Ap 12:10 - Porciones del Nuevo Testamento en el idioma Letuama

¹⁰ Torãjĩrã mae jãjirokaᵽi ikuᵽaka sãrĩkoraᵽe: —Tuᵽarãre yiꞌririjaᵽaraka imarã ᵽoꞌimajare tããrũkirĩmi koᵽakaja seyayu. Suᵽabaatirã ritaja ima tẽrĩwaꞌribaji imaki imarĩ, ritaja wejeareka ᵽoꞌimajare kijãꞌmeũꞌmuyu. Suᵽabaatirã, “Ritaja wejeareka imarãre yiroꞌsi mijãꞌmebe”, Tuᵽarãre kire ãñua simamaka, nare jãꞌmerimaji Cristore ime. Satanáre ᵽoataekaki imarĩ suᵽa kime Tuᵽarã. Kiᵽoataekakiji kime Jesúre yiꞌyurãre baꞌiaja baataꞌarimaji. Ĩmi, ñami ᵽariji Tuᵽarãre ĩaika wãjitãji muᵽaka Cristore yiꞌyurãre jaitaꞌruibaraka, “Baꞌirã nime”, Tuᵽarãre ãrĩkoᵽeiki.

Ap 12:10 Iomraidhean Croise

1 Co 5:4

“Baꞌiaja baaiki kimamaka ikuᵽaka sawaᵽa kijũarãñu”, ãñaokoroꞌsi mija rẽrĩrika yiyaᵽayu. Suᵽa mija baarãka ᵽoto yiᵽuᵽakaᵽi ᵽuri mija ᵽõꞌirã ñimarãñu. Suᵽabaatirã maĩᵽamaki Jesucristore mijare jeyobaarãñu.

2 Co 12:9

Iꞌsuᵽaka kire ñaᵽakãꞌã, ikuᵽaka yire kiyiꞌraᵽe: “Jẽnoꞌo, mire yibayaberikoꞌomakaja, mire yiwayuĩaikaᵽi ãrĩwaꞌri yijeyobaarika takaja miyaᵽayu. Mia, marãkãꞌã baaberijĩka mima ᵽoto jiibaji mika imawaꞌri mire jeyobaarimajiroꞌsiji ñime”, kẽrãᵽe. Suᵽa imarĩ ñimakaka jĩjimakaᵽi yijairijayu. Imakoꞌomakaja, “Cristore kire jaꞌataikaᵽi jia kiroꞌsi Ᵽablore baꞌiraberijayu”, ᵽoꞌimajare yireka ãrĩwãrũyu mae.

Ap 11:15

Jimarĩ jãjia kaꞌia iyiraᵽaka beꞌerõꞌõ, ᵽiyika ángelre tromᵽeta ᵽuᵽuraᵽe. Sakiᵽuᵽuraᵽaka ᵽoto maboꞌikakuriᵽi rĩkimarãja jãjirokaᵽi ikuᵽaka narĩkoraᵽe: —Ritatojo wejeareka imarã jãꞌmeika Tuᵽarãre tiyetayu mae. Maĩᵽamaki Tuᵽarã, suᵽabaatirã Cristoᵽitiyika, ᵽoꞌimaja ĩᵽamarã najayu. Suᵽa imarĩ ritatojo wejeareka imarãre jãꞌmejiᵽarimaji kimarãñu Tuᵽarã,==narĩkoraᵽe.

Ap 2:26

Yire ãꞌmitiriᵽẽarijaꞌatabekaja, õñia nimatiyikuri yiyaᵽaika uᵽaka baarijaꞌatabeyurãre ikuᵽaka ñarĩrãñu: ‘Ritaja wejeakarãre mija jãꞌmebe’, Yiᵽakire yire ãrĩka uᵽakaja, ‘Ritaja wejeakarãre jãꞌmeirã mija imarãñu’, nare ñarĩrãñu. Suᵽa simamaka Tuᵽarãre yiꞌririyaᵽabeyurã ritatojo ika wejeareka imarãre mija riatarãñu. Suᵽabaatirã yire ãꞌmitiriᵽẽarijaꞌatabeyurã mija imamaka, wãrĩrika ruꞌaraꞌaerã baaika ᵽoto tãꞌᵽia õaika mijare yijaꞌatarãñu ‘Baꞌiaja baarika tẽñurã mija ime’, ãrĩwaꞌri.

Ap 7:10

Toᵽi mae jĩjimaka imawaꞌri jãjirokaᵽi ikuᵽaka narãᵽe: —Jãꞌmebaraka Tuᵽarãre ruᵽarijayurõꞌõrã ruᵽaki, suᵽabaatirã Oveja weiwaꞌyua uᵽaka imaki ĩꞌᵽarãwãꞌtaja jiamarĩareka mare tããrimaja nime,==Ᵽoꞌimajare ãñukãꞌãja, Tuᵽarã ruᵽarikũmu wãꞌtarã botarakamarã maikoribeyu uᵽaka imarãre imaraᵽe. Suᵽabaatirã veinticuatro rakamarã ᵽakiarimarãre ima ᵽẽterõꞌõᵽi, naruᵽurõꞌõᵽioka ritaja nimauᵽatiji ángelrãkare rĩkajiyeraᵽe. Suᵽabaatirã nimauᵽatiji namoꞌiᵽãñawaꞌraᵽe kiruᵽarikũmu wãjitãji Tuᵽarãre jiyiᵽuᵽayeebaraka.