Ap 21:8 - Porciones del Nuevo Testamento en el idioma Letuama

⁸ Yirirãmarĩrã ᵽuri: “Ᵽoꞌimajare mare ãꞌmijĩaꞌsi”, ãrĩwaꞌri yire ãꞌmitiriᵽẽabeyurã, yiyaᵽabeyua nabaayu, ᵽoꞌimaja jããrimaja nime, nayaᵽaika uᵽakaja rõmitikaka wãꞌimarĩrijayurã, suᵽabaatirã ᵽoꞌimajare bitarijayurã, waᵽuju ima jẽrãka jiyiᵽuᵽayeeirã, suᵽabaatirã ᵽakirimajareoka azufreᵽi jũꞌrẽiritarã yitaarãñu aᵽekurioka nare ĩaokoroꞌsimarĩa. Iꞌsia sime reyaᵽeꞌarika wãmeika,==yire kẽrĩkoraᵽaka beꞌrõ ángelre yiᵽõꞌirã etaraᵽe.

Ap 21:8 Iomraidhean Croise

2 Ts 2:9

Ika yibojaika ruᵽubajirã, ikuᵽaka simarãñu: Satanárikaᵽi ãrĩwaꞌri Baꞌiaja baarimijikaka jãꞌmeiki ritaja maikoribeyua ᵽoꞌimajare beaᵽakirĩ etarãki.

1 Jn 2:22

Ikuᵽaka nañu ᵽakirimaja: “Jãꞌmerã Tuᵽarãte wãꞌmaekakimarĩka kime Jesús”. Ᵽakirimaja Cristore táꞌteirã nime. Suᵽa imawaꞌri, “Jesús Ᵽakimarĩka Tuᵽarãte ime, suᵽabaatirã Kimakimarĩka kime Jesús”, ãñurã nime ᵽakirimaja.

1 Jn 3:15

Iꞌsuᵽaka simamaka Cristore yiꞌyukate ãꞌmijĩaiki ᵽuri kire jããrimaji uᵽaka kime, Tuᵽarãte ĩamaka. Suᵽabaatirã, “Ᵽoꞌimajare jããrimaji õñia imajiᵽarũkimarĩka kime”, ãrĩwãrũirã mija ime.

1 Jn 5:10

Tuᵽarã Makire yiꞌyurã ᵽuri, “Kimakireka Tuᵽarãte bojaeka rita sime”, ãrĩwaꞌri naᵽuᵽakarã sõñurã nime. “Tuᵽarã Makimarĩka Jesúre ime”, ãñurã ᵽuri Tuᵽarãte kireka bojaeka yiꞌribeyurã. Iꞌsuᵽaka ãñurã imarĩ, “Waᵽuju ᵽakirika sime ‘Yimaki Jesúre ime’, Tuᵽarãte ãñua”, narĩrijayu.

Ap 2:11

Mija ãꞌmitiᵽe ritaja wejeareka yire yiꞌᵽaraka imarijayurã. Jia samija õrĩᵽũariyaᵽayeꞌe, Esᵽíritu Santore yire jeyobaaikaᵽi yibojaika jia mija ãꞌmitiᵽe. Baꞌiaja jũakoꞌomakaja yire ãꞌmitiriᵽẽabaraka imarijayurã ᵽuri, baꞌiaja jũarika tiyibeyurõꞌõrã yiᵽũatarãñurãka aꞌrirũkimarĩrã nime”, ãrĩwaꞌri mioꞌobe,==yire ᵽemakotowiraᵽakire mijare bojayu.

Ap 2:2

Ritaja mija baaika õñuka ñime. Suᵽa simamaka, ᵽoꞌimajare yire yiꞌririka yaᵽawaꞌri mija kaꞌwisijũayu. Iꞌsuᵽakajaoka aᵽerãre baꞌiaja mijare baakoꞌomakaja yire mija yiꞌririjaꞌatabeyua jia ñoñua sime. Iꞌsuᵽakajaoka ‘Cristorika bojariroka bojarimaja yija ime’, ĩꞌrãrimarãre ãrĩkoꞌomakaja, ‘¿Yaje rita nañu?’, ãñurã mija ime. Suᵽa imarĩ nabaarijayua jia ĩawãrũtirã, nawãrõika ãꞌmitiritirã, ‘Waᵽuju ᵽakibaraka baꞌiaja baairã nime’, mija ãñua ñorĩᵽataika.

Ap 21:27

Tuᵽarãre yaᵽabeyua imarũkimato simamaka baꞌiaja baarimaja, ᵽakirimaja torã kãkabesarãñurã. Oveja weiwaꞌyua uᵽaka imaki ᵽaᵽera ᵽũñurã, “Ikarakamarã nime yika imarũkirã”, ãrĩwaꞌri nawãmea oꞌojĩꞌaekarã takaja kãkarũkirõꞌõ simarãñu.

Ap 22:15

Aᵽerãre bitarijayurã, nayaᵽaika uᵽakaja aᵽerãka wãꞌimarĩrijayurã, ᵽoꞌimajare jããrijayurã, waᵽuju ima jẽrãka jiyiᵽuᵽayeeirã, ᵽakirikaᵽiji imarijayurã, Tuᵽarãre yaᵽabeyua baairã, Tuᵽarã ᵽõꞌirã aᵽekurioka eyabesarãñurã.

Ap 9:17

Suᵽa imarĩ makãrãrũñuroka uᵽakaᵽi ñiamaka naroꞌsi oyiaja ᵽeruakaka baaeka jããirã nimaraᵽe. Jũꞌaᵽañaka yaꞌtarika, neiᵽañaka jĩꞌmia, suᵽabaatirã azufre uᵽaka jũꞌsiᵽoa simaraᵽe najĩrĩrikoꞌa. Iꞌsuᵽakajaoka kawaru imakoꞌomakaja yaia león ruᵽukoꞌa uᵽaka ruᵽukoꞌakirã nimaraᵽe. Narijokoᵽeaᵽi ᵽeka, ũmakaka, suᵽabaatirã dajaka jĩsia azufre ᵽoraᵽaka.

Ap 9:21

Suᵽabaatirã ᵽoꞌimajare jããrika, yeꞌoaᵽi aᵽerãre nabitarijayua, rõmitika nawãꞌimayua, nakareeꞌerijayuaoka jaꞌatabeyurã nimaraᵽe.