Ap 13:18 - Porciones del Nuevo Testamento en el idioma Letuama

¹⁸ Kiwãmea koᵽakaja simaraᵽe 666. Jia ᵽuᵽajoarika sime. Suᵽa baawaꞌri jia mija õrĩwãrũjĩñu kiwãmea.

Ap 13:18 Iomraidhean Croise

Mr 13:14

Tuᵽarãre bojaĩjirimaji imaekakire oꞌoeka uᵽakaja, “Ĩꞌrãrĩmi mija ĩarãñu Tuᵽarãre jiyiᵽuᵽaka õrĩriwiꞌiarã, ĩꞌrĩka baꞌiaja baarimaji kimarũkimatorãja kimarãñu”. (Yiꞌi Marcos ika ᵽaᵽera yoꞌoika ĩarãñurã, jia samija õrĩwãrũbe.) Tuᵽarãre yaᵽaberitiyaika kibaarãka ᵽoto Tuᵽarãre jiyiᵽuᵽaka õrĩriwiꞌia baꞌiaja kibaarãñu Tuᵽarã ñakoareka. Sĩawaꞌri, Judea kaꞌiarã imarãre ñojimarĩ ᵽusiarã ruꞌrimirĩjikareka jia simarãñu naroꞌsi.

Ap 1:3

Ika yibojaika koyiaja simamaka ikuᵽaka mijare ñañu mae. Ika ñañua bojarimaja, suᵽabaatirã sayiꞌrirãñurãoka jia jĩjimaka imarijarirãñurã.

Ap 15:2

Suᵽabaatirã riaᵽakiaka jia waria okoika, ᵽeka jũꞌrẽika uᵽaka imaria ñiaraᵽe. Iꞌsiriarijerã rĩkimakaja ᵽoꞌimajare rĩkajiyeraᵽe. Werikaᵽakiaki uᵽaka imaki jẽrãka ᵽoꞌimajare baaeka, jiyiᵽuᵽayeebeyurã, kinúmero jĩꞌĩtabeyurã imarĩ werikaᵽakiakire tẽrĩkarã nimaraᵽe. Suᵽabaatirãoka arᵽa Tuᵽarãre nare ĩjika ᵽariji narĩkajiyeraᵽe.

Ap 17:9

Ãꞌmitiriwãrũikiroꞌsi ᵽuri õrĩrũkia sime. Ĩꞌᵽotẽñarirakao ruᵽukoꞌa miakoꞌa ĩꞌᵽotẽñarirakabi ᵽusi uᵽaka sime. Rõmo saᵽemarã ruᵽakoꞌoko, ᵽusiᵽemarã Babilonia wejea ima uᵽaka koime. Suᵽabaatirã ĩꞌᵽotẽñarirakamarã ĩᵽarimarã uᵽaka sime kiruᵽukoꞌa.

Ap 21:17

Ãta ᵽããtateka yija jẽrãbaarũkiaᵽi sakijẽrãbaamaka, sesenta y cinco metros rõꞌõjĩrã moꞌrĩa simaraᵽe.