Ap 3:4 - Porciones del Nuevo Testamento en el idioma Letuama

⁴ Suᵽa simakoꞌomakaja, ĩꞌrãrimarã takaja imarã Sardereka baꞌiaja baabeyurã. Ĩꞌrã ᵽuri jariroaka kaꞌimarĩa jããirã uᵽaka imarã. ‘Baꞌiaja baariᵽeꞌyoirã imarĩ, jia boia jariroaka jããtirã yika nimarãñu’, ñañua jia sime.

Ap 3:4 Iomraidhean Croise

Mr 16:5

Suᵽa imarĩ, sarã nakãkawaꞌrika. Kãkawaꞌritirã ĩaᵽũataerã baakõrĩ nakãkawaꞌrika, koᵽereka ritaᵽẽꞌrõtoᵽi, ĩꞌrĩka bikirimaji saya boia jããikire ruᵽamaka niaeka. Kire ĩatirã rõmijãre ᵽuᵽatatiyaeka.

Los Hechos 1:15

Iꞌsuᵽaka nabaaroyika ᵽoto Jesúre ãꞌmitiriᵽẽarĩ naka narẽrĩroyika, ciento veinte rõꞌõjĩrã ᵽoꞌimaja nimaeka. Ĩꞌrãkuri iꞌsirakamarã watoᵽekaᵽi miꞌmirĩkatirã ikuᵽaka Ᵽedrore nare bojaeka:

2 Ts 1:5

Tuᵽarãte yiꞌyurã mija imamaka, aᵽerãte baꞌiaja mijare baaika simakoꞌomakaja, “Kẽrĩka uᵽakaja Tuᵽarãte baarãñu”, ãñurã imarĩ kire mija yiꞌririjaꞌatabeyu. “Baꞌiaja nare imabeyua”, mijareka ãrĩwaꞌri ritajare kijãꞌmerãka ᵽoto kika mijare kimarũjerãñu. Tuᵽarãte baarũkia õrĩwaꞌri, “Rita, jia oyiaja baaiki kime”, ãrĩwãrũirã maime.

Ap 1:11

Toᵽi mae ikuᵽaka yire kẽrãᵽe: —Maekaka mire yibeaika ᵽaᵽerarã samioꞌobe. Suᵽabaatirã Asiakaꞌiarã Jesúre yiꞌyurã ĩꞌᵽotẽñarirakawejearã imarãroꞌsi samiᵽũatabe. Ikuᵽaka wãmeika sime wejea samiᵽũatarũkirõꞌõ: Éfeso, Esmirna, Ᵽérgamo, Tiatira, Sardes, Filadelfia, suᵽabaatirã Laodicea==kẽrĩkoraᵽe.

Ap 11:13

Maboꞌikakurirã naꞌraᵽakarõꞌõjĩte jimarĩ jãjia kaꞌia iyiraᵽaka. Iꞌsuᵽaka sabaamaka 1000rakawiꞌi imaraᵽakakaka 100rakawiꞌi sakuyuᵽateraᵽe. Suᵽa baawaꞌri siete mil rakamarã ᵽoꞌimajare sariataraᵽe. Õñia jariwaꞌraᵽarã ᵽuri sĩatirã ᵽuᵽatawaꞌri, “Tẽrĩritakaji maboꞌikakurirã imakire ime”, narãᵽe Tuᵽarãreka.

Ap 14:4

Jia baarijayurã nime, rõmitika baawãꞌimarĩbeyurã. Iꞌsiroka yiꞌyurã imarĩ, Oveja weiwaꞌyua uᵽaka imakire aꞌyu uᵽakaja, kika aꞌririjayurã. Ritatojo wejeareka imaraᵽarãre ĩatirã kirirã, Tuᵽarãrirã nimaerã mamarĩ baꞌirokareka kitããekarã nimaraᵽe.

Ap 19:14

Kisurararãka maboꞌikakurirã jariro boia kaꞌimarĩa jããekarã imaraᵽarã. Suᵽabaatirã kawaru boirã ᵽemarã tuyutirã kibeꞌerõꞌõ naꞌririjaraᵽe.

Ap 19:8

Jíakaka jariroaka boia kaꞌimarĩa kojããrũkia Tuᵽarãre kore ĩjiraᵽe,==sãrĩkoraᵽe. Kojããika kaꞌimarĩa ima, “Baꞌiaja baabekaja Tuᵽarãre yiꞌyurã”, ãrĩrikoᵽakaja simaraᵽe.

Ap 3:18

Iꞌsuᵽaka mija imamaka, ikuᵽaka mijare yibojaerã baayu. Mija ãꞌmitiᵽe, yire yiꞌriᵽẽawaꞌri jia okajãjia mija imariyaᵽayeꞌe, mija ᵽuᵽaka baꞌiaja ima jaꞌatatirã, yire mija jẽñebe. Iꞌsuᵽaka mija baamaka ‘Tuᵽarãre yaᵽaika uᵽakaja maimayeꞌe’, ãñurã mijare ñimarũjerãñu. Iꞌsuᵽaka mija imamaka, orotaka aᵽeaᵽi rukuberika ᵽekaᵽi jia joeᵽateka yireka waruayurã uᵽaka yirika imatiyaikakaka mija õrĩwaᵽuꞌarãñu. Jariromarĩrã imarĩ iꞌyoa jũarikoᵽakaja jariroaka boia yire jẽñetirã sajããirã uᵽaka mija imabe yiñakoareka baꞌiaja baabeyurã mija imaokoroꞌsi. Iꞌsuᵽakajaoka jia ĩaokoroꞌsi ñakoĩkoa yire mija jẽñebe yiᵽuᵽajoaika õñurã mija imaokoroꞌsi.

Ap 3:5

Nimauᵽatiji Satanáre ĩꞌrãᵽẽꞌrõtorãja baairãre jariroaka jia boia yijããrũjerãñu. Suᵽa imarĩ ‘Ikarakamarã nime yika imajiᵽarũkirã’, ᵽaᵽera ᵽũñurã ãñua yirũꞌrẽbesarãñu. Iꞌsuᵽakajaoka, Yiᵽakire ĩarãka wãjitãji, suᵽabaatirãoka kiángelrãkare ĩarãka wãjitãji ‘Yire yiꞌyurã nime’, nareka ñarĩrãñu.

Ap 4:4

Suᵽabaatirã kiruᵽaraᵽarõꞌõrã ĩꞌrĩka ᵽoꞌimaji baatirã botarakamaki ᵽakiarimarã saya boia jããtiirã kiwãꞌtarã rãkuruᵽaraᵽarã naruᵽarikũmuaᵽitiyika. Ĩᵽarimarãroꞌsi takaja simaraᵽe ruᵽarikũmua. Suᵽabaatirã orokaka baaeka buꞌya tuaekarã nimaraᵽe.

Ap 6:11

Iꞌsuᵽaka naᵽakãꞌã saya uᵽaka jariroaka jia boia nare kĩjiraᵽe. Nare sĩjitirã, —Jajua baabekaja mija imabe. Aᵽerã imañujurã ruᵽu mija uᵽakaja yimajaroka bojarimaja. Mija uᵽakajaoka baꞌiaja baarimajare nare jããrũkirã nime,==Tuᵽarãre ãrãᵽe.

Ap 7:9

Iꞌsia beꞌerõꞌõ Tuᵽarã ruᵽarikũmu wãjitãji, Oveja weiwaꞌyua uᵽaka imaki wãjitãji rĩkimarãja ᵽoꞌimajare rĩkamaᵽakãꞌã ñiaraᵽe. Ĩꞌrãkaꞌikarãmarĩrã, ĩꞌrãwejekarãmarĩrã, ᵽoꞌimaja ritaja oka jairã, ritaja ᵽoꞌimajatata uᵽatiji marãkãꞌã baatirã majoaᵽataberijĩñurã. Suᵽabaatirã nimauᵽatiji saya boia jããtirã neꞌejĩjoa ĩoika rikabaraka imarã nimaraᵽe.