Ap 2:22 - Porciones del Nuevo Testamento en el idioma Letuama

²² Mia, suᵽa koima imarĩ, ‘Jãjia wãmarĩa jaritirã, kokãrĩᵽeyurũkiareka baꞌiaja kojũaᵽeyurãñu’. Suᵽabaatirã koka wãꞌimarĩrijayurã nimauᵽatire iꞌsuᵽakajaoka yibaarãñu baꞌiaja nabaaika jaꞌatabekaja nimarãkareka.

Ap 2:22 Iomraidhean Croise

2 Co 12:21

Ate mija ᵽõꞌirã yeyarãka ᵽoto baꞌiaja baabaraka mija ima ñiaeyarãkareka, “Nare yiwãrõraᵽaka uᵽaka yiꞌribeyurã nime”, ãrĩwaꞌri Tuᵽarã wãjitãji yiꞌyoᵽiꞌrirãñu. Suᵽabaatirã, “Bikija rĩkimarãja baꞌiaja nabaaeka sajaꞌatabekaja dajaka nabaarijayu jeꞌe aᵽeyari. Suᵽabaatirã baꞌiaja rõmijãre nabaariwãꞌimarĩrijayu. Naᵽuᵽajoarijayu uᵽakaja wããrõꞌõ baꞌiaja nabaarijayu ruᵽu”, ãrĩwaꞌri ñiaeyarãka, baꞌitakaja yiᵽuᵽarirãñu.

Ap 17:2

Iꞌsia wejeareka imarãre baꞌiaja baaruᵽutamaka, ritatojo wejeareka imarã ĩᵽarimarãre baꞌiaja naka baaraᵽe. Ĩmirĩjaka wãꞌimarĩrirõmore baꞌiaja nare baaruᵽutaeka imarĩ, ikuᵽaka nimaraᵽe iꞌsia wejeakarã: Waᵽuju ima jiyiᵽuᵽaka õñurã imarĩ, ritatojo wejeareka imarãre jiyiᵽuᵽaka sanoñaokoroꞌsi maerumajaka uᵽaka nare nimarũjeraᵽe,==ángelre yire ãrãᵽe.

Ap 18:3

Mia, baꞌiaja baarirõmo uᵽaka nimaraᵽe Babiloniawejeakarã. Kore ãꞌmitiriᵽẽawaꞌri, ritatojo wejeakarãre dajaka baaraᵽe. Suᵽabaatirã niᵽamarãoka dajaka koka baaraᵽarã. Iꞌsuᵽakajaoka baꞌirĩjia waᵽajãꞌrĩakakatakaja yaᵽatiyawaꞌri, aꞌᵽerõꞌõkarãreka sanawaruaraᵽe. Suᵽa imarĩ ritatojo wejeareka waruamarã rĩkimaka niñerũ tõᵽoirã jaraᵽarã,==ángelre ãrãᵽe.

Ap 18:9

Iꞌsia wejea ooriᵽakãꞌã ĩatirã, jimarĩ aᵽea kaꞌiakarã ĩᵽarimarãre baꞌiaja ᵽuᵽarirãñu, “Nimamaka dako jariwaꞌririmarĩa yija yaᵽaika uᵽakaja naka yija baakoᵽeroyiraᵽe”, ãrĩwaꞌri. Iꞌsuᵽaka ĩᵽarimarãre ãrĩrãñu Babiloniakarãka baꞌiaja baajeyoarika mirãrã imarĩ.

Ap 2:5

Suᵽa imarĩ, yire ãꞌmitiriᵽẽawaꞌri jia yire mija yiꞌriũꞌmuraᵽaka ᵽuᵽajoatirã, ‘Jia mika yija imaraᵽaka uᵽakamarĩa yija baayu baꞌitaka sime’, ãñurã mija jaᵽe. Suᵽa imarĩ mamarĩ yika jia imatiyawaꞌri jia mija baaraᵽaka uᵽakaja mija baabe ate. Iꞌsuᵽaka mija baabesarãka noꞌojĩrãmarĩaja mija ᵽeritẽrĩa yaaboabaraka imakoᵽeika mijareka ẽꞌmarĩ yetarãñu. Iꞌsuᵽaka yibaarãkareka yire jiyiᵽuᵽayeerimajare rẽrĩbesarãñu ate torã.