Ap 2:11 - Porciones del Nuevo Testamento en el idioma Letuama

¹¹ Mija ãꞌmitiᵽe ritaja wejeareka yire yiꞌᵽaraka imarijayurã. Jia samija õrĩᵽũariyaᵽayeꞌe, Esᵽíritu Santore yire jeyobaaikaᵽi yibojaika jia mija ãꞌmitiᵽe. Baꞌiaja jũakoꞌomakaja yire ãꞌmitiriᵽẽabaraka imarijayurã ᵽuri, baꞌiaja jũarika tiyibeyurõꞌõrã yiᵽũatarãñurãka aꞌrirũkimarĩrã nime”, ãrĩwaꞌri mioꞌobe,==yire ᵽemakotowiraᵽakire mijare bojayu.

Ap 2:11 Iomraidhean Croise

Mr 4:9

—Iꞌtojĩrãja sime sakaka majaroka. Samija ãꞌmitiriwãrũyeꞌe jia samija ᵽuᵽajoabe,==nare kẽrĩka.

Ap 13:9

Tuᵽarãre bojaika mija õrĩwaᵽuꞌatariyaᵽayeꞌe jia samija ãꞌmitiᵽe:

Ap 2:17

Mija ãꞌmitiᵽe ritaja wejeareka yire yiꞌᵽaraka imarijayurã. Jia samija õrĩᵽũariyaᵽayeꞌe, Esᵽíritu Santore yire jeyobaaikaᵽi yibojaika jia mija ãꞌmitiᵽe. Baꞌiaja nabaaika jaꞌataekarãre ᵽuri baꞌarika maikoribeyua maná wãmeika yijiꞌarãñu. Suᵽabaatirã ãta boia mamaka wãmea sarã oꞌoeka ima nare ñijirãñu, soꞌoeka marãoka ĩawãrũbeyua simarãñu. Imakoꞌomakaja seꞌetorirãki ĩꞌrĩkaja sĩawãrũrãki”, ãrĩwaꞌri mioꞌobe,==makãrãrũñuroka uᵽakaᵽi yire ᵽemakotowiraᵽakire ãrãᵽe.

Ap 2:7

Mija ãꞌmitiᵽe ritaja wejeareka yire yiꞌᵽaraka imarã. Jia samija õrĩᵽũariyaᵽayeꞌe, Esᵽíritu Santore yire jeyobaaikaᵽi yibojaika jia mija ãꞌmitiᵽe. Baꞌiaja nabaakoᵽeka najaꞌatayu Satanáre ĩꞌrãᵽẽꞌrõtorãja baairã. Iꞌsuᵽaka baarãñurãre Tuᵽarã rioarã ima õñioyaᵽurika yijiꞌarãñu”, ãrĩwaꞌri mioꞌobe,==yire kẽrãᵽe makãrãrũñuroka uᵽakaᵽi yire ᵽemakotowiraᵽaki.

Ap 20:14

Iꞌsia beꞌrõ ᵽuri reyarika, reyaeka mirãrãre imaeka mirãrõꞌõ eꞌetirã, azufreᵽi jũꞌrẽiritarã Tuᵽarãre sataaraᵽe. Azufreᵽi jũꞌrẽirita sime reyaᵽeꞌarika wãmeika. Suᵽabaatirã ᵽaᵽera, “Ikarakamarã nime yika imajiᵽarũkirã”, ãñu ᵽũñurã nawãmea oꞌojĩꞌaberikarãre ᵽuri nare ĩatirã azufreᵽi jũꞌrẽiritarã kitaaraᵽe.

Ap 20:6

Suᵽa imarĩ wãmua natataꞌruikarãre mamarĩji õñia Tuᵽarãre jariᵽeꞌrirũjemaka jĩjimaka nimarãñu. Kire ãꞌmitiriᵽẽairã imarĩ, aᵽekurioka nareyabesarãñu. Suᵽa imarĩ Tuᵽarãre yaᵽaika kurarãkare baaika uᵽaka baarimaja nimarãñu. Iꞌsuᵽakajaoka nabaarãñu Cristoroꞌsi. Suᵽa imarĩ, mil rakakuri wejejẽꞌrãka kika najãꞌmerãñu.

Ap 21:7

Iꞌsuᵽakajaoka yibaarãñu yire ãꞌmitiriᵽẽarijaꞌatabesarãñurãre. Yire takaja jiyiᵽuᵽaka õrĩrãñurã ᵽuri, yimakarã uᵽakaja yikaja imarãñurã.

Ap 21:8

Yirirãmarĩrã ᵽuri: “Ᵽoꞌimajare mare ãꞌmijĩaꞌsi”, ãrĩwaꞌri yire ãꞌmitiriᵽẽabeyurã, yiyaᵽabeyua nabaayu, ᵽoꞌimaja jããrimaja nime, nayaᵽaika uᵽakaja rõmitikaka wãꞌimarĩrijayurã, suᵽabaatirã ᵽoꞌimajare bitarijayurã, waᵽuju ima jẽrãka jiyiᵽuᵽayeeirã, suᵽabaatirã ᵽakirimajareoka azufreᵽi jũꞌrẽiritarã yitaarãñu aᵽekurioka nare ĩaokoroꞌsimarĩa. Iꞌsia sime reyaᵽeꞌarika wãmeika,==yire kẽrĩkoraᵽaka beꞌrõ ángelre yiᵽõꞌirã etaraᵽe.

Ap 3:12

Yire ãꞌmitiriᵽẽarijaꞌatabesarãñurãre ᵽuri, Yiᵽaki ᵽõꞌirã yeyarũjerãñu. Suᵽa imarĩ Yiᵽaki Tuᵽarãre jiyiᵽuᵽaka õrĩriwiꞌiarã bota ima uᵽaka torã imajiᵽarũkirãroꞌsi nimarãñu, toᵽi ᵽorirũkimarĩrã. Suᵽa nimamaka, maekarakawãme nare yiwãmejĩꞌarãñu. Yiᵽaki Tuᵽarã wãmea, mamaka Jerusalén, ĩmiᵽi ruietarãka wãmea, suᵽabaatirã mamaka yiwãmea.

Ap 3:13

Mija ãꞌmitiᵽe ritaja wejeareka yire yiꞌᵽaraka imarijayurã. Jia samija õrĩᵽũariyaᵽayeꞌe, Esᵽíritu Santore yire jeyobaaikaᵽi yibojaika jia mija ãꞌmitiᵽe”, ãrĩwaꞌri mioꞌobe,==kẽrãᵽe.

Ap 3:5

Nimauᵽatiji Satanáre ĩꞌrãᵽẽꞌrõtorãja baairãre jariroaka jia boia yijããrũjerãñu. Suᵽa imarĩ ‘Ikarakamarã nime yika imajiᵽarũkirã’, ᵽaᵽera ᵽũñurã ãñua yirũꞌrẽbesarãñu. Iꞌsuᵽakajaoka, Yiᵽakire ĩarãka wãjitãji, suᵽabaatirãoka kiángelrãkare ĩarãka wãjitãji ‘Yire yiꞌyurã nime’, nareka ñarĩrãñu.

Ap 3:6

Mija ãꞌmitiᵽe ritaja wejeareka yire yiꞌᵽaraka imarijayurã. Jia samija õrĩᵽũariyaᵽayeꞌe, Esᵽíritu Santore yire jeyobaaikaᵽi yibojaika jia mija ãꞌmitiᵽe”, ãrĩwaꞌri mioꞌobe,==kẽrãᵽe.