Ap 3:3 - Porciones del Nuevo Testamento en el idioma Letuama

³ Suᵽabaatirã mamarĩ yirika bojariroka mija wãrũũꞌmuraᵽakakaka jia mija ᵽuᵽajoaᵽeꞌabe. Jia sõrĩwaᵽuꞌaᵽeꞌatirã, baꞌiaja mija baaika mija jaꞌatabe. Suᵽa mija baabesarãkareka, ikuᵽarõꞌõᵽiji kareeꞌerimajire etaika uᵽakaja mija õrĩbeyurõꞌõᵽiji mija ᵽõꞌirã etatirã mijare sayiwaᵽajairãñu.

Ap 3:3 Iomraidhean Croise

Mr 13:33

Iꞌsuᵽaka simamaka õrĩweitikaja mija imabe. Sõrĩbeyurã imarĩ, rakajekaja mija imarijaᵽe.

1 Ts 5:2

Iꞌsuᵽaka ñañu, “Iꞌsirĩmi Jesucristore etarãñu jeꞌe”, marĩwãrũbeyua sime mija õñua. “Iꞌtojĩte karebaꞌarimajire wiꞌiarã kareeꞌerĩ etarãñu”, marĩwãrũbeyu uᵽaka sime Maĩᵽamakire etarũkia.

Ap 16:15

“Yire mija ãꞌmitiᵽe”, kẽrĩkoᵽeraᵽe Jesucristo: “ ‘Iꞌtojĩte mawiꞌiarã karebaꞌarimajire etarãñu’, mija ãrĩwãrũbeyu uᵽaka sime yetarũkia. Yetarũkia taꞌabaraka yiyaᵽaika uᵽakaja baabaraka imatikaja imarãñurã ᵽuri jĩjimaka imarãñurã. Suᵽa imarĩ, rakajetikaja najariroaka jããtikaja imarã uᵽaka nimarãñu. Ĩꞌrã ᵽuri jariromarĩa imawaꞌri aᵽerã wãjitãji iꞌyoᵽiꞌribeyurã uᵽaka nimarãñu”, kẽrĩkoraᵽe.

Ap 2:5

Suᵽa imarĩ, yire ãꞌmitiriᵽẽawaꞌri jia yire mija yiꞌriũꞌmuraᵽaka ᵽuᵽajoatirã, ‘Jia mika yija imaraᵽaka uᵽakamarĩa yija baayu baꞌitaka sime’, ãñurã mija jaᵽe. Suᵽa imarĩ mamarĩ yika jia imatiyawaꞌri jia mija baaraᵽaka uᵽakaja mija baabe ate. Iꞌsuᵽaka mija baabesarãka noꞌojĩrãmarĩaja mija ᵽeritẽrĩa yaaboabaraka imakoᵽeika mijareka ẽꞌmarĩ yetarãñu. Iꞌsuᵽaka yibaarãkareka yire jiyiᵽuᵽayeerimajare rẽrĩbesarãñu ate torã.

Ap 22:7

Ikuᵽaka aᵽea yire kẽrãᵽe: —Ikuᵽaka Jesúre ãñu: “Mija ãꞌmitiᵽe. Ñojimarĩji mija ᵽõꞌirã yaꞌrirãñu ate. Ika majaroka ‘Ikuᵽaka simarãñu’, ãrĩwaꞌri Tuᵽarãre bojaekakaka oꞌoeka ᵽũñurã ima yiꞌyurã jĩjimakaᵽi imarãñurã”, kẽñu,==ángelre yire ãrãᵽe.

Ap 3:11

Mia, noꞌojĩrãmarĩa ikuᵽarõꞌõᵽiji yetarãñu. Suᵽa simamaka yire mija ãꞌmitiriᵽẽarijayua jaꞌatabekaja mija imabe. Suᵽa mija imamaka, ñamajĩ jiibaji Tuᵽarãre mijare baarãñu. Suᵽa imarĩ baꞌiaja baairãre mija ãꞌmitiriᵽẽaꞌsi.

Ap 3:19

Mija ãꞌmitiᵽe. Wãtaka ñoñurã yokajããmaka ãꞌmitiyurã, baꞌiaja mija baaika mija jaꞌatabe. Sajaꞌatatirã yire takaja ãꞌmitiriᵽẽairã mija jaᵽe.

Ap 3:2

¡Jia mija ᵽuᵽajoabe! Yire yiꞌribeyurã uᵽaka mija jayua simamaka, jia ᵽuᵽaᵽeꞌritirã yire mija ãꞌmitiriᵽẽabe ate, yire mija yiꞌyua mija jaꞌatakoreka. Tuᵽarã ñakoarekaoka kiyaᵽaika uᵽakataka baabeyurã mija ime ruᵽu.