Ap 2:19 - Porciones del Nuevo Testamento en el idioma Letuama

¹⁹ Ritaja mija baaika õrĩᵽataiki ñime. Suᵽa imarĩ ‘Ᵽoꞌimajare wayuĩarimaja, suᵽabaatirã yire ãꞌmitiriᵽẽairã nime’, mijareka ñarĩrijayu. Iꞌsuᵽakajaoka ritaja aᵽerãre mija jeyobaaika õrĩᵽataiki ñime. Yire ãꞌmitiriᵽẽairã mija imamaka, baꞌiaja aᵽerãre mijare baarijayu. Iꞌsuᵽaka mijare nabaakoꞌomakaja yire mija ãꞌmitiriᵽẽaika jaꞌatabeyurã mija ime. ‘Mamarĩ yire nayiꞌriũꞌmuraᵽaka ᵽemawaꞌribaji jia baairã nime’, mijareka ñañu.

Ap 2:19 Iomraidhean Croise

1 Ts 3:6

Mija ᵽõꞌirã turaᵽaki Timoteore õꞌõrã ᵽeꞌrietayu mae. Suᵽa imarĩ mijamajaroka yijare kibojayu. Ikuᵽaka kẽñu: “Jesucristore jia yiꞌririjayurã nime. Wayuĩabuꞌairã oka. ‘Jia mijare yija ᵽuᵽajoarijayu’. Suᵽabaatirãoka ‘Yijare mija ĩariyaᵽarijayu uᵽakajaoka mijare ĩarika yija yaᵽakoᵽeroyi’, nañu”, ãrĩwaꞌri kibojaetayu.

2 Ts 1:3

Maĩᵽamaki Jesucristore, kiᵽaki Tuᵽarã ᵽitiyika nare yiꞌriwaꞌri, mija wayuĩabuꞌaika simamaka, iꞌsirokaja mija rikatuyua imarĩ, “Jia yijare mibaayu”, Tuᵽarã yija ãrĩrijayu.

Ap 2:13

Ritaja mija imarijayua ñiaika simamaka, Satanáre jãꞌmeirõꞌõrã mija imaoka ñorĩᵽatayu. Torã imakoꞌomakaja yire yiꞌriwaꞌri Satanáre ãꞌmitiriᵽẽabeyurã mija ime. Mia, torã jia yire yiꞌriwaꞌri Antiᵽas wãmeikire yirika bojariroka bojajaꞌatabeyuka kimamaka, kire najããeka. Iꞌsuᵽaka tokarãre kire baakoꞌomakaja yire mija yiꞌyua jaꞌatabeyurã mija.

Ap 2:9

Mia. Baꞌiaja mijare nabaamaka, jiamarĩa mija jũarijayua ñoñu. Suᵽabaatirã wayuoka baairã mija imaoka ñorĩᵽataika sime. Iꞌsuᵽaka mija imakoꞌomakaja Tuᵽarãre mijare sajaꞌataekaᵽi ãrĩwaꞌri, imatiyaika rikairã mija ime. Iꞌsuᵽakajaoka ‘Judíorãka imarĩ, Tuᵽarãrirãtakaja yija ime’, ãrĩwaꞌri, ‘Baꞌiaja baarimaja nime’, ãrĩwaꞌri mijareka kẽꞌrãjairimajareoka ñoñu. Iꞌsuᵽaka nabaayu Tuᵽarãre yiꞌriberiwaꞌri Satanáre yaᵽaika uᵽaka baarijayurã imarĩ.