajerokarõꞌõᵽioka rĩkimakaja ñakoirã nimaraᵽe. Ĩmi, ñami ᵽariji Tuᵽarãte jiyiᵽuᵽayeebaraka ikuᵽaka nabayakoyarijayu: —Jia oyiaja baaiki, jia oyiaja baaiki, jia oyiaja baaiki kime maĩᵽamaki Tuᵽarã. Ritaja ima tẽrĩwaꞌribaji imaki kime Tuᵽarã. Bikija imaraꞌaekaki imakoꞌomakaja, maekakaoka imarijayuka kime. Suᵽabaatirã ikijioka imaki imajiᵽarũkika,==ãrĩbaraka nabayakoyaraᵽe.

Ap 5:1

Iꞌsuᵽaka simaraᵽaka beꞌerõꞌõ ĩᵽi kiruᵽarikũmuarã ruᵽaraᵽaki ᵽitaka ritaᵽẽꞌrõtoᵽi ᵽaᵽera buᵽeka kirikamaka ñiaraᵽe. Saᵽemarã, sarokaᵽioka oꞌoeka simaraᵽe, suᵽabaatirã ĩꞌᵽotẽñarirakakuri ᵽaᵽatãteka simaraᵽe.

Ap 5:12

Toᵽi mae jãjirokaᵽi ikuᵽaka nabayakoyaraᵽe: —Ᵽoꞌimajare baꞌiaja baaikareka nare tããwaꞌri, Oveja weiwaꞌyua uᵽaka imakire reyaeka. Suᵽa baaekaki imarĩ tẽrĩriki, jia wãjia õñuka kime. Iꞌsuᵽakajaoka dika jariwaꞌririmarĩa jãꞌmewãrũiki kimamaka, ritaja kirika oyiaja sime. Suᵽa kimamaka, kire oyiaja jiyiᵽuᵽayeerũkika kime. Suᵽabaatirã, “Ritaja ima tẽrĩwaꞌribaji jiitaki kime”, ᵽoꞌimajare ãrĩrũkika Oveja weiwaꞌyua uᵽaka imakire ime,==ãrĩka jiyiᵽuᵽakaᵽi kiroꞌsi nabayakoyaraᵽe.

Ap 5:8

Iꞌsuᵽakajaoka botarakamarã maikoribeyu uᵽaka imaraᵽarã, suᵽabaatirã veinticuatro rakamarã ᵽakiarimarã, kiwãjitãji moꞌiᵽãñawaꞌraᵽarã kire jiyiᵽuᵽayeewaꞌri. Nimarakamarãja baya koyabaraka nabirerijayua arᵽa rikatirã, orokaka seroaoka narikaraᵽe. Sareka sajãitaraᵽe samajoemaka jia jiijĩsia ooika. Sanajoeika ũmakaka mirĩwaꞌyua, Tuᵽarãre yiꞌyurã kire najẽñerijayu uᵽakaja simaraᵽe.

Ap 6:3

Suᵽabaatirã aᵽekuku ate ᵽaᵽera buᵽeka ᵽaᵽatãteka Oveja weiwaꞌyua uᵽaka imakire wieraᵽaka ᵽoto ikuᵽaka aᵽika maikoribeyu uᵽaka imaraᵽakire ãrĩkoraᵽe: —Miꞌtabe.==

Ap 6:5

Iꞌkire aꞌritaᵽaraᵽaka beꞌerõꞌõ aᵽekuku ᵽaᵽera buᵽeka ᵽaᵽatãteka Oveja weiwaꞌyua uᵽaka imakire wieraᵽe. Iꞌtojĩte ate aᵽika maikoribeyu uᵽaka imaraᵽakire ikuᵽaka ãrĩkoraᵽe, —Miꞌtabe.==Suᵽa imarĩ yoirã baakõrĩ kawaru neikare ñiaraᵽe. Kiᵽemarã tuyuraᵽaki rĩkia jẽrãbaarũkia rikaiki kimaraᵽe.

Ap 6:7

Iꞌkire aꞌraᵽaka beꞌerõꞌõ, aᵽekuku ᵽaᵽera buᵽeka ᵽaᵽatãteka Oveja weiwaꞌyua uᵽaka imakire wieraᵽe. Sabeꞌerõꞌõ ikuᵽaka ᵽiyika maikoribeyu uᵽaka imaraᵽakire ãrĩkoraᵽe: —Miꞌtabe.==

Ap 8:1

Torãjĩrã mae Oveja weiwaꞌyua uᵽaka imaki ĩꞌᵽotẽñarirakakuku ᵽaᵽera buᵽeka ᵽiyikuku ᵽaᵽatãteka ima kiwieraᵽe. Sakiwieraᵽakarõꞌõjĩte treinta minuto rõꞌõjĩrã maboꞌikakurirõꞌõ ñaꞌkikãꞌãja jaraᵽaka.