Ap 4:1 - Porciones del Nuevo Testamento en el idioma Letuama

¹ Sabeꞌerõꞌõ ikuᵽaka simaraᵽe ate: Maboꞌikakurirã koᵽereka wieka imamaka ñiaraᵽe. Sañiaraᵽaka ᵽoto tromᵽeta jãjia okaayu uᵽakaᵽi yire jaiũꞌmuraᵽakire ikuᵽaka yire ãrãᵽe: —Õꞌõrã miꞌtabe, ñamajĩ imarũkiakaka mire yibeaokoroꞌsi,==kẽrĩkoraᵽe.

Ap 4:1 Iomraidhean Croise

Mr 1:10

Riakaᵽi marĩrĩkatirã wejeᵽemarã yuꞌawaꞌri, Jesúre yoika ᵽoto, wejeᵽema wiritaeka. Iꞌsuᵽaka sabaaeka ᵽoto okoiᵽakoaja ĩokarã ñaꞌrĩjãitirã Esᵽíritu Santore kireka ñaꞌrĩroꞌika.

Los Hechos 10:11

Maboꞌikakurirã kĩaeka ᵽoto sayaᵽãia joꞌbato ĩꞌᵽaᵽẽꞌrõto ñiꞌatirã majaꞌaruetaika uᵽaka saruiraꞌaeka.

Los Hechos 7:56

Iꞌsia ĩatirã, ikuᵽaka ĩᵽarimarãre kẽrĩka: —¡Aya! Maboꞌikakurirã ñiayu mae. Tuᵽarã ritaᵽẽꞌrõtoᵽi Ᵽoꞌimaja Maꞌmire rĩkamayu,==Estebanre ãrĩka.

Ap 1:10

Domingorĩmi Tuᵽarãre jiyiᵽuᵽayeebaraka Esᵽíritu Santorikaᵽi ñaꞌajããekaki ñimaraᵽaka ᵽoto, ikuᵽarõꞌõᵽiji makãrãrũñuroka uᵽakaᵽi yire kĩarũjeraᵽe. Suᵽa ñimaraᵽaka ᵽoto yiᵽẽterõꞌõᵽi tromᵽeta naᵽuᵽuika jãjia okaayurõꞌõjĩrã jãjirokaᵽi ĩꞌrĩkare jaimaka ñaꞌmitiraᵽe.

Ap 1:12

Torãjĩrã mae, “¿Maki torã yire jaiki?”, ãrĩwaꞌri jorowaꞌri yiyoiraᵽe jairaᵽakire ĩariyaᵽawaꞌri. Yoirã baakõrĩ ĩꞌᵽotẽñarirakabi orokaka baaeka ᵽeritẽrĩa yaaboaika imamaka ñiaraᵽe.

Ap 1:19

Suᵽa yire ãrĩweatirã ikuᵽaka yire kẽrãᵽe ate: —Maekaka ima, ñamajĩ imarũkia miaika simamaka ika samiaika uᵽakaja samioꞌobe.

Ap 11:12

Toᵽiji maboꞌikakuriᵽi, —Õꞌõrã mija iꞌtabe,==jãjirokaᵽi nare sãrĩkoraᵽe. Sãꞌmitiritirã, nare ãꞌmijĩarimaja ñakoarekaja, oko ũmaka watoᵽekaᵽi naꞌraᵽe.

Ap 11:19

Iꞌsia beꞌerõꞌõ maboꞌikakurirã Tuᵽarãre jiyiᵽuᵽaka õrĩriwiꞌia wieka ñiaraᵽe. Imatiyaikoto imaraᵽaka satõsiarã. Iꞌsikoto tõsiarã simaraᵽe, “Ikuᵽaka yire yiꞌyurãroꞌsi yibaarãñu”, ãñua oꞌoeka. Sañiaraᵽaka ᵽoto ikuᵽarõꞌõᵽiji jãjia wĩᵽoa ᵽaaraᵽe. Torãjite kaꞌiaoka iyiraᵽaka. Suᵽabaatirã werikitaka okojiyia jũjiraᵽaka.

Ap 16:17

Ᵽiyika ángel seroaᵽi kirikaraᵽaka waᵽukoꞌtorõꞌõrã kiweꞌañaꞌtaraᵽe. Iꞌsuᵽaka kibaaraᵽaka ᵽoto Tuᵽarãre jiyiᵽuᵽaka õrĩriwiꞌiarã kiruᵽarikũmua imarõꞌõᵽi ikuᵽaka jãjirokaᵽi sajaikoraᵽe: —Koᵽakaja satiyiyu mae,==sãrĩkoraᵽe.

Ap 19:11

Sabeꞌerõꞌõ, maboꞌikakurirã koᵽereka uᵽaka wiritamaka ñiaraᵽe. Suᵽa imarĩ, kawaru boika torã rĩkamaraᵽaki kiᵽemarã, ĩꞌrĩka ᵽoꞌimajire tuyuraᵽe. “Kẽrĩrijayu uᵽakaja baaiki, wãjimiji bojarimaji”, wãmeiki kimaraᵽe. Wãjia ᵽoꞌimajare jãꞌmeiki, kimajamarãre baꞌiaja baaeka ᵽiꞌiwaꞌri ᵽitãꞌmua ᵽoꞌijiaiki kimaraᵽe.

Ap 22:6

Ikuᵽaka yire kẽrãᵽe ate ángel: —Makãrãrũñuroka uᵽakaᵽi ritaja Tuᵽarãre mire ĩarũjeika, mire kiãꞌmitirirũjeikaoka rita sime. Ritaja mire yibojaika uᵽakajaoka simarãñu. Maĩᵽamaki Tuᵽarã kime kiroꞌsi bojaĩjirimajare jia jaiwãrũerã nare jeyobaarijayuka. Ikijioka kime ika ritaja mire yibojaerã yire ᵽũataekaki,==yire kẽrãᵽe.