Ap 2:3 - Porciones del Nuevo Testamento en el idioma Letuama

³ Aᵽerãre baꞌiaja mijare baakoꞌomakaja yire ãꞌmitiriᵽẽarijaꞌatabeyurã mija. Kaꞌwisika imaoka wayuᵽiꞌᵽekaja sarakajeᵽããrijayurã imarĩ, yire mija yiꞌyua jaꞌatabeyurã mija ime.

Ap 2:3 Iomraidhean Croise

Mr 15:21

Kire neꞌewaꞌrika ᵽoto Simón, Cirenewejeakakire naᵽõꞌirã etaeka. Alejandro, Rufo ĩꞌᵽarã ᵽaki kimaeka. Jerusalénwejearã eyatirã Jesús wãꞌtaᵽi Simónre oꞌriwaꞌrirã baaeka ᵽoto Jesúre naᵽatakĩarũkia yaᵽua tetaeka surararãkare kire kõkerũjeka.

1 Co 13:7

Wayuĩariᵽuᵽakirã imarĩ, aᵽerãre baꞌiaja mare baakoꞌomakaja nareka majaibeyu. Jia nare ᵽuᵽajoawaꞌri, “Ñamajĩ õrĩᵽũarũkirã nime jeꞌe ruᵽu”, marĩᵽuᵽajoayu. Baꞌiaja mare nabaaika rakajeᵽããbaraka aᵽerãre wayuĩarijaꞌatarika imabeyua.

1 Co 16:16

Iꞌsuᵽaka simamaka jiaᵽi nare mija yiꞌririjaririka yiyaᵽayu. Naka Tuᵽarãrika baꞌiraberimajaka jia mija imarika yiyaᵽayu.

2 Co 10:15

Suᵽabaatirãoka ĩꞌrãrimarãre jaikoᵽeika uᵽakamarĩa yija jaiyu. Aᵽerãre nare wãrõmaka Jesucristore ᵽoꞌimajare yiꞌyua ĩatirã, “Nare yija wãrõmaka iꞌsuᵽaka nime”, ãrĩᵽakirijaribeyurã yija. Ikuᵽaka yija yaᵽayu: Jia Jesucristore yiꞌyurã mija jarirãka rĩkimabaji ᵽoꞌimajare Jesúrika bojariroka yija bojarãñu.

2 Co 11:23

Suᵽabaatirãoka, “Jia Jesúroꞌsi baꞌirabeĩjirã yija ime”, nañu. (Iꞌsuᵽakaja õrĩᵽũabeyuka uᵽaka yijairijayu yiꞌioka.) Nare ᵽemawaꞌribaji Jesúroꞌsi baꞌirabeĩjirimaji ñime. Mija ĩabe. “Cristoroꞌsi yija baꞌirabeĩjiyu”, waᵽuju nañua simakoꞌomakaja yiꞌi ᵽuri jimarĩ kiroꞌsi baꞌirabeĩjirijayuka. Suᵽabaatirã nare ᵽemawaꞌribaji wẽkomaka imariwiꞌiarã ᵽoꞌimajare yire taarijayu, Tuᵽarãrika yiwãrõriᵽareaja. Iꞌsuᵽakajaoka nare tẽrĩwaꞌribaji yire naᵽajeroyiraᵽe. Suᵽabaatirã ĩꞌrãkurimarĩa yire jããrika nariꞌkakoᵽeraᵽe.

2 Co 4:1

Yijare wayuĩawaꞌri, yijare wãꞌmatirã kimajaroka mamakukukaka ᵽoꞌimajare wãrõrimaja Tuᵽarãre yijare imarũjeka. Imakoꞌomakaja, baꞌiaja aᵽerikuri yijaroꞌsi simarijayua imakoꞌomakaja, sayija wãrõrijaꞌatabeyu.

2 Co 4:16

Iꞌsuᵽaka simamaka baꞌiaja ᵽuᵽaᵽekaja Jesúrika bojariroka jaꞌatarimarĩaja yija wãrõrijayu. Yija ᵽoꞌia baꞌiaja jũabaraka rũetaka sajaririjarikoꞌomakaja ĩꞌrãrĩmi uᵽakaja yija ᵽuᵽaka okajãjia imaokoroꞌsi Tuᵽarãre yijare jeyobaarijayu.

2 Co 5:9

Suᵽa ᵽuᵽajoakoꞌomakaja ika kaꞌiareka õñia maimatiyikuriji jĩjimaka kĩajiyuika mabaarijayu. Õꞌõrã maima ᵽoto mabaarijayu uᵽakajaoka mareyarãka beꞌerõꞌõᵽi maimarãñurõꞌõrã mabaarãñu.

2 Co 6:5

Yijare naᵽajerijayua, wẽkomaka imariwiꞌiarãoka ĩꞌrãkurimarĩa yijare nataatikoᵽeyu. Aᵽerikuri boebarã oyiaja rẽrĩtirã, okajãjiaᵽi, “Nare majããerã”, ãrĩka nakasererijayu. Suᵽabaatirã rĩkimakaja baꞌiraberika yijaroꞌsi imamaka, jimarĩa yija rũrĩrijayu aᵽerikuri. Iꞌsuᵽakajaoka ñamiareka kãᵽekaja yija imarijayu, aᵽerikuri baꞌarika imabeyu ᵽoto yija kẽsirabarijayu.

Filipenses 4:3

Suᵽa imarĩ tokaki, jia yire jeyobaaraᵽakire ñañu, jia Evodia, Síntiqueᵽitiyika ĩꞌᵽakorãre mijeyobaabe natiyiaja oka najieokoroꞌsi. Torã Cristorika bojariroka bojabaraka ñimaraᵽaka ᵽoto ĩꞌᵽakorã wãtaja jia yire jeyobaaraᵽarã nimamaka. Yika nimaraᵽaka ᵽoto imaraᵽakioka Clemente, suᵽabaatirã rĩkimarã aᵽerã yire jeyobaarimaja. Yire jeyobaaraᵽarã ᵽuri, Tuᵽarãka õñia imajiᵽarũkirã imarĩ kiᵽaᵽerarã nawãmea oꞌatatikarã nime.

1 Ts 2:9

Mija ãꞌmitiᵽe yijeyomarã. Mija ᵽõꞌirã yija imaraᵽaka ᵽoto jãjia yija baꞌiraberaᵽaka mija õñu. Yija baꞌiraberiwatoᵽekarekaja waᵽamarĩaja Tuᵽarãrika bojariroka mijare yija wãrõraᵽe, ñami, ĩmi ᵽariji baꞌirĩjia yija yaᵽaraᵽaka mijare jẽñekoreka.

1 Ts 5:12

Mija ãꞌmitiᵽe yijeyomarã. Torã imaruᵽutarimajare mija yiꞌᵽe. “Jesucristore yaᵽaika uᵽaka mabaarijariyeꞌe”, ãrĩwaꞌri mijare nokajããrijayu uᵽaka. Jia mijare nimaruᵽutaika simamaka jiyiᵽuᵽaka nare mija õrĩrika yiyaᵽayu. Nare mija wayuĩarijaᵽe. Suᵽabaatirã ritaja ᵽoꞌimajaka jia mija imabe.

2 Ts 3:13

Mae mija ãꞌmitiᵽe yijeyomarã. Jia mija baarijayua mija rũrĩaꞌsi.

2 Ts 3:5

“Baꞌiaja mijũaeka ᵽoto mirakajeᵽããeka uᵽakaja sanarakajeᵽããwãrũokaroꞌsi, suᵽabaatirã Tuᵽarãte nare wayuĩaika norĩwãrũrũ, nare mijeyobaabe”, ãrĩwaꞌri maĩᵽamaki Jesúre mijaroꞌsi yija jẽñeĩjirijayu.

2 Ts 3:8

Suᵽabaatirã waᵽamarĩaja baꞌarika yija baꞌaberaᵽe. Baꞌarika mijare jẽñekoreka, ĩmiareka, ñamiarekaoka, yija baꞌiraberoyiraᵽe.

Ap 1:9

Yiꞌi Juan, mija jeyomaki, Jesucristore yiꞌyuka ñime. Mija uᵽakaja Tuᵽarãre yire jãꞌmeokoroꞌsi ñime. Suᵽa imarĩ, mija uᵽakajaoka ᵽoꞌimajare yire baꞌiaja jũarũjerijayu, Maĩᵽamakirirã uᵽatiji iꞌsuᵽaka oyiaja jũarũkirã maima simamaka. Baꞌiaja jũakoꞌomakaja Jesucristore ãꞌmitiriᵽẽaiki imarĩ, sayirakajeᵽããyu. Suᵽa imarĩ Ᵽatmos wãmeirõꞌõ jũmurikarã yire nataaraᵽe Tuᵽarãrika bojariroka yibojari ᵽareaja wẽkomaka ñimaokoroꞌsi.

Ap 3:10

‘Aᵽerãre baꞌiaja mijare baakoꞌomakaja, yire ãꞌmitiriᵽẽabaraka mija imabe’, mijare ñarãᵽaka uᵽakaja yiꞌyurã mija ime. Suᵽa imarĩ ritaja ᵽoꞌimajare baꞌiaja jũarijẽꞌrãka seyarãka ᵽoto mijare ĩarĩᵽaraka ñimarijarirãñu. Iꞌtojĩte ritatojo wejeareka imarãre ĩatirã ‘Ĩrã imarã baꞌiaja jũawaꞌri ᵽuᵽaᵽeꞌritirã yire ãꞌmitiriᵽẽairã, aᵽerã ᵽuri jẽnoꞌobaji jayurã’, ñarĩwãrũrãñu.