Ap 11:7 - Porciones del Nuevo Testamento en el idioma Letuama

⁷ Torãjĩrã mae, Tuᵽarãroꞌsi jaiwaᵽuꞌataĩjibaraka nima ᵽuyarirãka ᵽoto werikaᵽakiaki koᵽea tiyibeyurõꞌokaki naka jĩrĩrĩ mirĩetaraki. Suᵽa baatirã, nare kijããrãñu.

Ap 11:7 Iomraidhean Croise

Los Hechos 20:24

Maĩᵽamakiroꞌsi yibaꞌiraberũkia yire kijaꞌataeka jia simauᵽatiji yibaꞌirabewearãka beꞌerõꞌõ yire najããjĩkareka marã imabeyua. “Ᵽoꞌimajare wayuĩawaꞌri Kimakire kireyarũjeka Tuᵽarã mare tããokaroꞌsi”, ãrĩwaꞌri ᵽoꞌimajare yibojaerã maĩᵽamaki Jesúre yire ᵽũataeka.

Ap 11:3

Suᵽa simakoꞌomakaja ĩꞌᵽarã yiroꞌsi jaiwaᵽuꞌataĩjirimajare yiᵽũatarãñu. Jariromajaka kĩkeka najããmaka ĩatirã, “Baꞌiaja yija baaikareka yija ᵽuᵽaᵽeꞌriri imakoᵽeyu”, ᵽoꞌimajare ãrĩrũ ãrĩwaꞌri. Maekarakakuri wejejẽꞌrãka aᵽejẽꞌrã ñeꞌmetãjirõꞌõjĩrã nare ñorĩrũjeika ᵽoꞌimajare bojabaraka nimarãñu,==Tuᵽarãre ãñu ángelre yire ãrãᵽe.

Ap 12:17

Sĩatirã, jimarĩ rõmore kiboebaraᵽe. Suᵽa imarĩ kore jããwãrũberiwaꞌri koriᵽarãmerãka jĩrĩrĩ keꞌraᵽe. Ĩꞌrã imaraᵽarã, Tuᵽarãre jãꞌmeika yiꞌyurã, suᵽabaatirã ritaja Jesucristore nare bojaekakaka jaꞌatabeyurã.

Ap 13:11

Iꞌsia beꞌrõ aᵽika weriki waᵽu koꞌtorõꞌõᵽiji kaꞌiaᵽi kiwararĩkamaka ñiaraᵽe. Oveja weiwaꞌyua waka mamaka waraika uᵽaka ĩꞌᵽabi wakaiki imakoꞌomakaja, kajuyaiᵽakiaka jaika uᵽaka kijairaᵽe.

Ap 13:7

Tuᵽarãre ãꞌmitiriᵽẽairãre oka kitẽrãᵽe. Suᵽabaatirã ritatojo wejeareka imabayurãre jãꞌmerimaji kijaraᵽe, “Jẽnoꞌo, baꞌiaja nare mibaaꞌsi”, Tuᵽarãre kire ãrĩbeyukaji simamaka.