Ap 20:2 - Porciones del Nuevo Testamento en el idioma Letuama

^2-3 Ruietatirã kajuyaiᵽakiaka uᵽaka ĩoikire kiñiꞌaraᵽe. Ikiji kime Satanás, bikija ãñaka uᵽaka ĩoiki ᵽoꞌijiritirã ᵽakiroyirekaki. Kire ñiꞌatirã ᵽerumijiaᵽi ángelre kire ᵽiꞌᵽeraᵽe, ñoaka mil rakakuri wejejẽꞌrã rõꞌõjĩrã koᵽea tiyibeyurõꞌõrã kimaokoroꞌsi. Suᵽabaatirã sarã kire kitãteraᵽe ñoaka ᵽoꞌimajare ᵽakibekaja kimaokoroꞌsi. Iꞌsia beꞌrõ ᵽuri matikuriji kimaerã kire kijaꞌataerã baaraᵽe.

Ap 20:2 Iomraidhean Croise

Mr 4:15

Imarã ĩꞌrãrimarã ᵽoꞌimaja maꞌarã õterikiyaᵽea ñaꞌrĩka uᵽaka imarã. Iꞌsuᵽaka nimamaka Tuᵽarãrika naꞌmitirikoᵽeika beꞌerõꞌõ Satanáre nareka sayeꞌkariayu, kũᵽajĩ norĩkoᵽeika.

Mr 5:7

Suᵽa imarĩ, ikuᵽaka Jesúre kire ãrĩka: —Miaꞌmitiᵽe Satanárika ima. Ĩꞌĩ ᵽuᵽakareka mimarõꞌõᵽi miᵽoᵽe,==kire kẽrĩka. Iꞌsuᵽaka kẽᵽakãꞌã, —Jesús, Tuᵽarã tẽrĩritaki imatiyaiki Maki mime. ¿Marãkãꞌã yire baaerã mibaayu mae jeꞌe? Tuᵽarãre ĩaika wãjitãji, “ ‘Baꞌiaja mibaaika ᵽareaja baꞌiaja mire baabesarãki yiꞌi’, yire meᵽe”,==akasererikaᵽi Satanárika ima ñaꞌrĩjãikakire ãrĩka Jesúre.

Ap 12:13

“Maboꞌikakurirã ñimakoᵽeikareka koᵽakaja Tuᵽarãre yire ᵽoatayu”, ãrĩwaꞌri makarããraᵽako mirãkore sarĩrãᵽe kajuyaiᵽakiaka uᵽaka ĩoka.

Ap 12:15

Koruꞌᵽakãꞌã ĩatirã, kore jããrika kiriꞌkakoᵽeraᵽe. Suᵽa imarĩ kirijokoᵽeaᵽi rĩkimakaja okoa kiᵽoataraᵽe kore ñaꞌmetariyaᵽakoᵽewaꞌri.

Ap 12:17

Sĩatirã, jimarĩ rõmore kiboebaraᵽe. Suᵽa imarĩ kore jããwãrũberiwaꞌri koriᵽarãmerãka jĩrĩrĩ keꞌraᵽe. Ĩꞌrã imaraᵽarã, Tuᵽarãre jãꞌmeika yiꞌyurã, suᵽabaatirã ritaja Jesucristore nare bojaekakaka jaꞌatabeyurã.

Ap 12:3

Beꞌerõꞌõjĩte ate ñiaraᵽe: Kowãꞌtarã kajuyaiᵽakiaka uᵽaka ĩoka jũꞌaᵽakiaka, ĩꞌᵽotẽñarirakao buꞌya ĩᵽarimarãrikakaka tuaeka ruᵽukoꞌaika simaraᵽe. Suᵽabaatirãoka ĩꞌᵽaᵽitarakabi sawaka imaraᵽaka.

Ap 12:4

Ñeꞌmetãji rokajĩrã tãꞌᵽia kiᵽañaꞌruiraᵽe kiᵽĩkoaᵽi. Suᵽabaatirã rõmo wãꞌtarã keyarĩkaraᵽe, komakarãka ᵽoꞌijiᵽakãꞌã baꞌaokoroꞌsi.

Ap 12:9

Kajuyaiᵽakiaka uᵽaka ĩokire kirirãᵽitiyika Tuᵽarãre ᵽoataraᵽe ika kaꞌiarã takaja nimaokoroꞌsi. Tuᵽarãre ᵽoataraᵽakiji kime Satanás wãmeiki. Ikijioka kime bikija ãñakarã ñaꞌrĩjãikaki. Suᵽabaatirã ritatojo wejeareka imarãre ᵽakirimaji imarĩ Diablo wãmeika kime baꞌiaja jaitaꞌarimaji imarĩ.

Ap 13:4

Suᵽabaatirã, kajuyaiᵽakiaka uᵽaka ĩoikire jiyiᵽuᵽayeebaraka ᵽoꞌimajare imaraᵽe, werikaᵽakiakire kijãꞌmerũkia kijaꞌatamaka. Werikaᵽakiakire jiyiᵽuᵽayeebaraka ikuᵽaka narãᵽe: —Maki aᵽika ĩꞌĩ rõꞌõjĩrã imaki imabeyuka, suᵽa imarĩ ᵽitãꞌmuareka marã kire tẽrĩwãrũberijĩrã,==narãᵽe.

Ap 20:10

Suᵽabaatirã Satanás, ᵽoꞌimajare ᵽakirimajire, kitaarãñu ᵽeka azufreᵽi jũꞌrẽiritarã. Iꞌsia ruᵽubaji sarãjaoka werikaᵽakiakire, suᵽabaatirã, “Tuᵽarãre bojaĩjirimaji ñime”, ãrĩᵽakiroyikakire kitaaeka. Iꞌsuᵽaka nare kibaamaka ĩmiareka, ñamiareka baꞌiaja jũarĩji torã nimarãñu.

Ap 20:7

Mil rakakuri wejejẽꞌrãka oꞌrirãka beꞌerõꞌõ jaꞌatarũkika kime Satanás.

Ap 9:11

Suᵽabaatirã niᵽamaki ángel mirãki, koᵽea tiyibeyua ĩᵽamaki kimaraᵽe. Hebreo okaᵽi Abadón, griego okaᵽi ᵽuri Aᵽolión wãmeiki kimaraᵽe. Riatarimaji ãrĩrika simaraᵽe kiwãmea.