Ap 21:4 - Porciones del Nuevo Testamento en el idioma Letuama

⁴ Tuᵽarãka imarã nimamaka reyarika, baꞌiaja ᵽuᵽaririka, oririka, ãꞌmika najũarika imabesarãka mae. Suᵽabaatirã nare kijiyiᵽuᵽayeerãñu ate norikoreka. Bikija baꞌiaja jũarika imakoᵽeka imabesarãka mae,==sãrĩkoraᵽe maboꞌikakuriᵽi.

Ap 21:4 Iomraidhean Croise

1 Co 15:26

Iꞌsuᵽaka simarãka ᵽoto reyarika ᵽariji Cristore tiyetarãñu. Saᵽi ãrĩwaꞌri ritaja majamarãika maimaoka tiyiᵽatarãka.

1 Co 7:31

“Maekaka ritaja mabaarijayua, maikaoka imajiᵽarũkimarĩa sime”, ãñurã imarĩ, sarãtakaja ᵽuᵽajoabekaja maimayeꞌe.

2 Co 5:17

Suᵽabaatirã Jesucristoriki ᵽuri Tuᵽarãre kiᵽuᵽaka oꞌaekaki kime. Bikija kimaeka uᵽakamarĩa kiᵽuᵽaka oꞌaekaki imarĩ, mamarokaᵽi oyiaja ᵽuᵽajoaiki kime mae.

2 Co 6:17

Ikuᵽaka kẽñu aᵽea: “Yirika yiꞌribeyurãka ĩꞌrãtiji ᵽuᵽakirã mija imaꞌsi. Suᵽabaatirã nare mija jeyoaritiyaꞌsi, yiyaᵽabeyu uᵽaka naka mija baakoreka. Ñañu uᵽakaja mija baarãkareka, yirirã mija imamaka, jĩjimaka mijaka ñimarãñu”, mare kẽñu.

1 Jn 2:17

Ika wejeareka Tuᵽarãte yiꞌribeyurã, suᵽabaatirã baꞌiaja nabaariyaᵽaika ᵽurirãñu. Tuᵽarãte yaᵽaika uᵽaka oyiaja baairã ᵽuri õñia imajiᵽarãñurã.

Ap 20:14

Iꞌsia beꞌrõ ᵽuri reyarika, reyaeka mirãrãre imaeka mirãrõꞌõ eꞌetirã, azufreᵽi jũꞌrẽiritarã Tuᵽarãre sataaraᵽe. Azufreᵽi jũꞌrẽirita sime reyaᵽeꞌarika wãmeika. Suᵽabaatirã ᵽaᵽera, “Ikarakamarã nime yika imajiᵽarũkirã”, ãñu ᵽũñurã nawãmea oꞌojĩꞌaberikarãre ᵽuri nare ĩatirã azufreᵽi jũꞌrẽiritarã kitaaraᵽe.

Ap 21:1

Ritatajo kaꞌia, riaᵽakiaka, wejeᵽema riraᵽaka beꞌerõꞌõ, mamaka kaꞌia, suᵽabaatirã wejeᵽema Tuᵽarãre ᵽoꞌijiamaka ñiaraᵽe.

Ap 22:3

Tuᵽarãre ĩariᵽeꞌyoika imabeyurõꞌõ simamaka, “Baꞌiaja simarũ”, kẽrĩrũkimato simarãñu. Tuᵽarãrika, suᵽabaatirã Oveja weiwaꞌyua uᵽaka imaki ruᵽarikũmua imarãka torã. Suᵽa simamaka ritaja torã imarãñurã Tuᵽarãre yaᵽaika uᵽaka oyiaja baabaraka, kire najiyiᵽuᵽayeerijarirãñu.

Ap 7:17

Iꞌsuᵽaka nimaerã Tuᵽarã ruᵽarikũmuwãjitãji imaki imarĩ, jia oveja tuerimaji uᵽaka Oveja weiwaꞌyua uᵽaka imakire nare ĩarĩrĩrãñu. Suᵽabaatirã õñio okoa imarõꞌõrã nare sasĩarĩ kiruᵽutawaꞌrirãñu. Suᵽa imarĩ, “Aᵽekurioka baꞌiaja jũarũkimarĩrã, ate orirũkimarĩrã nimarãñu”, jiitaka Tuᵽarãre nare baarãñu,==ãrĩwaꞌri yire kibojaraᵽe.