Ap 3:1 - Porciones del Nuevo Testamento en el idioma Letuama

¹ Iꞌsia beꞌrõ ikuᵽaka yire kẽrãᵽe ate: —Sardes wejeareka yire ãꞌmitiriᵽẽairãre imaruᵽutarimajiroꞌsi ikuᵽaka mioꞌoĩjibe: “Ĩꞌᵽotẽñarirakamarã uᵽaka imaki tẽrĩwaꞌribaji imatiyaiki Esᵽíritu Santo ᵽuᵽakaᵽi baarijayuka, ĩꞌᵽotẽñarirakamarã tãꞌᵽia rikaiki ñime. Mia: Ritaja mija baaika õrĩᵽataiki oka ñime. Mijare ĩatirã ‘Cristore jia yiꞌyurã nime’, ᵽoꞌimajare mijareka ãrĩkoꞌomakaja yireka ᵽuri yiyaᵽaika uᵽaka baabeyurã imarĩ, yire ãꞌmitiriᵽẽabeyurã uᵽaka mija ime.

Ap 3:1 Iomraidhean Croise

Los Hechos 2:33

Maboꞌikakurirõꞌõᵽi imatirã Tuᵽarãte akaeka Jesúre. Suᵽa imarĩ Tuᵽarãte imarõꞌõrã kiritaᵽẽꞌrõto jiyiᵽuᵽayeerũkirõꞌõᵽi kiruᵽe mae. “Õꞌõrã jãꞌmebaraka ñima uᵽakaja Esᵽíritu Santore miᵽũatabe”, Jesúre kẽrĩka. Suᵽa imarĩ Jesús mae yijare Esᵽíritu Santore ñaꞌajããekaki. Mae mija ĩakoꞌa, mija ãꞌmitirikoꞌa, Esᵽíritu Santore yijare ñaꞌrĩjãikakaka sime.

Santiago 2:26

Õrĩkõrĩ: Maᵽoꞌia õñimakimarĩa simajĩka dakoaᵽi õñia simaberijĩñu. Ikuᵽaka ãrĩrika sime: Tuᵽarãte yaᵽaika uᵽaka baaberikoꞌomakaja, “Kire yiꞌyurã yija ime”, marĩkoᵽeika uᵽaka sime.

Ap 1:11

Toᵽi mae ikuᵽaka yire kẽrãᵽe: —Maekaka mire yibeaika ᵽaᵽerarã samioꞌobe. Suᵽabaatirã Asiakaꞌiarã Jesúre yiꞌyurã ĩꞌᵽotẽñarirakawejearã imarãroꞌsi samiᵽũatabe. Ikuᵽaka wãmeika sime wejea samiᵽũatarũkirõꞌõ: Éfeso, Esmirna, Ᵽérgamo, Tiatira, Sardes, Filadelfia, suᵽabaatirã Laodicea==kẽrĩkoraᵽe.

Ap 1:16

Kiᵽitaka ritaᵽẽꞌrõtoᵽi ĩꞌᵽotẽñarirakamaki tãꞌᵽia kirikaraᵽe. Kirijokoᵽeaᵽi ĩꞌᵽaᵽẽꞌrõtowãꞌtaja oᵽijieka sara wararaᵽaka. Kiᵽema jiitakaja aiyare yaaika uᵽaka õiraᵽaka.

Ap 1:20

Mia, ritaᵽẽꞌrõto ĩꞌᵽotẽñarirakamaki tãꞌᵽia yirikaika ĩakoꞌomakaja, “Iꞌsiaroꞌsi simekãꞌã”, ãrĩwãrũbeyuka miꞌi. Ikuᵽakaroꞌsi sime: Ĩꞌᵽotẽñarirakamarã tãꞌᵽia miaika ĩꞌᵽotẽñarirakawejekarã yire ãꞌmitiriᵽẽarimajare imaruᵽutarimaja ãrĩrika sime. Iꞌsuᵽakajaoka sime ᵽeritẽrĩa yaaboaika miaika. Ĩꞌᵽotẽñarirakawejerã yire yiꞌyurãre ime ãrĩrikoᵽakaja sime,==yire kẽrãᵽe.

Ap 1:4

Mae, ĩꞌᵽotẽñarirakaweje Asia kaꞌiareka Jesúre yiꞌririjaᵽaraka imarãroꞌsi ika yoꞌoyu yiꞌi, Juan. Suᵽa imarĩ Tuᵽarã, Jesucristo, Esᵽíritu Santoka maekarakamarã jia mijare najeyobaarũ, jia naka mija imaerã. Bikija imaraꞌaekaki imakoꞌomakaja maekakaoka imarijayuka Tuᵽarã. Ñamajĩoka imajiᵽarãki kime. Tuᵽarãre jãꞌmeruᵽa wãjitãji imarã ĩꞌᵽotẽñarirakamarã. Esᵽíritu Santo ritaja õrĩᵽataiki, ritaja baaiki kime ãrĩrikoᵽakaja kiwãjitãji nimarijayu. Suᵽabaatirã Jesucristo kime Kiᵽakire ãñu uᵽakaja bojarimaji. Suᵽa imarĩ, reyakoꞌomakaja õñia kijariᵽeꞌrika ate. Iꞌsuᵽaka kibaaũꞌmuekaᵽi ãrĩwaꞌri reyakoꞌomakaja rĩkimarãja sabeꞌerõꞌõ õñia jariᵽeꞌrirãñurã ate. Suᵽa imarĩ ritatojo weje ĩᵽamarãre jãꞌmeiki kime. Iꞌsuᵽakajaoka mare wãtawaꞌri maroꞌsi riwejurubaraka kireyaekaᵽi baꞌiaja mabaaika kiwaᵽakoyika.

Ap 2:13

Ritaja mija imarijayua ñiaika simamaka, Satanáre jãꞌmeirõꞌõrã mija imaoka ñorĩᵽatayu. Torã imakoꞌomakaja yire yiꞌriwaꞌri Satanáre ãꞌmitiriᵽẽabeyurã mija ime. Mia, torã jia yire yiꞌriwaꞌri Antiᵽas wãmeikire yirika bojariroka bojajaꞌatabeyuka kimamaka, kire najããeka. Iꞌsuᵽaka tokarãre kire baakoꞌomakaja yire mija yiꞌyua jaꞌatabeyurã mija.

Ap 2:19

Ritaja mija baaika õrĩᵽataiki ñime. Suᵽa imarĩ ‘Ᵽoꞌimajare wayuĩarimaja, suᵽabaatirã yire ãꞌmitiriᵽẽairã nime’, mijareka ñarĩrijayu. Iꞌsuᵽakajaoka ritaja aᵽerãre mija jeyobaaika õrĩᵽataiki ñime. Yire ãꞌmitiriᵽẽairã mija imamaka, baꞌiaja aᵽerãre mijare baarijayu. Iꞌsuᵽaka mijare nabaakoꞌomakaja yire mija ãꞌmitiriᵽẽaika jaꞌatabeyurã mija ime. ‘Mamarĩ yire nayiꞌriũꞌmuraᵽaka ᵽemawaꞌribaji jia baairã nime’, mijareka ñañu.

Ap 2:2

Ritaja mija baaika õñuka ñime. Suᵽa simamaka, ᵽoꞌimajare yire yiꞌririka yaᵽawaꞌri mija kaꞌwisijũayu. Iꞌsuᵽakajaoka aᵽerãre baꞌiaja mijare baakoꞌomakaja yire mija yiꞌririjaꞌatabeyua jia ñoñua sime. Iꞌsuᵽakajaoka ‘Cristorika bojariroka bojarimaja yija ime’, ĩꞌrãrimarãre ãrĩkoꞌomakaja, ‘¿Yaje rita nañu?’, ãñurã mija ime. Suᵽa imarĩ nabaarijayua jia ĩawãrũtirã, nawãrõika ãꞌmitiritirã, ‘Waᵽuju ᵽakibaraka baꞌiaja baairã nime’, mija ãñua ñorĩᵽataika.

Ap 2:9

Mia. Baꞌiaja mijare nabaamaka, jiamarĩa mija jũarijayua ñoñu. Suᵽabaatirã wayuoka baairã mija imaoka ñorĩᵽataika sime. Iꞌsuᵽaka mija imakoꞌomakaja Tuᵽarãre mijare sajaꞌataekaᵽi ãrĩwaꞌri, imatiyaika rikairã mija ime. Iꞌsuᵽakajaoka ‘Judíorãka imarĩ, Tuᵽarãrirãtakaja yija ime’, ãrĩwaꞌri, ‘Baꞌiaja baarimaja nime’, ãrĩwaꞌri mijareka kẽꞌrãjairimajareoka ñoñu. Iꞌsuᵽaka nabaayu Tuᵽarãre yiꞌriberiwaꞌri Satanáre yaᵽaika uᵽaka baarijayurã imarĩ.

Ap 3:15

Ritaja mija baaika õrĩᵽataiki ñime. Yire yiꞌririjaꞌatabeyurã mija imakoꞌomakaja, ‘Jiibaji kika maimajĩkareka jia sime’, yireka ãrĩbeyurã mija. Suᵽa imarã imarĩ, ukurũkia ijitakamaria, jijitakamarĩa uᵽaka mija ime. Suᵽa mija imarika yaᵽabeyuka yiꞌi.

Ap 3:2

¡Jia mija ᵽuᵽajoabe! Yire yiꞌribeyurã uᵽaka mija jayua simamaka, jia ᵽuᵽaᵽeꞌritirã yire mija ãꞌmitiriᵽẽabe ate, yire mija yiꞌyua mija jaꞌatakoreka. Tuᵽarã ñakoarekaoka kiyaᵽaika uᵽakataka baabeyurã mija ime ruᵽu.

Ap 3:8

Ritaja mija baaika õñuka ñime. Ᵽoꞌimaja mijare ĩaikareka ᵽuri ‘Imatiyarimaja nime’, mijareka ãrĩbeyurã. Imakoꞌomakaja yiwãrõeka jia yiꞌririjayurã mija ime. Suᵽabaatirãoka aᵽerãre kĩkiwaꞌri ‘Jesucristore yiꞌribeyurã yija’, ãrĩbeyurã mija. Suᵽa imarĩ, maki mijare jãjibaakoreka, koᵽereka mijaroꞌsi yiwieyu, yibojariroka mija wãrõrijayaokoroꞌsi.

Ap 4:5

Suᵽabaatirã nañeꞌmetãji niᵽamakire ruᵽaraᵽakũmuᵽi wĩᵽoa yaajiyeika uᵽaka sabaaraᵽe. Iꞌsuᵽaka baawaꞌri jãjitaka wĩᵽoa jaika uᵽaka sokaaraᵽe. Kiruᵽaraᵽaka wãjitãji ĩꞌᵽotẽñarirakabi ᵽeka jũꞌrẽika imaraᵽaka. Ᵽeka jũꞌrẽraᵽaka Esᵽíritu Santo koᵽakaja ima simaraᵽe.

Ap 5:6

Iꞌsuᵽaka simaraᵽaka ᵽoto, ᵽakiarimarã watoᵽeka, botarakamarã maikoribeyu uᵽaka imaraᵽarã watoᵽekaᵽi, ĩᵽi ruᵽarikũmua imaraᵽarõꞌõᵽi ĩꞌrĩka Oveja weiwaꞌyua uᵽaka ĩokire imaraᵽe. Ᵽoꞌimajare kire jããeka kãmia kireka imakoꞌomakaja õñia imakire ñiaraᵽe. Suᵽabaatirã ĩꞌᵽotẽñarirakabi wakaiki, okajãjiki imarĩ. Iꞌsirakaojoka ñakoika kimaraᵽe, Esᵽíritu Santo, tẽrĩritakire ika kaꞌia ĩꞌrãkõꞌrĩmatomarĩa Tuᵽarãre ᵽũatayu ãrĩrikoᵽakaja simaraᵽe kiñakoa.