Ap 12:6 - Porciones del Nuevo Testamento en el idioma Letuama

⁶ Iꞌsuᵽaka kibaaraᵽaka ᵽotojo ᵽoꞌimajamatorã kiᵽako mirãkore ruꞌraᵽe. “Õꞌõrã jia kore ñiarĩrĩrãñu”, Tuᵽarãre ãrĩtikarõꞌõrã koꞌraᵽe. Torã koimaraᵽaka ᵽoto maekarakakuri wejejẽꞌrã aᵽejẽꞌrã ñeꞌmetãjirõꞌõjĩrã kore ĩarĩᵽaraka Tuᵽarãre imaraᵽe.

Ap 12:6 Iomraidhean Croise

Ap 12:14

Kore kirĩrĩkoꞌomakaja awaᵽakikajea ĩꞌᵽato joꞌbarito Tuᵽarãre kore ĩjiraᵽe kowiyaokoroꞌsi. Suᵽa imarĩ ᵽoꞌimajamatorã eyaerã kajuyaiᵽakiaka uᵽaka ĩoka kowiritaᵽawaꞌraᵽe. Torã maekarakakuri wejejẽꞌrã aᵽejẽꞌrã ñeꞌmetãjirã baꞌarika kore jiꞌabaraka Tuᵽarãre kore ĩarĩrãᵽe.

Ap 12:4

Ñeꞌmetãji rokajĩrã tãꞌᵽia kiᵽañaꞌruiraᵽe kiᵽĩkoaᵽi. Suᵽabaatirã rõmo wãꞌtarã keyarĩkaraᵽe, komakarãka ᵽoꞌijiᵽakãꞌã baꞌaokoroꞌsi.

Ap 13:5

“Yiꞌi ĩꞌrĩkaja ñime tẽrĩwaꞌribaji imatiyaiki. Maki aᵽika ñima uᵽaka imabeyuka. Tuᵽarãre ima uᵽaka imaki yiꞌi”, baꞌiaja kẽrãᵽe, “Iꞌsuᵽaka jaibekaja mimabe”, Tuᵽarãre kire ãrĩbeᵽakãꞌã. Suᵽa imarĩ, “Tuᵽarã, kika imarã, waᵽamarĩrã nime kimarõꞌõ oka waᵽamarĩa sime”, ãrĩbaraka maekarakakuri wejejẽꞌrã aᵽejẽꞌrã ñeꞌmetãjirõꞌõjĩrã ᵽoꞌimajare baꞌiaja jairuᵽutabaraka kimaraᵽe.

Ap 17:3

Iꞌsuᵽaka yire kẽrãᵽaka ᵽoto Esᵽíritu Santore jeyobaaikaᵽi ikuᵽaka yire sabaaraᵽe: Ĩꞌrĩka ángel ᵽoꞌimajamatorã yire eꞌewaꞌraᵽaki. Torã eyatirã werikaᵽakiaki jũꞌaka imaraᵽaki ᵽemarã rõmore tuyumaka ñiaraᵽe. Tuᵽarãre jaiyuyerikakaka wãmea oꞌoeka kireka jĩꞌĩjiyeraᵽaka. Suᵽabaatirã ĩꞌᵽotẽñarirakao kiruᵽukoꞌa, ĩꞌᵽaᵽitarakabi wakaiki kimaraᵽe.