Ap 19:4 - Porciones del Nuevo Testamento en el idioma Letuama

⁴ Iꞌsuᵽaka narĩkoraᵽaka ᵽoto, Tuᵽarã ruᵽarikũmu wãjitãji veinticuatro rakamarã ᵽakiarimarã, suᵽabaatirã botarakamarã maikoribeyu uᵽaka imaraᵽarãre moꞌiᵽãñawaꞌraᵽe. Toᵽi imatirã ikuᵽaka narãᵽe: —Nañua rita sime. Tẽrĩrikaja jiika maĩᵽamaki Tuᵽarãre ime,==kire jiyiᵽuᵽayeewaꞌri narãᵽaka beꞌrõ Tuᵽarã ruᵽarikũmua imarõꞌõᵽi ikuᵽaka sajaikoraᵽe:

Ap 19:4 Iomraidhean Croise

1 Co 14:16

Mijare yibojaika uᵽakaja mija baabe. Ikuᵽaka mija baaberijĩkareka, sãꞌmitiriberiwaꞌri, “Jia mibaayu Tuᵽarã”, mijare ãꞌmitiririmajare ãrĩwãrũberijĩñu.

Ap 15:7

Torãjĩrã mae ĩꞌᵽotẽñarirakato seroa orokaka baaeka botarakamarã maikoribeyu uᵽaka imaraᵽarãkaki ĩꞌrĩkare rikaraᵽe. Suᵽa imarĩ ĩꞌᵽotẽñarirakamarã ángelrãkare nimarakamakireje ĩꞌrõriꞌto sakĩjimaka ñiaraᵽe. Rĩkimarãja ᵽoꞌimaja kire yiꞌribeyurãre imamaka, Tuᵽarã, õñia imajiᵽarimajire boebayuakaka õñijĩĩrika ᵽururika imaraᵽaka sareka.

Ap 19:1

Iꞌsuᵽaka simaraᵽaka beꞌerõꞌõ maboꞌikakuriᵽi rĩkimarã jaimaka ñaꞌmitiraᵽe. Jãjirokaᵽi ikuᵽaka narĩkoraᵽe: —“Aleluya. Tẽrĩrikaja jiika maĩᵽamaki Tuᵽarãre ime”, kireka marĩrijariyeꞌe. Iꞌki Tuᵽarãja kime baꞌiaja imarika tiyibeyurõꞌõrã maꞌrirũkia imakoᵽekareka mare tããekaki. Ritaja ima boꞌibajirã imaki kime, suᵽabaatirã ritaja ima ᵽemawaꞌribaji jiitakiji kime.

Ap 19:3

Suᵽabaatirã ikuᵽaka aᵽea narĩriokabayuraᵽe ĩꞌrãjaoka: —“Tẽrĩrikaja jiika maĩᵽamaki Tuᵽarãre ime”, kireka marĩrijariyeꞌe, Babiloniawejea ooeka ũmakaka ũmakaᵽuritiyirũkimarĩa simamaka,==narĩkoraᵽe.

Ap 19:6

Iꞌsuᵽaka simaraᵽaka beꞌrõ, rĩkimarãja jairiokabayurã uᵽaka baatirã ãtaᵽi okoa weꞌrirĩkaika uᵽaka, wĩᵽoa jaika uᵽaka baatirã ikuᵽaka narĩkoraᵽe: —Aleluya. Tẽrĩriki imarĩ, ritajare kijãꞌmerijayu. Suᵽa imarĩ, “Ritaja imaboꞌibajirã tẽrĩriki kime”, kire majiyiᵽuᵽayeerijariyeꞌe.

Ap 5:14

Toᵽi mae, —Iꞌsuᵽaka oyiaja baarijarirũkia simarũ,==narĩkoraᵽe botarakamarã maikoribeyu uᵽaka imaraᵽarã. Suᵽa imarĩ iꞌtojĩteje, ĩᵽiruᵽarikũmuarã ruᵽaraᵽakire, suᵽabaatirã Oveja weiwaꞌyua uᵽaka imakire jiyiᵽuᵽayeewaꞌri veinticuatro rakamarã ᵽakiarimarãre nawãjitãji moꞌiᵽãñawaꞌraᵽe.