Ap 21:9 - Porciones del Nuevo Testamento en el idioma Letuama

^9-10 Ĩꞌᵽotẽñarirakamarãkaki baꞌiaja ᵽoꞌimajare jũarũkia seroarã rikaeka mirãki. Iki mae, ikuᵽaka yire ãrãᵽaki: —Dajoa, Oveja weiwaꞌyua uᵽaka imaki rũmuroꞌsi imarũkikore mire yibeaerã,==kẽrãᵽaka beꞌrõ, Esᵽíritu Santore yire jeyobaamaka ikuᵽaka yire kibearaᵽe: Ᵽusia joꞌbaka ñoaka ruᵽututuarã yire keꞌewaꞌraᵽe. Torã kika yeyaraᵽaka ᵽoto baꞌiaja baarũkimato, mamaka Jerusalénwejea Tuᵽarã ᵽõꞌiᵽi ruiraꞌatirã ñaꞌrĩᵽañaraᵽaka yire kibearaᵽe.

Ap 21:9 Iomraidhean Croise

Ap 1:1

Ika ᵽaᵽerareka oꞌoeka ikuᵽarõꞌõᵽiji imarũkiakaka bojaika. Kiyaᵽaika uᵽaka baarijayurãre sõñaokoroꞌsi Kimaki Jesucristore sakijaꞌataeka Tuᵽarã, nare sakibojaokoroꞌsi. Suᵽa imarĩ ángelre yiᵽõꞌirã kiᵽũataeka yire sakiõrĩrũjewãrũokoroꞌsi. Juan, kiyaᵽaika uᵽaka baaiki ñime.

Ap 17:1

Suᵽabaatirã ĩꞌᵽotẽñarirakamarã ángelrãka seroa rikaraᵽarãkaki ĩꞌrĩkare yiᵽõꞌirã etaraᵽe. Toᵽi ikuᵽaka yire kẽrãᵽe mae: —Õꞌõrã miꞌtabe, rĩkimakaja riamaka imarõꞌõrã baꞌiaja baariwejea ima, sakaka mire yibojaerã baayu. Mia: Ritaja ĩmirĩjaka wãꞌimarĩtiyaiko uᵽaka sareka imarãre imamaka, Tuᵽarãre baꞌiaja nare jũarũjerãñu.

Ap 19:7

Oveja weiwaꞌyua uᵽaka imakika kirĩrãre ᵽitañiꞌabuꞌaika uᵽaka baairĩmi seyayu mae. Suᵽa simamaka Tuᵽarãre jĩjimakaᵽi jiyiᵽuᵽayeebaraka maimayeꞌe, kikaja kirĩrã imajiᵽarũkirã imarĩ. Oveja weiwaꞌyua uᵽaka imaki jeyomako ketarũkia jĩjimakaᵽi taꞌatikaja koima uᵽaka maimayeꞌe.

Ap 21:17

Ãta ᵽããtateka yija jẽrãbaarũkiaᵽi sakijẽrãbaamaka, sesenta y cinco metros rõꞌõjĩrã moꞌrĩa simaraᵽe.

Ap 21:2

Suᵽa imarĩ mamaka Jerusalén jía ᵽuᵽajoarika imarõꞌõ Tuᵽarã ᵽõꞌiᵽi ruiraꞌatirã ñaꞌrĩᵽañamaka ñiaraᵽe. Rõmo ᵽitañiꞌabuꞌaerã baaeka kotĩmire kore ĩajiyuokoroꞌsi saya jía jiyurika jããweitirã koima uᵽaka jiyurika imarõꞌõ simaraᵽe.

Ap 22:1

Iꞌsia yire kibearaᵽaka beꞌerõꞌõ, jia waria riaka õñio okoraka imajiᵽarũkiria ángelre yire bearaᵽe. Tuᵽarã ruᵽarikũmuarã, suᵽabaatirã Oveja weiwaꞌyua uᵽaka imaki ruᵽarikũmuarã simaraᵽe iꞌsiria ruᵽaka.

Ap 22:17

Esᵽíritu Santo, suᵽabaatirã Oveja weiwaꞌyua uᵽaka imaki jeyomakoka ĩꞌrĩka uᵽakaja najaiyu. —Mija iꞌtabe, Cristore yiꞌyurã mija jayaokoroꞌsi,==ᵽoꞌimajare nañu. Iꞌsuᵽakajaoka aᵽerãre narĩrũ sãꞌmitiyurã. —Õñio okoa ukurika mijare jitorãka, waᵽamarĩaja sukurĩ mija iꞌtabe,==nañu.

Ap 22:6

Ikuᵽaka yire kẽrãᵽe ate ángel: —Makãrãrũñuroka uᵽakaᵽi ritaja Tuᵽarãre mire ĩarũjeika, mire kiãꞌmitirirũjeikaoka rita sime. Ritaja mire yibojaika uᵽakajaoka simarãñu. Maĩᵽamaki Tuᵽarã kime kiroꞌsi bojaĩjirimajare jia jaiwãrũerã nare jeyobaarijayuka. Ikijioka kime ika ritaja mire yibojaerã yire ᵽũataekaki,==yire kẽrãᵽe.