Ap 20:8 - Porciones del Nuevo Testamento en el idioma Letuama

^8-9 Toᵽi ᵽoritirã Gog wãmeirãre, suᵽabaatirã Magog wãmeirãre ᵽakibaraka kiyaᵽaika uᵽakaja baarũjebaraka kimarãñu ate. Gog, suᵽabaatirã Magog koᵽakaja ritatojo wejeareka Tuᵽarãre yaᵽabeyutatarã nimarãñu. Iꞌsuᵽaka nare kibaarãka imarĩ ritaja kaꞌiaᵽi narẽrĩrãñu, Tuᵽarãka ᵽitãꞌmua koꞌaᵽiꞌyaokoroꞌsi. Rĩkimarã tẽrĩrika nimarãñu ritaja tatarã ᵽoꞌimaja. Suᵽa imarĩ, Tuᵽarãre wãtaka õñurã imaweje namomaka ĩmiᵽi jũꞌrẽika Tuᵽarãre ñaꞌatarãñu kimajamarãre, nimauᵽatiji noriyaokoroꞌsi.

Ap 20:8 Iomraidhean Croise

Ap 12:9

Kajuyaiᵽakiaka uᵽaka ĩokire kirirãᵽitiyika Tuᵽarãre ᵽoataraᵽe ika kaꞌiarã takaja nimaokoroꞌsi. Tuᵽarãre ᵽoataraᵽakiji kime Satanás wãmeiki. Ikijioka kime bikija ãñakarã ñaꞌrĩjãikaki. Suᵽabaatirã ritatojo wejeareka imarãre ᵽakirimaji imarĩ Diablo wãmeika kime baꞌiaja jaitaꞌarimaji imarĩ.

Ap 16:14

Ĩꞌrã maekarakamarã ĩᵽaruka uᵽaka ĩoirã imaraᵽarã Satanárika ima maikoribeyua bearimaja. Suᵽa simamaka ritatojo wejeareka imarã ĩᵽarimarãre, nasurararãkaᵽitiyika ĩꞌrĩka jariwaꞌririmarĩa narẽrĩrũjeraᵽe. Tuᵽarã, ritaja ima tẽrĩwaꞌribaji imaki, ᵽiyia baꞌiaja ᵽoꞌimajare baaika waᵽa kijẽñerãrĩmi seyarãka ᵽoto ᵽitãꞌmua ᵽoꞌijiaokoroꞌsi torã naꞌraᵽe.

Ap 20:10

Suᵽabaatirã Satanás, ᵽoꞌimajare ᵽakirimajire, kitaarãñu ᵽeka azufreᵽi jũꞌrẽiritarã. Iꞌsia ruᵽubaji sarãjaoka werikaᵽakiakire, suᵽabaatirã, “Tuᵽarãre bojaĩjirimaji ñime”, ãrĩᵽakiroyikakire kitaaeka. Iꞌsuᵽaka nare kibaamaka ĩmiareka, ñamiareka baꞌiaja jũarĩji torã nimarãñu.

Ap 7:1

Torãjĩrã ate botarakamarã ángelrãkare ñiaraᵽe. Ĩꞌrĩka jãꞌãtiᵽẽꞌrõtoᵽi, aᵽika wayeruᵽitikaᵽi, aᵽika wejerĩrĩkaᵽi. Suᵽabaatirã aᵽika aᵽeᵽẽꞌrõto wejerĩrĩkaᵽi narĩkataraᵽe. Narĩkamayu rõꞌõᵽi riaboꞌirã, yaᵽuboꞌirã, kaꞌiarã wĩrõa baeika nabaetiyirũjeraᵽe.