Ap 15:1 - Porciones del Nuevo Testamento en el idioma Letuama

¹ Iꞌsia beꞌrõ maboꞌikakurirã aᵽea maikoribeyua imatiyaikakaka ñiaraᵽe. Ĩꞌᵽotẽñarirakamarã ángelrãka narakakaja baꞌiaja ᵽoꞌimajare jũarũkia narikaraᵽe. Jimarĩ ᵽoꞌimajare boebariwaꞌri, ᵽiyia saᵽi baꞌiaja Tuᵽarãre nare jũarũjerãñu, “Baꞌiaja nabaarijayua najaꞌatarũ”, ãrĩwaꞌri.

Ap 15:1 Iomraidhean Croise

Ap 10:3

Suᵽabaatirã yaia león akaika uᵽaka jãjirokaᵽi kiakaseremaka, ĩꞌᵽotẽñarirakakuri wĩᵽoa kire yiꞌrikoraᵽaka.

Ap 11:14

Mamarĩrokajĩtekaka baꞌiaja jũarũkia koᵽakaja yibojaweayu. Sabeꞌerõꞌõjĩte noꞌojĩrãmarĩaja baꞌiaja jũarika jariwaꞌraᵽaka.

Ap 14:19

Iꞌsuᵽaka kẽᵽakãꞌã ãꞌmitiritirã, kaꞌiareka imaraᵽaka õterikia taꞌtetirã keꞌeraᵽe. Seꞌetirã, sokoa bikerũkirõꞌõrã sakitaaraᵽe. “Ᵽoꞌimajare baꞌiaja baaika ĩatirã jimarĩ baꞌiaja Tuᵽarãre nare jũarũjerãñu”, ãrĩrika uᵽaka sime.

Ap 16:1

Sabeꞌerõꞌõ Tuᵽarãre jiyiᵽuᵽaka õrĩriwiꞌiaᵽi ĩꞌᵽotẽñarirakamarã ángelrãkare jãjirokaᵽi ikuᵽaka sãrĩkoᵽakãꞌã ñaꞌmitiraᵽe ate: —Tuᵽarãre ĩariᵽeꞌyoirã ᵽoꞌimajare baꞌiaja jũaerã, seroareka mija rikaika õñijĩĩrika kaꞌiarã mija weꞌañaꞌtabe. Tuᵽarãre boebayuakaka sarã ima simamaka, suᵽa mija baabe.==

Ap 17:1

Suᵽabaatirã ĩꞌᵽotẽñarirakamarã ángelrãka seroa rikaraᵽarãkaki ĩꞌrĩkare yiᵽõꞌirã etaraᵽe. Toᵽi ikuᵽaka yire kẽrãᵽe mae: —Õꞌõrã miꞌtabe, rĩkimakaja riamaka imarõꞌõrã baꞌiaja baariwejea ima, sakaka mire yibojaerã baayu. Mia: Ritaja ĩmirĩjaka wãꞌimarĩtiyaiko uᵽaka sareka imarãre imamaka, Tuᵽarãre baꞌiaja nare jũarũjerãñu.

Ap 19:15

Naruᵽurõꞌõ aꞌririjaraᵽaki rijokoᵽeareka imaraᵽaka sara oᵽika. Sara koᵽakaja simarãñu kioka, kiokaᵽi kimajamarãre ĩꞌrãᵽẽꞌrõtorãja kibaarãka simamaka. Ritaja jãꞌmewãrũiki imarĩ, baꞌiaja baarimajare baaika ĩariᵽeꞌyowaꞌri nare kiwẽkomabaarãñu. Tuᵽarã, ritaja ima tẽrĩwaꞌribaji imakire nare boebaᵽakãꞌã baꞌitakaja nare baarimaji kimarãñu.

Ap 21:9

Ĩꞌᵽotẽñarirakamarãkaki baꞌiaja ᵽoꞌimajare jũarũkia seroarã rikaeka mirãki. Iki mae, ikuᵽaka yire ãrãᵽaki: —Dajoa, Oveja weiwaꞌyua uᵽaka imaki rũmuroꞌsi imarũkikore mire yibeaerã,==kẽrãᵽaka beꞌrõ, Esᵽíritu Santore yire jeyobaamaka ikuᵽaka yire kibearaᵽe: Ᵽusia joꞌbaka ñoaka ruᵽututuarã yire keꞌewaꞌraᵽe. Torã kika yeyaraᵽaka ᵽoto baꞌiaja baarũkimato, mamaka Jerusalénwejea Tuᵽarã ᵽõꞌiᵽi ruiraꞌatirã ñaꞌrĩᵽañaraᵽaka yire kibearaᵽe.

Ap 8:13

Toᵽi mae yuꞌawaꞌri ĩaerã baakõrĩ awaka wiraᵽaka ñiaraᵽe. Iki jãjirokaᵽi ikuᵽaka ãrĩkoraᵽaki mae: —Yee jaꞌa, ritatojo wejeareka imarãre baꞌitakaja jũaerã baayu. Maekarakamarã ángelrãka tromᵽeta ᵽuᵽubeyukajirã naᵽuᵽuᵽatarãka ᵽoto iꞌsuᵽaka simarãñu,==kẽrĩkoraᵽaka ñaꞌmitiraᵽe.

Ap 8:2

Iꞌsuᵽaka simaraᵽaka beꞌrõ ĩꞌᵽotẽñarirakamarã ángelrãkare Tuᵽarã wãjitãji rĩkamaraᵽe. Ĩꞌᵽotẽñarirakao tromᵽeta Tuᵽarãre nare ĩjikarã nimaraᵽe.

Ap 8:6

Torãjĩrã mae, saᵽuᵽuokoroꞌsi tromᵽeta rikatikaja ĩꞌᵽotẽñarirakamarã ángelrãkare imaraᵽe.

Ap 9:20

Rĩkimarãja ᵽoꞌimaja õñia imañujurã nabaarijayua jaꞌataberaᵽarã ruᵽu. Suᵽabaatirã Satanárika ima jiyiᵽuᵽayeerimaja imarĩ, waᵽuju ima jẽrãka orokaka, ᵽlatakaka, broncekaka, ãtakaka, yaᵽuakaka baabaraka nimaroyiraᵽe sajiyiᵽuᵽayeerijayaokoroꞌsi. Yoibeyua, turibeyua, ãꞌmitiribeyua simakoꞌomakaja jiyiᵽuᵽaka sõrĩbaraka nimarijaraᵽe ruᵽu.