Ap 21:2 - Porciones del Nuevo Testamento en el idioma Letuama

² Suᵽa imarĩ mamaka Jerusalén jía ᵽuᵽajoarika imarõꞌõ Tuᵽarã ᵽõꞌiᵽi ruiraꞌatirã ñaꞌrĩᵽañamaka ñiaraᵽe. Rõmo ᵽitañiꞌabuꞌaerã baaeka kotĩmire kore ĩajiyuokoroꞌsi saya jía jiyurika jããweitirã koima uᵽaka jiyurika imarõꞌõ simaraᵽe.

Ap 21:2 Iomraidhean Croise

2 Co 11:2

Jesucristore takaja mija ãꞌmitiriᵽẽarijaririka yiyaᵽayu. Mia: Ĩꞌrãko rõmo aᵽikaka baakoribeyuko kotĩmi imarukikaka takaja koᵽuᵽajoayu. Koima uᵽakajaoka Cristore oyiaja ãꞌmitiriᵽẽairã mija ime. Yiꞌi imaki suᵽa mija imaerã mamarĩ mijare wãrõũꞌmuraᵽaki. Suᵽa imarĩ Tuᵽarãre ᵽuᵽajoaika uᵽakajaoka mijare yiᵽuᵽajoayu. “Jesúre naꞌmitiriᵽẽarijaꞌataꞌsi”, ãrĩwaꞌri suᵽa yibaarijayu.

Ap 1:1

Ika ᵽaᵽerareka oꞌoeka ikuᵽarõꞌõᵽiji imarũkiakaka bojaika. Kiyaᵽaika uᵽaka baarijayurãre sõñaokoroꞌsi Kimaki Jesucristore sakijaꞌataeka Tuᵽarã, nare sakibojaokoroꞌsi. Suᵽa imarĩ ángelre yiᵽõꞌirã kiᵽũataeka yire sakiõrĩrũjewãrũokoroꞌsi. Juan, kiyaᵽaika uᵽaka baaiki ñime.

Ap 1:4

Mae, ĩꞌᵽotẽñarirakaweje Asia kaꞌiareka Jesúre yiꞌririjaᵽaraka imarãroꞌsi ika yoꞌoyu yiꞌi, Juan. Suᵽa imarĩ Tuᵽarã, Jesucristo, Esᵽíritu Santoka maekarakamarã jia mijare najeyobaarũ, jia naka mija imaerã. Bikija imaraꞌaekaki imakoꞌomakaja maekakaoka imarijayuka Tuᵽarã. Ñamajĩoka imajiᵽarãki kime. Tuᵽarãre jãꞌmeruᵽa wãjitãji imarã ĩꞌᵽotẽñarirakamarã. Esᵽíritu Santo ritaja õrĩᵽataiki, ritaja baaiki kime ãrĩrikoᵽakaja kiwãjitãji nimarijayu. Suᵽabaatirã Jesucristo kime Kiᵽakire ãñu uᵽakaja bojarimaji. Suᵽa imarĩ, reyakoꞌomakaja õñia kijariᵽeꞌrika ate. Iꞌsuᵽaka kibaaũꞌmuekaᵽi ãrĩwaꞌri reyakoꞌomakaja rĩkimarãja sabeꞌerõꞌõ õñia jariᵽeꞌrirãñurã ate. Suᵽa imarĩ ritatojo weje ĩᵽamarãre jãꞌmeiki kime. Iꞌsuᵽakajaoka mare wãtawaꞌri maroꞌsi riwejurubaraka kireyaekaᵽi baꞌiaja mabaaika kiwaᵽakoyika.

Ap 1:9

Yiꞌi Juan, mija jeyomaki, Jesucristore yiꞌyuka ñime. Mija uᵽakaja Tuᵽarãre yire jãꞌmeokoroꞌsi ñime. Suᵽa imarĩ, mija uᵽakajaoka ᵽoꞌimajare yire baꞌiaja jũarũjerijayu, Maĩᵽamakirirã uᵽatiji iꞌsuᵽaka oyiaja jũarũkirã maima simamaka. Baꞌiaja jũakoꞌomakaja Jesucristore ãꞌmitiriᵽẽaiki imarĩ, sayirakajeᵽããyu. Suᵽa imarĩ Ᵽatmos wãmeirõꞌõ jũmurikarã yire nataaraᵽe Tuᵽarãrika bojariroka yibojari ᵽareaja wẽkomaka ñimaokoroꞌsi.

Ap 11:2

Yiwiꞌiᵽẽte ĩꞌrãkõꞌrĩmato ᵽuri mijẽrãbaaꞌsi, yire yiꞌribeyurãre imarũkirõꞌõ simarũ ãrĩwaꞌri nare ñijikarõꞌõ simamaka. Ĩꞌrã imarã maekarakakuri wejejẽꞌrãka aᵽejẽꞌrã ñeꞌmetãjirã Jerusalénwejeakarãre baꞌiaja baataᵽarijarirãñurã.

Ap 21:9

Ĩꞌᵽotẽñarirakamarãkaki baꞌiaja ᵽoꞌimajare jũarũkia seroarã rikaeka mirãki. Iki mae, ikuᵽaka yire ãrãᵽaki: —Dajoa, Oveja weiwaꞌyua uᵽaka imaki rũmuroꞌsi imarũkikore mire yibeaerã,==kẽrãᵽaka beꞌrõ, Esᵽíritu Santore yire jeyobaamaka ikuᵽaka yire kibearaᵽe: Ᵽusia joꞌbaka ñoaka ruᵽututuarã yire keꞌewaꞌraᵽe. Torã kika yeyaraᵽaka ᵽoto baꞌiaja baarũkimato, mamaka Jerusalénwejea Tuᵽarã ᵽõꞌiᵽi ruiraꞌatirã ñaꞌrĩᵽañaraᵽaka yire kibearaᵽe.

Ap 22:17

Esᵽíritu Santo, suᵽabaatirã Oveja weiwaꞌyua uᵽaka imaki jeyomakoka ĩꞌrĩka uᵽakaja najaiyu. —Mija iꞌtabe, Cristore yiꞌyurã mija jayaokoroꞌsi,==ᵽoꞌimajare nañu. Iꞌsuᵽakajaoka aᵽerãre narĩrũ sãꞌmitiyurã. —Õñio okoa ukurika mijare jitorãka, waᵽamarĩaja sukurĩ mija iꞌtabe,==nañu.

Ap 22:19

Suᵽabaatirã ika ñañua ᵽakibaraka ĩꞌrãribaꞌi eꞌetairã, õñio yaᵽurika baꞌarũkimarĩrã nimarãñu. Suᵽabaatirã, wejea mamaka Tuᵽarãre ᵽoꞌijiarãñurõꞌõrã eyarũkimarĩrã nime. Iᵽũñurã ñañu uᵽakaja sime õñio yaᵽurika kaka, suᵽabaatirã Tuᵽarã wejea mamaka kaka.

Ap 3:12

Yire ãꞌmitiriᵽẽarijaꞌatabesarãñurãre ᵽuri, Yiᵽaki ᵽõꞌirã yeyarũjerãñu. Suᵽa imarĩ Yiᵽaki Tuᵽarãre jiyiᵽuᵽaka õrĩriwiꞌiarã bota ima uᵽaka torã imajiᵽarũkirãroꞌsi nimarãñu, toᵽi ᵽorirũkimarĩrã. Suᵽa nimamaka, maekarakawãme nare yiwãmejĩꞌarãñu. Yiᵽaki Tuᵽarã wãmea, mamaka Jerusalén, ĩmiᵽi ruietarãka wãmea, suᵽabaatirã mamaka yiwãmea.