Ap 11:3 - Porciones del Nuevo Testamento en el idioma Letuama

³ Suᵽa simakoꞌomakaja ĩꞌᵽarã yiroꞌsi jaiwaᵽuꞌataĩjirimajare yiᵽũatarãñu. Jariromajaka kĩkeka najããmaka ĩatirã, “Baꞌiaja yija baaikareka yija ᵽuᵽaᵽeꞌriri imakoᵽeyu”, ᵽoꞌimajare ãrĩrũ ãrĩwaꞌri. Maekarakakuri wejejẽꞌrãka aᵽejẽꞌrã ñeꞌmetãjirõꞌõjĩrã nare ñorĩrũjeika ᵽoꞌimajare bojabaraka nimarãñu,==Tuᵽarãre ãñu ángelre yire ãrãᵽe.

Ap 11:3 Iomraidhean Croise

Los Hechos 1:8

Iꞌsuᵽaka simakoꞌomakaja Esᵽíritu Santore mijare ñaꞌrĩjãirãka ᵽoto, okajãjia mija jarirãñu. Suᵽa jariwaꞌri aᵽea wejearã aꞌritirã, yika imaekarã imarĩ, yimajaroka nare mija bojarãñu. Jerusalénrã, Judeakaꞌiarã, Samariakaꞌiarã, suᵽabaatirã ritatojo wejearekaoka, yimajaroka mija bojarijarirãñu,==nare kẽrĩka beꞌrõ, kire nayoiyukãꞌãja, maboꞌikakurirã keꞌrika. Oko ũmakakarã keyawaꞌrika ᵽoto kiõiberika.

Los Hechos 13:31

Galileaᵽi Jerusalénrã kika aꞌrika mirãrãte ĩꞌrãkurimarĩa kiᵽemakotowirika. Iꞌsuᵽaka nare kibaabeaeka ĩaeka mirãrã nime maekakaoka, “Rita sime, õñia jarikaki Jesús”, ãrĩwaꞌri ᵽoꞌimajare bojarimaja.

Los Hechos 2:32

Jesúre reyaraᵽaka beꞌerõꞌõ, kire yija ĩaraᵽe ate. Suᵽa imarĩ, “Tuᵽarãja suᵽa kire baaraᵽaki”, yija ãrĩwãrũyu.

Los Hechos 3:15

Iꞌsuᵽaka baawaꞌri ᵽoꞌimajare õñia imajiᵽarika jaꞌatarimajire mija jããrũjeka. Iꞌsuᵽaka kire mija baakoꞌomakaja, Tuᵽarã ᵽuri õñia kire jariᵽeꞌrirũjekaki. Kire ĩaekarã imarĩ, “Õñia kime mae”, yija ãrĩwãrũyu.

1 Co 12:28

Jesús ᵽoꞌiuᵽaka ĩꞌrĩka taꞌiarãja maimamaka, ĩꞌrĩka jariwaꞌririmarĩa kirika baꞌiraberika Tuᵽarãre mare jaꞌatayu majeyobaabuꞌaokaroꞌsi. Mamarĩtaka ĩꞌrãrimarãre kiwãꞌmaeka Tuᵽarã aᵽóstol nimaokaroꞌsi. Narokabajirã ĩꞌrãrimarãre kiwãꞌmaeka naᵽuᵽarõꞌõᵽi nare kẽñua kiroꞌsi bojaĩjirimajaroꞌsi. Narokajĩte aᵽerã kirika bojariroka wãrõrimajare kiwãꞌmaeka, Tuᵽarã ĩꞌrĩkaja kibaawãrũika maikoribeyua bearũkirãroꞌsi. Aᵽerãre kiwãꞌmaeka jĩñurãre tããrimaja. Aᵽerãre jeyobaarũkirã, suᵽabaatirã Tuᵽarãre yiꞌyurã natiyiaja baꞌiraberuᵽutarimaja nimaerã aᵽerãre kijeyobaaeka. Aᵽetomaja oka naꞌmitiribeyua imakoᵽeika najaiwãrũerã kijeyobaaeka aᵽerãre.

2 Co 13:1

Ika yaꞌrirã baaikaᵽi maekarakakuri mija ᵽõꞌirã yeyarãñu. Torã yeyarãka Tuᵽarã majaroᵽũñu oꞌoekarã ãñu uᵽakaja yibaarãñu. Mia jeꞌe: “Ĩꞌrĩkare baꞌiaja baamaka ĩaekarã ‘Rita sime, iꞌsuᵽakajaoka kibaaraᵽe’, ãñurã ĩꞌᵽarã, maekarakamarã imajĩkareka, okajierika sime kika”, ãrĩwaꞌri sabojayu.

Ap 11:2

Yiwiꞌiᵽẽte ĩꞌrãkõꞌrĩmato ᵽuri mijẽrãbaaꞌsi, yire yiꞌribeyurãre imarũkirõꞌõ simarũ ãrĩwaꞌri nare ñijikarõꞌõ simamaka. Ĩꞌrã imarã maekarakakuri wejejẽꞌrãka aᵽejẽꞌrã ñeꞌmetãjirã Jerusalénwejeakarãre baꞌiaja baataᵽarijarirãñurã.

Ap 11:6

Suᵽabaatirã okoa najarirũjebeᵽakãꞌã, jaribesarãka. Suᵽa imarĩ, “Tuᵽarãroꞌsi jaibaraka yija imarãka wejejẽꞌrãrõꞌõjĩrã okoa jaribesarãka”, nañu. Iꞌsuᵽakajaoka okoa riwearoꞌsi jarirãka, suᵽabaatirã ika wejeareka imarãre baꞌiaja najũaerã nayaᵽaika uᵽakaja baarimaja nime.

Ap 12:6

Iꞌsuᵽaka kibaaraᵽaka ᵽotojo ᵽoꞌimajamatorã kiᵽako mirãkore ruꞌraᵽe. “Õꞌõrã jia kore ñiarĩrĩrãñu”, Tuᵽarãre ãrĩtikarõꞌõrã koꞌraᵽe. Torã koimaraᵽaka ᵽoto maekarakakuri wejejẽꞌrã aᵽejẽꞌrã ñeꞌmetãjirõꞌõjĩrã kore ĩarĩᵽaraka Tuᵽarãre imaraᵽe.

Ap 13:5

“Yiꞌi ĩꞌrĩkaja ñime tẽrĩwaꞌribaji imatiyaiki. Maki aᵽika ñima uᵽaka imabeyuka. Tuᵽarãre ima uᵽaka imaki yiꞌi”, baꞌiaja kẽrãᵽe, “Iꞌsuᵽaka jaibekaja mimabe”, Tuᵽarãre kire ãrĩbeᵽakãꞌã. Suᵽa imarĩ, “Tuᵽarã, kika imarã, waᵽamarĩrã nime kimarõꞌõ oka waᵽamarĩa sime”, ãrĩbaraka maekarakakuri wejejẽꞌrã aᵽejẽꞌrã ñeꞌmetãjirõꞌõjĩrã ᵽoꞌimajare baꞌiaja jairuᵽutabaraka kimaraᵽe.

Ap 19:10

Suᵽa kẽᵽakãꞌã, jiyiᵽuᵽaka kire õrĩwaꞌri kiwãjitãji yimoꞌiᵽãñaraᵽe. —Mimoꞌiᵽãñaꞌsi yiwãjitãji. Mima uᵽakaja, mijeyomarã Jesúre yiꞌyurã uᵽakajaoka Tuᵽarãre yaᵽaika uᵽakaja baaiki ñime. Suᵽabaatirã, “Ikuᵽaka kime Tuᵽarã”, ãrĩwaꞌri Jesúre wãrõekakaka bojarijayurã maa. Ĩꞌrãtiji bojarijayurã maimamaka, Tuᵽarãre takaja mijiyiᵽuᵽayeetiyabe,==ángelre yire ãrãᵽe.

Ap 20:4

Toᵽi mae jãꞌmebaraka naruᵽarõꞌõrã ruᵽajiyeraᵽarãre ñiaraᵽe. Mia, Jesúre yeꞌkaririberiwaꞌri, kimajaroka jaꞌatabeyurã, werikaᵽakiakire kijẽrãkaoka jiyiᵽuᵽayeeberiwaꞌri kiwãmea nakũꞌarã, naᵽitakarã oꞌojĩꞌaberika nimaraᵽe. Nawãmua toataꞌruikarã imakoꞌomakaja, õñia jariᵽeꞌritirã mil rakakuri wejejẽꞌrãka Cristoka ñamajĩ jãꞌmerimaja nimaraᵽe.