Ap 19:10 - Porciones del Nuevo Testamento en el idioma Letuama

¹⁰ Suᵽa kẽᵽakãꞌã, jiyiᵽuᵽaka kire õrĩwaꞌri kiwãjitãji yimoꞌiᵽãñaraᵽe. —Mimoꞌiᵽãñaꞌsi yiwãjitãji. Mima uᵽakaja, mijeyomarã Jesúre yiꞌyurã uᵽakajaoka Tuᵽarãre yaᵽaika uᵽakaja baaiki ñime. Suᵽabaatirã, “Ikuᵽaka kime Tuᵽarã”, ãrĩwaꞌri Jesúre wãrõekakaka bojarijayurã maa. Ĩꞌrãtiji bojarijayurã maimamaka, Tuᵽarãre takaja mijiyiᵽuᵽayeetiyabe,==ángelre yire ãrãᵽe.

Ap 19:10 Iomraidhean Croise

Mr 5:22

Torãjite judíorãka rẽrĩriwiꞌi ĩᵽamaki, Jairo wãmeikire Jesús ᵽõꞌirã etaeka. Suᵽabaatirã kiwãjitãji ñukuruᵽatirã ikuᵽaka kire kẽrĩka:

Mr 7:25

Suᵽa imarĩ ikuᵽarõꞌõᵽiji ĩꞌrãko rõmore kiᵽõꞌirã eyaeka. Satanárika ima ñaꞌrĩjãikako ᵽako koimaeka. Komakore kiwayuĩarika yaᵽawaꞌri kiwãjitãji koñukuruᵽaeka.

Los Hechos 10:43

Tuᵽarãroꞌsi bojaĩjirimaja nimaeka rakamakiji Jesúre imarũkiakaka ᵽuᵽajoawaꞌri noꞌoeka. Suᵽa imarĩ Jesúre yiꞌyurãte baꞌiaja baaeka waᵽa Tuᵽarãte yeꞌkariarũkiakaka noꞌoeka,==Ᵽedrore nare ãrĩka ᵽotojo, Esᵽíritu Santore nare ñaꞌrĩjãika.

Los Hechos 13:27

Iꞌsuᵽaka simakoꞌomakaja Jerusalénkarã suᵽabaatirã niᵽarimarãoka, “Mare tããrimaji kime”, ãrĩwãrũberikarã. Suᵽabaatirã jẽrĩtarirĩmi rakakaja Tuᵽarãroꞌsi bojaĩjirimajare oꞌoeka ĩatirã aᵽerãte nare sabojakoꞌomakaja sanorĩwãrũberika. Iꞌsuᵽaka imaekarã imarĩ Jesúre ĩakoꞌomakaja, “Tuᵽarãte ᵽũataekaki kime”, narĩwãrũberika. Jesúre najããrũjeka. Suᵽa imarĩ, Tuᵽarãroꞌsi bojaĩjirimajare oꞌoeka uᵽakaja sajarika.

2 Co 8:7

Suᵽa imarĩ tẽrĩwaꞌribaji Tuᵽarãrikakaka jia õñurã imarĩ, jia tokarãre mija jeyobaabe. Iꞌsuᵽakajaoka, “Rita ãñuka kime”, ãrĩwaꞌri, Jesucristore oyiaja jia mija yiꞌririjayu. Suᵽabaatirã kirika bojariroka õñurã imarĩ, jia samija bojawãrũyu. Suᵽa baabaraka jimarĩ ᵽoꞌimajare jeyobaairã mija ime. Suᵽabaatirã yijare jia wãtatiyairã mija ime. Suᵽa imarĩ wayuoka baairãre tẽrĩrikaja wayuĩawaꞌri jia nare mija jeyobaabe.

Filipenses 3:3

“Circuncisión baaekarã imarĩ Tuᵽarãrirã yija ime”, nañu. Maa ᵽuri Tuᵽarãrirã. Cristore yiꞌyurã ᵽuri Esᵽíritu Santore jeyobaamaka Tuᵽarãte jia jiyiᵽuᵽaka õñurã. Suᵽabaatirã Jesucristore majiyiᵽuᵽayeeyu, “Maroꞌsi kireyaekaᵽi Tuᵽarãte mare wayuĩayu”, ãrĩwaꞌri jĩjimaka maimarijayu. “Maᵽoꞌiarã mabaaikaᵽi ãrĩwaꞌri Tuᵽarãrirã yija imarãñu”, ãrĩbeyurã maime.

1 Ts 5:15

Jia ᵽuᵽajoabaraka aᵽerãte baꞌiaja mijare baakoᵽekoꞌomakaja mija ruᵽuwaᵽaeꞌeaꞌsi. Iꞌsuᵽaka baabekaja jia oyiaja mija imabuꞌabe. Ritaja wejeareka imabayurãkaoka iꞌsuᵽakaja mija imabe.

1 Jn 5:10

Tuᵽarã Makire yiꞌyurã ᵽuri, “Kimakireka Tuᵽarãte bojaeka rita sime”, ãrĩwaꞌri naᵽuᵽakarã sõñurã nime. “Tuᵽarã Makimarĩka Jesúre ime”, ãñurã ᵽuri Tuᵽarãte kireka bojaeka yiꞌribeyurã. Iꞌsuᵽaka ãñurã imarĩ, “Waᵽuju ᵽakirika sime ‘Yimaki Jesúre ime’, Tuᵽarãte ãñua”, narĩrijayu.

1 Jn 5:21

Yijeyomarã, iꞌsuᵽaka kima õñurã imarĩ, waᵽuju ᵽoꞌimajare baaᵽoꞌijiaeka mija yiꞌririjariaꞌsi. Iꞌtojĩrãja sime.

Ap 1:1

Ika ᵽaᵽerareka oꞌoeka ikuᵽarõꞌõᵽiji imarũkiakaka bojaika. Kiyaᵽaika uᵽaka baarijayurãre sõñaokoroꞌsi Kimaki Jesucristore sakijaꞌataeka Tuᵽarã, nare sakibojaokoroꞌsi. Suᵽa imarĩ ángelre yiᵽõꞌirã kiᵽũataeka yire sakiõrĩrũjewãrũokoroꞌsi. Juan, kiyaᵽaika uᵽaka baaiki ñime.

Ap 1:9

Yiꞌi Juan, mija jeyomaki, Jesucristore yiꞌyuka ñime. Mija uᵽakaja Tuᵽarãre yire jãꞌmeokoroꞌsi ñime. Suᵽa imarĩ, mija uᵽakajaoka ᵽoꞌimajare yire baꞌiaja jũarũjerijayu, Maĩᵽamakirirã uᵽatiji iꞌsuᵽaka oyiaja jũarũkirã maima simamaka. Baꞌiaja jũakoꞌomakaja Jesucristore ãꞌmitiriᵽẽaiki imarĩ, sayirakajeᵽããyu. Suᵽa imarĩ Ᵽatmos wãmeirõꞌõ jũmurikarã yire nataaraᵽe Tuᵽarãrika bojariroka yibojari ᵽareaja wẽkomaka ñimaokoroꞌsi.

Ap 12:11

Suᵽa kijaiᵽakikoꞌomakaja, Oveja weiwaꞌyua uᵽaka imakire reyaeka riweaᵽi baꞌiaja nabaaika kijũjemaka, Satanáre tẽrĩkarã majeyomarã. “ ‘Jesúrika bojariroka mawãrõmaka õrĩwãrũbeyurãre mare jããrãñu jeꞌe’, marĩkoꞌomakaja okajãjia rakajebekaja maimayeꞌe. Suᵽa imarĩ samabojajaꞌataꞌsi”, narĩᵽuᵽajoaeka. Suᵽa baawaꞌri baꞌikare natẽrĩka.

Ap 12:17

Sĩatirã, jimarĩ rõmore kiboebaraᵽe. Suᵽa imarĩ kore jããwãrũberiwaꞌri koriᵽarãmerãka jĩrĩrĩ keꞌraᵽe. Ĩꞌrã imaraᵽarã, Tuᵽarãre jãꞌmeika yiꞌyurã, suᵽabaatirã ritaja Jesucristore nare bojaekakaka jaꞌatabeyurã.

Ap 14:7

Suᵽa imarĩ ikuᵽaka jãjirokaᵽi kijaikoraᵽe: —Ritaja ima tẽrĩwaꞌribaji imaki Tuᵽarãre imamaka, kire mija jiyiᵽuᵽayeebe. Iꞌsuᵽaka ñañu ᵽoꞌimajare baꞌiaja baaika waᵽa jairũkirĩmi seyaika simamaka. Tuᵽarã kime wejeᵽema, kaꞌia, riaka, okokoᵽea baaekaki. Iꞌsia baaekaki kimamaka jiyiᵽuᵽaka kire õrĩrũkirã mija ime,==ángelre ãrĩkoraᵽe.

Ap 15:4

Yija ĩᵽamaki, marã mire kĩkibekaja, mire jiyiᵽuᵽayeebekaja imabesarãñurã. Miꞌi ĩꞌrĩkaja ĩꞌrãkurioka baꞌiaja baakoribeyuka mimamaka, suᵽa simarãñu. Ritatojo wejeareka mire yiꞌribeyurãre jiaᵽi miwẽkomabaarãka ᵽoto ritaja ᵽoꞌimaja ima uᵽatataja miᵽõꞌirã rẽrĩrãñurã mire jiyiᵽuᵽayeeokoroꞌsi,==narãᵽe bayakoyabaraka.

Ap 19:9

Sarokajĩte ikuᵽaka ángelre yire ãrãᵽe ate: —Mae mire ñarĩrã baaika mioꞌobe: “Oveja weiwaꞌyua uᵽaka imakire ᵽitañiꞌabuꞌaika uᵽaka baarãka baya niaerã kioyibojaekarã jĩjimaka jarirãñurã jiitaka Tuᵽarãre nare baamaka”, ãñua mioꞌobe,==kẽrãᵽe. Suᵽabaatirã, —Rita sime ika mire yibojaika, Tuᵽarãrika bojariroka imatiyaika sime,==yire kẽrãᵽe.

Ap 4:10

Ĩꞌrãkurimarĩa suᵽa baabaraka nima ᵽoto veinticuatro rakamarã ᵽakiarimarã kiwãjitãji moꞌiᵽãñawaꞌyurã reyaribaꞌimarĩkare jiyiᵽuᵽayeebaraka. Suᵽabaatirã orokaka baaeka nabuꞌya eꞌetatirã kiwãꞌtarã ᵽããjiyetirã ikuᵽaka kire narĩrijayu: