Ap 5:1 - Porciones del Nuevo Testamento en el idioma Letuama

¹ Iꞌsuᵽaka simaraᵽaka beꞌerõꞌõ ĩᵽi kiruᵽarikũmuarã ruᵽaraᵽaki ᵽitaka ritaᵽẽꞌrõtoᵽi ᵽaᵽera buᵽeka kirikamaka ñiaraᵽe. Saᵽemarã, sarokaᵽioka oꞌoeka simaraᵽe, suᵽabaatirã ĩꞌᵽotẽñarirakakuri ᵽaᵽatãteka simaraᵽe.

Ap 5:1 Iomraidhean Croise

Ap 4:3

Ãta jasᵽe wãmeika, cornalina wãmeika yaꞌtarika uᵽaka yaꞌtaiki kimaraᵽe. Kiruᵽarõꞌõ esmeralda wãmeika ãta uᵽaka yaꞌtaika neꞌeᵽurea imaraᵽaka.

Ap 4:9

Ĩᵽire kiruᵽarikũmuarã ruᵽamaka ĩatirã kire jiyiᵽuᵽayeebaraka ikuᵽaka narĩrijayu: —Ritaja ima ᵽemawaꞌribaji jiitakiji mime. Suᵽa imarĩ miꞌi ĩꞌrĩkaja tẽrĩrikaja, jiyiᵽuᵽaka õrĩrũkika mimarijayu. Jiitaka mibaayu,==ãrĩka reyaribaꞌimarĩkare najiyiᵽuᵽayeeyu.

Ap 5:13

Suᵽabaatirã ritaja õñirã Tuᵽarãre ᵽoꞌijiaekarã maboꞌikakurirã imarã, õꞌõrã imarãoka jaimaka ñaꞌmitiraᵽe. Iꞌsuᵽakajaoka kaꞌiwatoᵽekarã imarã, okowatoᵽekareka ima ᵽariji jaimaka ñaꞌmitiraᵽe. Suᵽabaatirã Tuᵽarãre, Oveja weiwaꞌyua uᵽaka imakire ᵽariji jiyiᵽuᵽayeebaraka ikuᵽaka nabayakoyaraᵽe: —Ĩᵽi kiruᵽarikũmuareka ruᵽakire, kiwãꞌtarã Oveja weiwaꞌyua uᵽaka imakireoka majiyiᵽuᵽayeerũkirã nime. Jiyiᵽuᵽaka mijare õrĩrijariwaꞌri, “Jiitarã mija ime”, ritaja mijare narĩrũ. Ritaja ima ᵽemawaꞌribaji jiitarã, suᵽabaatirã ritaja jãꞌmerimaja imarijayurã mija ime. Iꞌsuᵽaka oyiaja simarijarirũ,==ãrĩka nabayakoyamaka ñaꞌmitiraᵽe.

Ap 5:7

Toᵽi mae Tuᵽarã ruᵽarikũmurõꞌõrã keꞌraᵽe ᵽaᵽera buᵽeka eꞌerĩ. Sarã keyaraᵽaka ᵽoto ĩᵽi kiruᵽarikũmuarã ruᵽaraᵽaki ᵽitaka ritaᵽẽꞌrõtoᵽi ᵽaᵽera buᵽeka keꞌeraᵽe.

Ap 6:1

Iꞌsuᵽaka simaraᵽaka beꞌerõꞌõ Oveja weiwaꞌyua uᵽaka imaki, ᵽaᵽera buᵽeka ᵽaᵽatãteka mamarĩkakuku kiwiemaka ñiaraᵽe. Torãjĩrã mae, botarakamarã maikoribeyu uᵽaka imaraᵽarãkaki wĩᵽoa jãjitaka jãꞌmitaika uᵽaka jaibaraka ikuᵽaka ãrãᵽaki: —Miꞌtabe.==

Ap 6:16

Suᵽabaatirã ikuᵽaka narãᵽe: —Ᵽusia, ãta yijare mikaꞌratãtebe ĩᵽi ruᵽarikũmuarã ruᵽaraᵽakire yijare ĩatõᵽokoreka. Suᵽabaatirã Oveja weiwaꞌyua uᵽaka imakire baꞌiaja yijare jũarũjekoreka. Koᵽakaja iꞌsirĩmi seyayu mae. Niꞌioka sareka ruꞌriwãrũbesarãki,==narãᵽe.

Ap 8:1

Torãjĩrã mae Oveja weiwaꞌyua uᵽaka imaki ĩꞌᵽotẽñarirakakuku ᵽaᵽera buᵽeka ᵽiyikuku ᵽaᵽatãteka ima kiwieraᵽe. Sakiwieraᵽakarõꞌõjĩte treinta minuto rõꞌõjĩrã maboꞌikakurirõꞌõ ñaꞌkikãꞌãja jaraᵽaka.