Ap 19:11 - Porciones del Nuevo Testamento en el idioma Letuama

¹¹ Sabeꞌerõꞌõ, maboꞌikakurirã koᵽereka uᵽaka wiritamaka ñiaraᵽe. Suᵽa imarĩ, kawaru boika torã rĩkamaraᵽaki kiᵽemarã, ĩꞌrĩka ᵽoꞌimajire tuyuraᵽe. “Kẽrĩrijayu uᵽakaja baaiki, wãjimiji bojarimaji”, wãmeiki kimaraᵽe. Wãjia ᵽoꞌimajare jãꞌmeiki, kimajamarãre baꞌiaja baaeka ᵽiꞌiwaꞌri ᵽitãꞌmua ᵽoꞌijiaiki kimaraᵽe.

Ap 19:11 Iomraidhean Croise

Ap 11:19

Iꞌsia beꞌerõꞌõ maboꞌikakurirã Tuᵽarãre jiyiᵽuᵽaka õrĩriwiꞌia wieka ñiaraᵽe. Imatiyaikoto imaraᵽaka satõsiarã. Iꞌsikoto tõsiarã simaraᵽe, “Ikuᵽaka yire yiꞌyurãroꞌsi yibaarãñu”, ãñua oꞌoeka. Sañiaraᵽaka ᵽoto ikuᵽarõꞌõᵽiji jãjia wĩᵽoa ᵽaaraᵽe. Torãjite kaꞌiaoka iyiraᵽaka. Suᵽabaatirã werikitaka okojiyia jũjiraᵽaka.

Ap 19:19

Ika beꞌrõ werikaᵽakiaki uᵽaka imaraᵽaki ritaja ĩᵽarimarãre nasurararãkaᵽitiyika kirẽamaka ñiaraᵽe. Suᵽabaatirã torã imaraᵽaki kijeyomaki, “Yiꞌi imaki Tuᵽarãroꞌsi bojaĩjirimaji”, ãrĩkoᵽebaraka werikaᵽakiakire ĩaika wãjitãji maikoribeyua baabeawaꞌri, werikaᵽakiaki jẽrãka jiyiᵽuᵽaka õrãᵽarãre, suᵽabaatirã kiwãmea oꞌojĩꞌaraᵽarãre kiᵽakiraᵽe. Ritaja narẽrãᵽe, kawaru ᵽemarã tuyuraᵽakika, suᵽabaatirã kisurararãkaka ᵽitãꞌmua koꞌaᵽiꞌyaokoroꞌsi. Kawaru boika ᵽemarã tuyuraᵽaki naka jĩᵽaraka ĩꞌᵽarã baꞌiaja baarimajare kiñiꞌaraᵽe, werikaᵽakiakire, suᵽabaatirã, “Tuᵽarãroꞌsi bojaĩjirimaji ñime”, ãrĩroyiraᵽakireoka. Suᵽa imarĩ õñirãja azufreᵽi jũꞌrẽiritarã nare kitaaraᵽe.

Ap 19:21

Suᵽabaatirã ĩᵽarimarã, nasurararãkaᵽitiyika tẽrãᵽarãre ᵽuri baꞌiuᵽakaja kibaaraᵽe kawaru boika ᵽemarã tuyuraᵽaki; kirijokoᵽearã imaraᵽaka saraᵽi nare kijããᵽateraᵽe. Suᵽa imarĩ dajaka ima baꞌaika wayurika koᵽakaja ñaꞌᵽiraᵽaka kijããᵽateraᵽarã riꞌia baꞌatirã.

Ap 3:14

Torãjĩrã yire ᵽemakotowiraᵽakire ikuᵽaka yire jairaᵽe ate: —Laodiceawejeareka yire ãꞌmitiriᵽẽairãre imaruᵽutarimajiroꞌsi ikuᵽaka mioꞌoĩjibe: “ ‘Yiꞌiᵽi ãrĩwaꞌri Tuᵽarãre ᵽuᵽajoaika uᵽakaja sime. Ritaja ñarĩka uᵽakaja baawaꞌri, wãjiroka Tuᵽarãre ima yibojarijayu. Suᵽabaatirã yiꞌiᵽi ãrĩwaꞌrijioka ritatojo ika wejeareka ima Tuᵽarãre ᵽoꞌijiaeka. Imaki kime, ika mijare bojaiki’, ãrĩwaꞌri naroꞌsi mioꞌobe.

Ap 3:7

—Toᵽi ate Filadelfia wejeareka yire ãꞌmitiriᵽẽairãre imaruᵽutarimajiroꞌsi ikuᵽaka mioꞌoĩjibe: “Tuᵽarãᵽi imarijayuka imarĩ ñañu uᵽakaja baaiki ñime. Suᵽabaatirã ĩᵽi David imaekaki riᵽarãmi imarĩ, kiuᵽakajaoka Tuᵽarãrirãre jãꞌmerimaji ñime. Suᵽa simamaka yijãꞌmerũkirõꞌõrã kãkaokaroꞌsi koᵽereka yiwierãka, maki satãtewãrũberijĩki. Suᵽabaatirã kãkakoreka koᵽereka yitãterãka maki sawieberijĩki.

Ap 4:1

Sabeꞌerõꞌõ ikuᵽaka simaraᵽe ate: Maboꞌikakurirã koᵽereka wieka imamaka ñiaraᵽe. Sañiaraᵽaka ᵽoto tromᵽeta jãjia okaayu uᵽakaᵽi yire jaiũꞌmuraᵽakire ikuᵽaka yire ãrãᵽe: —Õꞌõrã miꞌtabe, ñamajĩ imarũkiakaka mire yibeaokoroꞌsi,==kẽrĩkoraᵽe.

Ap 6:2

Kẽᵽakãꞌã ĩaᵽũataerã baakõrĩ, ĩꞌrĩka kawaru boikare iꞌtarijaᵽakãꞌã ñiaraᵽe. Kiᵽemarã tuyuraᵽaki tẽmuᵽãia rikaiki, kiruᵽukoꞌarã buꞌya Tuᵽarãre kire tuaekaki kimaraᵽe. Saᵽi ãrĩwaꞌri tẽrĩrimaji imarĩ, aᵽeakaꞌiarã imarãre kitẽrĩrijaraᵽe mae.