Ap 15:6 - Porciones del Nuevo Testamento en el idioma Letuama

⁶ Tuᵽarãre jiyiᵽuᵽaka õrĩriwiꞌiaᵽi ĩꞌᵽotẽñarirakamarã ángelrãka baꞌiaja ᵽoꞌimajare jũarũkia rikairã ᵽoᵽakãꞌã ñiaraᵽe. Jariroaka jia boia kaꞌimarĩa jããtirã, waꞌeyoka orokaka nakarĩmakiarã najãᵽiaraᵽe.

Ap 15:6 Iomraidhean Croise

Ap 1:13

Suᵽabaatirã sawatoᵽekarã ĩꞌrĩka ᵽoꞌimaji uᵽaka ĩoikire imaraᵽe. Kijariroaka saya uᵽaka baaeka kiũᵽusikarõꞌõjĩrã ñoaka jããiki, suᵽabaatirã orokaka baaeka kikãrĩmaki wãjitãji jããᵽiaekaki kimaraᵽe.

Ap 14:15

Toᵽiji, aᵽika ángel Tuᵽarãre jiyiᵽuᵽaka õrĩriwiꞌiaᵽi kiᵽoᵽakãꞌã ñiaraᵽe. Oko ũmakaᵽemarã ruᵽaraᵽakire jãjirokaᵽi ikuᵽaka kẽrãᵽe: —Koᵽakaja kaꞌiareka ima õterikia rabaerã baaika mae, sataꞌtetirã sameꞌeᵽatawaꞌᵽe,==kẽrĩkoraᵽe.

Ap 14:17

Iꞌsia beꞌrõ, ĩmirã Tuᵽarãre jiyiᵽuᵽaka õrĩriwiꞌiaᵽi aᵽika ángelre ᵽoraᵽe ate. Iꞌkioka sara oᵽika rikaraᵽaki.

Ap 15:1

Iꞌsia beꞌrõ maboꞌikakurirã aᵽea maikoribeyua imatiyaikakaka ñiaraᵽe. Ĩꞌᵽotẽñarirakamarã ángelrãka narakakaja baꞌiaja ᵽoꞌimajare jũarũkia narikaraᵽe. Jimarĩ ᵽoꞌimajare boebariwaꞌri, ᵽiyia saᵽi baꞌiaja Tuᵽarãre nare jũarũjerãñu, “Baꞌiaja nabaarijayua najaꞌatarũ”, ãrĩwaꞌri.

Ap 19:8

Jíakaka jariroaka boia kaꞌimarĩa kojããrũkia Tuᵽarãre kore ĩjiraᵽe,==sãrĩkoraᵽe. Kojããika kaꞌimarĩa ima, “Baꞌiaja baabekaja Tuᵽarãre yiꞌyurã”, ãrĩrikoᵽakaja simaraᵽe.