Ap 11:2 - Porciones del Nuevo Testamento en el idioma Letuama

² Yiwiꞌiᵽẽte ĩꞌrãkõꞌrĩmato ᵽuri mijẽrãbaaꞌsi, yire yiꞌribeyurãre imarũkirõꞌõ simarũ ãrĩwaꞌri nare ñijikarõꞌõ simamaka. Ĩꞌrã imarã maekarakakuri wejejẽꞌrãka aᵽejẽꞌrã ñeꞌmetãjirã Jerusalénwejeakarãre baꞌiaja baataᵽarijarirãñurã.

Ap 11:2 Iomraidhean Croise

Ap 11:11

Jĩjimaka nimaraᵽaka ᵽoto maekarakarĩmi beꞌerõꞌõ aᵽerĩmi ĩmi ñeꞌmetãjirõꞌõjĩrã, ate õñia Tuᵽarãre nare jarirũjeraᵽe. Namiꞌmirĩkaraᵽaka ĩatirã, jimarĩ ᵽoꞌimajare nare kĩkiraᵽe.

Ap 11:3

Suᵽa simakoꞌomakaja ĩꞌᵽarã yiroꞌsi jaiwaᵽuꞌataĩjirimajare yiᵽũatarãñu. Jariromajaka kĩkeka najããmaka ĩatirã, “Baꞌiaja yija baaikareka yija ᵽuᵽaᵽeꞌriri imakoᵽeyu”, ᵽoꞌimajare ãrĩrũ ãrĩwaꞌri. Maekarakakuri wejejẽꞌrãka aᵽejẽꞌrã ñeꞌmetãjirõꞌõjĩrã nare ñorĩrũjeika ᵽoꞌimajare bojabaraka nimarãñu,==Tuᵽarãre ãñu ángelre yire ãrãᵽe.

Ap 12:6

Iꞌsuᵽaka kibaaraᵽaka ᵽotojo ᵽoꞌimajamatorã kiᵽako mirãkore ruꞌraᵽe. “Õꞌõrã jia kore ñiarĩrĩrãñu”, Tuᵽarãre ãrĩtikarõꞌõrã koꞌraᵽe. Torã koimaraᵽaka ᵽoto maekarakakuri wejejẽꞌrã aᵽejẽꞌrã ñeꞌmetãjirõꞌõjĩrã kore ĩarĩᵽaraka Tuᵽarãre imaraᵽe.

Ap 21:2

Suᵽa imarĩ mamaka Jerusalén jía ᵽuᵽajoarika imarõꞌõ Tuᵽarã ᵽõꞌiᵽi ruiraꞌatirã ñaꞌrĩᵽañamaka ñiaraᵽe. Rõmo ᵽitañiꞌabuꞌaerã baaeka kotĩmire kore ĩajiyuokoroꞌsi saya jía jiyurika jããweitirã koima uᵽaka jiyurika imarõꞌõ simaraᵽe.

Ap 22:19

Suᵽabaatirã ika ñañua ᵽakibaraka ĩꞌrãribaꞌi eꞌetairã, õñio yaᵽurika baꞌarũkimarĩrã nimarãñu. Suᵽabaatirã, wejea mamaka Tuᵽarãre ᵽoꞌijiarãñurõꞌõrã eyarũkimarĩrã nime. Iᵽũñurã ñañu uᵽakaja sime õñio yaᵽurika kaka, suᵽabaatirã Tuᵽarã wejea mamaka kaka.