Ap 3:11 - Porciones del Nuevo Testamento en el idioma Letuama

¹¹ Mia, noꞌojĩrãmarĩa ikuᵽarõꞌõᵽiji yetarãñu. Suᵽa simamaka yire mija ãꞌmitiriᵽẽarijayua jaꞌatabekaja mija imabe. Suᵽa mija imamaka, ñamajĩ jiibaji Tuᵽarãre mijare baarãñu. Suᵽa imarĩ baꞌiaja baairãre mija ãꞌmitiriᵽẽaꞌsi.

Ap 3:11 Iomraidhean Croise

1 Co 9:25

Narĩrĩrã baaika ruᵽu, “Aᵽerãre yitẽrĩyeꞌe”, ãrĩwaꞌri ĩꞌrãrĩmi uᵽakaja narĩrĩkoririjayu. Rĩrĩkoribaraka kaꞌwisitaka najũayu sawaᵽa tõᵽoerã. Suᵽa imarĩ rĩrĩbaraka tẽñukare ᵽũñuakaka kĩkeka buꞌya nijiyu kiruᵽukoꞌarã kituaokaroꞌsi. Ᵽũñuakaka imarĩ, ñoaka imarũkimarĩa sime. Suᵽamarĩa sime maroꞌsi ᵽuri. Imajiᵽarũkia waᵽa moꞌabaraka maimarijayu.

Filipenses 4:5

Jia oyiaja aᵽerãte mija baarijaᵽe, “Jiiᵽuᵽarã nime”, ritaja ᵽoꞌimajare mijareka ãñaokaroꞌsi. Mija õᵽe: Noꞌojĩrãmarĩaja sajariwaꞌyu õꞌõrã Maĩᵽamakire etarũkia. Wayuᵽiribekaja mija imabe. Baꞌiaja ᵽuᵽarikoᵽakaja mija yaᵽaika Tuᵽarãte jẽñebaraka mija imarijaᵽe. Mañu uᵽakaja ãꞌmitiyuka kimamaka, “Jiitaka oyiaja yire mibaayu Tuᵽarã”, kire ãᵽaraka mija imarijaᵽe.

Santiago 1:12

Kaꞌwisika jũarijayurã imakoꞌomakaja okajãjirã imarĩ, samarakajeᵽããika ĩatirã, “Jia yire nayiꞌyu”, Tuᵽarãte mareka ãrĩrãñu. Suᵽa imarĩ, “Yika imariyaᵽawaꞌri yire yiꞌyurãte õñia imajiᵽarika yijaꞌatarãñu”, Tuᵽarãte ãrĩka simamaka jia mare kibaarãñu.

Santiago 5:9

Yijeyomarã, Tuᵽarãte yiꞌyurãreka, “Baꞌiaja nime”, ãrĩwaꞌri mija tiyiaja jaibuꞌabekaja mija imabe, sawaᵽa Maĩᵽamakite baꞌiaja mijare jũarũjekoreka. “Noꞌojĩrãmarĩaja sajariwaꞌyu kiᵽeꞌrietarũkia”, ãrĩwaꞌri iꞌsuᵽaka mijare ñañu.

Ap 1:3

Ika yibojaika koyiaja simamaka ikuᵽaka mijare ñañu mae. Ika ñañua bojarimaja, suᵽabaatirã sayiꞌrirãñurãoka jia jĩjimaka imarijarirãñurã.

Ap 16:15

“Yire mija ãꞌmitiᵽe”, kẽrĩkoᵽeraᵽe Jesucristo: “ ‘Iꞌtojĩte mawiꞌiarã karebaꞌarimajire etarãñu’, mija ãrĩwãrũbeyu uᵽaka sime yetarũkia. Yetarũkia taꞌabaraka yiyaᵽaika uᵽakaja baabaraka imatikaja imarãñurã ᵽuri jĩjimaka imarãñurã. Suᵽa imarĩ, rakajetikaja najariroaka jããtikaja imarã uᵽaka nimarãñu. Ĩꞌrã ᵽuri jariromarĩa imawaꞌri aᵽerã wãjitãji iꞌyoᵽiꞌribeyurã uᵽaka nimarãñu”, kẽrĩkoraᵽe.

Ap 2:10

Wẽkomaka imariwiꞌiarã baꞌiaja mija jũarijarirãka kĩkibekaja mija imabe. Iꞌsuᵽaka Satanáre nare ᵽuᵽajoarũjemaka ĩꞌrãrimarãre torã nataarãñu. Yire mija ãꞌmitiriᵽẽaika mija jaꞌatarika yaᵽawaꞌri ĩꞌᵽaᵽitarakarĩmirõꞌõjĩrã iꞌsuᵽaka mijare kibaataꞌarãñu. Iꞌsuᵽaka jũakoꞌomakaja yire mija ãꞌmitiriᵽẽarijaꞌataꞌsi mijare najããrãkarõꞌõjĩrã. Samija rakajeᵽããrãkareka, ‘Õñia imajiᵽarũkirã nimarũ’, mijareka ñarĩrãñu.

Ap 2:13

Ritaja mija imarijayua ñiaika simamaka, Satanáre jãꞌmeirõꞌõrã mija imaoka ñorĩᵽatayu. Torã imakoꞌomakaja yire yiꞌriwaꞌri Satanáre ãꞌmitiriᵽẽabeyurã mija ime. Mia, torã jia yire yiꞌriwaꞌri Antiᵽas wãmeikire yirika bojariroka bojajaꞌatabeyuka kimamaka, kire najããeka. Iꞌsuᵽaka tokarãre kire baakoꞌomakaja yire mija yiꞌyua jaꞌatabeyurã mija.

Ap 22:12

Jesús ᵽuri ikuᵽaka ãrãᵽaki: —Mija ĩabe. Ñojimarĩji mija ᵽõꞌirã yaꞌrirãñu ate. Mija ᵽõꞌirã eyatirã ᵽoꞌimajare baaeka uᵽakaja sawaᵽa nare yibaarãñu. Jia baaekarãre, baꞌiaja baaekarãre oka.

Ap 22:20

“Iᵽũñurã rita sãñu”, ñañua imarĩ, “Ñojimarĩji mija ᵽõꞌirã yaꞌrirãñu ate”,==Jesúre ãñu. —Meñu uᵽakaja simarũ. Miꞌtabe Ñiᵽamaki Jesús,==mire ñañu.

Ap 22:7

Ikuᵽaka aᵽea yire kẽrãᵽe: —Ikuᵽaka Jesúre ãñu: “Mija ãꞌmitiᵽe. Ñojimarĩji mija ᵽõꞌirã yaꞌrirãñu ate. Ika majaroka ‘Ikuᵽaka simarãñu’, ãrĩwaꞌri Tuᵽarãre bojaekakaka oꞌoeka ᵽũñurã ima yiꞌyurã jĩjimakaᵽi imarãñurã”, kẽñu,==ángelre yire ãrãᵽe.

Ap 3:3

Suᵽabaatirã mamarĩ yirika bojariroka mija wãrũũꞌmuraᵽakakaka jia mija ᵽuᵽajoaᵽeꞌabe. Jia sõrĩwaᵽuꞌaᵽeꞌatirã, baꞌiaja mija baaika mija jaꞌatabe. Suᵽa mija baabesarãkareka, ikuᵽarõꞌõᵽiji kareeꞌerimajire etaika uᵽakaja mija õrĩbeyurõꞌõᵽiji mija ᵽõꞌirã etatirã mijare sayiwaᵽajairãñu.

Ap 4:10

Ĩꞌrãkurimarĩa suᵽa baabaraka nima ᵽoto veinticuatro rakamarã ᵽakiarimarã kiwãjitãji moꞌiᵽãñawaꞌyurã reyaribaꞌimarĩkare jiyiᵽuᵽayeebaraka. Suᵽabaatirã orokaka baaeka nabuꞌya eꞌetatirã kiwãꞌtarã ᵽããjiyetirã ikuᵽaka kire narĩrijayu:

Ap 4:4

Suᵽabaatirã kiruᵽaraᵽarõꞌõrã ĩꞌrĩka ᵽoꞌimaji baatirã botarakamaki ᵽakiarimarã saya boia jããtiirã kiwãꞌtarã rãkuruᵽaraᵽarã naruᵽarikũmuaᵽitiyika. Ĩᵽarimarãroꞌsi takaja simaraᵽe ruᵽarikũmua. Suᵽabaatirã orokaka baaeka buꞌya tuaekarã nimaraᵽe.