Ap 3:21 - Porciones del Nuevo Testamento en el idioma Letuama

²¹ Suᵽa imarĩ baꞌiaja jũakoꞌomakaja yire ãꞌmitiriᵽẽarijaꞌatabekaja imarijayurãre, maboꞌikakurirõꞌõrã yire jãꞌmejeyobaarimaja ñimarũjerãñu. Yiᵽakire yiꞌririjaꞌatabeyuka imarĩ, kire jãꞌmejeyobaarimaji ñima uᵽakaja nimarãñu naroꞌsi.

Ap 3:21 Iomraidhean Croise

Ap 1:6

Iꞌsuᵽaka mare kibaaeka simamaka, kijãꞌmerũkirãroꞌsiji maime. Suᵽabaatirã kurarãka uᵽaka Kiᵽaki Tuᵽarãre yaᵽaika uᵽakaja baarimaja maime. Suᵽa imarĩ, “Ritaja ĩᵽamaki imarĩ dika jariwaꞌririmarĩa jãꞌmeᵽataiki kime. Aᵽea ᵽemawaꞌribaji jiitakaja jiyiᵽuᵽaka morĩrũkika kime”, ãrĩwaꞌri jĩjimaka kika maimarijarirãñu. Iꞌsuᵽaka oyiaja imarũkia simarũ.

Ap 12:11

Suᵽa kijaiᵽakikoꞌomakaja, Oveja weiwaꞌyua uᵽaka imakire reyaeka riweaᵽi baꞌiaja nabaaika kijũjemaka, Satanáre tẽrĩkarã majeyomarã. “ ‘Jesúrika bojariroka mawãrõmaka õrĩwãrũbeyurãre mare jããrãñu jeꞌe’, marĩkoꞌomakaja okajãjia rakajebekaja maimayeꞌe. Suᵽa imarĩ samabojajaꞌataꞌsi”, narĩᵽuᵽajoaeka. Suᵽa baawaꞌri baꞌikare natẽrĩka.

Ap 17:14

Suᵽa imawaꞌri Oveja weiwaꞌyua uᵽaka imakika najĩrĩrãñu. Imakoꞌomakaja nare kitẽrĩrãñu. Aᵽerã imatiyarimaja tẽrĩwaꞌribaji imaki imarĩ suᵽa kibaarãñu. Suᵽabaatirã ĩᵽarimarãtarã ĩᵽamaki kime. Oveja weiwaꞌyua uᵽaka imakika imarã Tuᵽarãre wãꞌmaekarã imarĩ, kire yeꞌkariribekaja kiyaᵽaika uᵽakaja baarijayurã nime,==ángelre yire ãrãᵽe.

Ap 2:7

Mija ãꞌmitiᵽe ritaja wejeareka yire yiꞌᵽaraka imarã. Jia samija õrĩᵽũariyaᵽayeꞌe, Esᵽíritu Santore yire jeyobaaikaᵽi yibojaika jia mija ãꞌmitiᵽe. Baꞌiaja nabaakoᵽeka najaꞌatayu Satanáre ĩꞌrãᵽẽꞌrõtorãja baairã. Iꞌsuᵽaka baarãñurãre Tuᵽarã rioarã ima õñioyaᵽurika yijiꞌarãñu”, ãrĩwaꞌri mioꞌobe,==yire kẽrãᵽe makãrãrũñuroka uᵽakaᵽi yire ᵽemakotowiraᵽaki.

Ap 20:4

Toᵽi mae jãꞌmebaraka naruᵽarõꞌõrã ruᵽajiyeraᵽarãre ñiaraᵽe. Mia, Jesúre yeꞌkaririberiwaꞌri, kimajaroka jaꞌatabeyurã, werikaᵽakiakire kijẽrãkaoka jiyiᵽuᵽayeeberiwaꞌri kiwãmea nakũꞌarã, naᵽitakarã oꞌojĩꞌaberika nimaraᵽe. Nawãmua toataꞌruikarã imakoꞌomakaja, õñia jariᵽeꞌritirã mil rakakuri wejejẽꞌrãka Cristoka ñamajĩ jãꞌmerimaja nimaraᵽe.

Ap 20:6

Suᵽa imarĩ wãmua natataꞌruikarãre mamarĩji õñia Tuᵽarãre jariᵽeꞌrirũjemaka jĩjimaka nimarãñu. Kire ãꞌmitiriᵽẽairã imarĩ, aᵽekurioka nareyabesarãñu. Suᵽa imarĩ Tuᵽarãre yaᵽaika kurarãkare baaika uᵽaka baarimaja nimarãñu. Iꞌsuᵽakajaoka nabaarãñu Cristoroꞌsi. Suᵽa imarĩ, mil rakakuri wejejẽꞌrãka kika najãꞌmerãñu.

Ap 6:2

Kẽᵽakãꞌã ĩaᵽũataerã baakõrĩ, ĩꞌrĩka kawaru boikare iꞌtarijaᵽakãꞌã ñiaraᵽe. Kiᵽemarã tuyuraᵽaki tẽmuᵽãia rikaiki, kiruᵽukoꞌarã buꞌya Tuᵽarãre kire tuaekaki kimaraᵽe. Saᵽi ãrĩwaꞌri tẽrĩrimaji imarĩ, aᵽeakaꞌiarã imarãre kitẽrĩrijaraᵽe mae.

Ap 7:17

Iꞌsuᵽaka nimaerã Tuᵽarã ruᵽarikũmuwãjitãji imaki imarĩ, jia oveja tuerimaji uᵽaka Oveja weiwaꞌyua uᵽaka imakire nare ĩarĩrĩrãñu. Suᵽabaatirã õñio okoa imarõꞌõrã nare sasĩarĩ kiruᵽutawaꞌrirãñu. Suᵽa imarĩ, “Aᵽekurioka baꞌiaja jũarũkimarĩrã, ate orirũkimarĩrã nimarãñu”, jiitaka Tuᵽarãre nare baarãñu,==ãrĩwaꞌri yire kibojaraᵽe.