Ap 17:1 - Porciones del Nuevo Testamento en el idioma Letuama

¹ Suᵽabaatirã ĩꞌᵽotẽñarirakamarã ángelrãka seroa rikaraᵽarãkaki ĩꞌrĩkare yiᵽõꞌirã etaraᵽe. Toᵽi ikuᵽaka yire kẽrãᵽe mae: —Õꞌõrã miꞌtabe, rĩkimakaja riamaka imarõꞌõrã baꞌiaja baariwejea ima, sakaka mire yibojaerã baayu. Mia: Ritaja ĩmirĩjaka wãꞌimarĩtiyaiko uᵽaka sareka imarãre imamaka, Tuᵽarãre baꞌiaja nare jũarũjerãñu.

Ap 17:1 Iomraidhean Croise

Ap 1:1

Ika ᵽaᵽerareka oꞌoeka ikuᵽarõꞌõᵽiji imarũkiakaka bojaika. Kiyaᵽaika uᵽaka baarijayurãre sõñaokoroꞌsi Kimaki Jesucristore sakijaꞌataeka Tuᵽarã, nare sakibojaokoroꞌsi. Suᵽa imarĩ ángelre yiᵽõꞌirã kiᵽũataeka yire sakiõrĩrũjewãrũokoroꞌsi. Juan, kiyaᵽaika uᵽaka baaiki ñime.

Ap 15:1

Iꞌsia beꞌrõ maboꞌikakurirã aᵽea maikoribeyua imatiyaikakaka ñiaraᵽe. Ĩꞌᵽotẽñarirakamarã ángelrãka narakakaja baꞌiaja ᵽoꞌimajare jũarũkia narikaraᵽe. Jimarĩ ᵽoꞌimajare boebariwaꞌri, ᵽiyia saᵽi baꞌiaja Tuᵽarãre nare jũarũjerãñu, “Baꞌiaja nabaarijayua najaꞌatarũ”, ãrĩwaꞌri.

Ap 16:19

Siyiraᵽakaka ĩꞌrãtiji Babiloniawejea imakoᵽeraᵽaka maekarakaweje uᵽaka sajarirĩkaraᵽe. Iꞌsuᵽakajaoka ritatojo wejeareka imakoᵽeika wejea ririᵽataraᵽaka. Babiloniakarãre baꞌiaja baaika yeꞌkariribeyuka imarĩ, nare boebariwaꞌri naᵽareareka baꞌitakaja Tuᵽarãre nare jũarũjeraᵽe.

Ap 18:1

Iꞌsuᵽaka simaraᵽaka beꞌerõꞌõ maboꞌikakuriᵽi ángel jãꞌmerimajire ruiraꞌamaka ñiaraᵽe. Jãjia yaꞌtariki imarĩ, ritatojo kaꞌia kiyaaboaraᵽe.

Ap 19:2

“Baꞌiaja ritajaka wãꞌimarĩtiyaikore yiwẽkomabaarãñu”, rita ãñuka imarĩ, waᵽujumarĩa baꞌiaja kore kibaayu. Baꞌiaja kobaaekaᵽi ritatojo wejeareka imaekarãre baꞌiaja koimaruᵽutaeka. Suᵽa simamaka Tuᵽarãre yaᵽaika baaroyiraᵽarãre jããekakore, kobaaroyiraᵽaka ĩaraᵽaki imarĩ, kore kiriataraᵽe,==narĩriokabayuraᵽe maboꞌikakuriᵽi. Baꞌiaja ritajaka wãꞌimarĩtiyaiko uᵽaka Babiloniawejeakarã ᵽoꞌimaja baꞌiaja imaruᵽutairã nimamaka iꞌsuᵽaka narãᵽe.

Ap 19:9

Sarokajĩte ikuᵽaka ángelre yire ãrãᵽe ate: —Mae mire ñarĩrã baaika mioꞌobe: “Oveja weiwaꞌyua uᵽaka imakire ᵽitañiꞌabuꞌaika uᵽaka baarãka baya niaerã kioyibojaekarã jĩjimaka jarirãñurã jiitaka Tuᵽarãre nare baamaka”, ãñua mioꞌobe,==kẽrãᵽe. Suᵽabaatirã, —Rita sime ika mire yibojaika, Tuᵽarãrika bojariroka imatiyaika sime,==yire kẽrãᵽe.

Ap 21:15

Ángel yika jairaᵽaki orokaka baaeka jẽrãbaarũkia rikaraᵽaki wejea, koᵽereka, suᵽabaatirã ãta ᵽããtateka jẽrãbaarũkia.

Ap 21:9

Ĩꞌᵽotẽñarirakamarãkaki baꞌiaja ᵽoꞌimajare jũarũkia seroarã rikaeka mirãki. Iki mae, ikuᵽaka yire ãrãᵽaki: —Dajoa, Oveja weiwaꞌyua uᵽaka imaki rũmuroꞌsi imarũkikore mire yibeaerã,==kẽrãᵽaka beꞌrõ, Esᵽíritu Santore yire jeyobaamaka ikuᵽaka yire kibearaᵽe: Ᵽusia joꞌbaka ñoaka ruᵽututuarã yire keꞌewaꞌraᵽe. Torã kika yeyaraᵽaka ᵽoto baꞌiaja baarũkimato, mamaka Jerusalénwejea Tuᵽarã ᵽõꞌiᵽi ruiraꞌatirã ñaꞌrĩᵽañaraᵽaka yire kibearaᵽe.

Ap 4:1

Sabeꞌerõꞌõ ikuᵽaka simaraᵽe ate: Maboꞌikakurirã koᵽereka wieka imamaka ñiaraᵽe. Sañiaraᵽaka ᵽoto tromᵽeta jãjia okaayu uᵽakaᵽi yire jaiũꞌmuraᵽakire ikuᵽaka yire ãrãᵽe: —Õꞌõrã miꞌtabe, ñamajĩ imarũkiakaka mire yibeaokoroꞌsi,==kẽrĩkoraᵽe.