Ap 18:3 - Porciones del Nuevo Testamento en el idioma Letuama

³ Mia, baꞌiaja baarirõmo uᵽaka nimaraᵽe Babiloniawejeakarã. Kore ãꞌmitiriᵽẽawaꞌri, ritatojo wejeakarãre dajaka baaraᵽe. Suᵽabaatirã niᵽamarãoka dajaka koka baaraᵽarã. Iꞌsuᵽakajaoka baꞌirĩjia waᵽajãꞌrĩakakatakaja yaᵽatiyawaꞌri, aꞌᵽerõꞌõkarãreka sanawaruaraᵽe. Suᵽa imarĩ ritatojo wejeareka waruamarã rĩkimaka niñerũ tõᵽoirã jaraᵽarã,==ángelre ãrãᵽe.

Ap 18:3 Iomraidhean Croise

Ap 14:8

Sabeꞌrõ aᵽika ángelre wiraᵽaka ñiaraᵽe. Ikuᵽaka kijaikoraᵽe: —Babiloniawejea, Tuᵽarãre riataraᵽe. Ritatojo wejeareka imarã Tuᵽarãre najaꞌataokaroꞌsi baꞌiaja baataꞌairã nimaraᵽe Babiloniakarã,==ángelre ãrĩkoraᵽe.

Ap 17:2

Iꞌsia wejeareka imarãre baꞌiaja baaruᵽutamaka, ritatojo wejeareka imarã ĩᵽarimarãre baꞌiaja naka baaraᵽe. Ĩmirĩjaka wãꞌimarĩrirõmore baꞌiaja nare baaruᵽutaeka imarĩ, ikuᵽaka nimaraᵽe iꞌsia wejeakarã: Waᵽuju ima jiyiᵽuᵽaka õñurã imarĩ, ritatojo wejeareka imarãre jiyiᵽuᵽaka sanoñaokoroꞌsi maerumajaka uᵽaka nare nimarũjeraᵽe,==ángelre yire ãrãᵽe.

Ap 18:19

Tẽrĩrika baꞌiaja ᵽuᵽaritiyawaꞌri naruᵽukoꞌarã kaꞌiuyua naᵽearãñu. Iꞌsuᵽaka baatirã, ᵽañebaabaraka ikuᵽaka narĩrãñu: “Baꞌitakaja sabaayu Babiloniawejea”, narĩrãñu waᵽuru joꞌbaka rikairã saᵽi waruaka eꞌewaꞌᵽaraka nare ĩjitirã, rĩkimakaja niñerũ tõᵽokoᵽeroyiraᵽarã. “Ñojimarĩji sooᵽatayu mae”, narĩrãñu waᵽurureka imatiirã.

Ap 18:23

Jia yaaboabaraka torã ima aᵽekurioka yaaboabesarãka. Suᵽabaatirã jĩjimaka ᵽitañiꞌabuꞌabaraka nimarijayua imabesarãka mae. Mija ãꞌmitiᵽe Babiloniawejeakarã. Ritatojo wejeareka imabayurã boꞌibajirã waruamarã nimakoᵽeraᵽe, mijakarã. Mija yeꞌoaᵽi ritatojo wejeareka imarãre mija ᵽakiraᵽe mija waruaka takaja nayaᵽaokoroꞌsi. Suᵽa imarĩ Tuᵽarãre jiyiᵽuᵽayeebeyurã najaraᵽe.

Ap 18:7

Mia, dakoa jariwaꞌririmarĩa rikairã nime. “Imatiyairã maime”, ãrĩᵽuᵽajoairã imarĩ, nayaᵽaika uᵽakaja nabaarijayu. Sakoꞌaᵽitorãja baꞌiaja nare mija jũarũjebe. “Jãꞌmerimaja rõmijã maime. Natĩmiarã nare reyataᵽamaka baꞌiaja ᵽuᵽayurã uᵽakamarĩa”, ãrĩᵽuᵽajoairã nimakoꞌomakaja, ĩꞌrãrĩmi tokarãre baꞌiaja jũarãñu. Suᵽa imarĩ reyairã, kẽsia jũarũkirã, suᵽabaatirã aᵽerã baꞌiaja ᵽuᵽaririkarekaja imarãñurã riomaka imawaꞌri. Suᵽabaatirã nawejea oorãka. Ika ñañu ritaja iꞌsia wejeareka imarãre yijoeriatarãka simamaka. Iꞌsuᵽaka ñañu ritaja ima tẽrĩwaꞌribaji yirikaᵽi sayibaarãka simamaka,==Tuᵽarãroꞌsi sãrĩkoᵽakãꞌã ñaꞌmitiraᵽe.

Ap 18:9

Iꞌsia wejea ooriᵽakãꞌã ĩatirã, jimarĩ aᵽea kaꞌiakarã ĩᵽarimarãre baꞌiaja ᵽuᵽarirãñu, “Nimamaka dako jariwaꞌririmarĩa yija yaᵽaika uᵽakaja naka yija baakoᵽeroyiraᵽe”, ãrĩwaꞌri. Iꞌsuᵽaka ĩᵽarimarãre ãrĩrãñu Babiloniakarãka baꞌiaja baajeyoarika mirãrã imarĩ.