Ap 10:3 - Porciones del Nuevo Testamento en el idioma Letuama

³ Suᵽabaatirã yaia león akaika uᵽaka jãjirokaᵽi kiakaseremaka, ĩꞌᵽotẽñarirakakuri wĩᵽoa kire yiꞌrikoraᵽaka.

Ap 10:3 Iomraidhean Croise

Ap 14:2

Sabeꞌrõjite maboꞌikakurirõꞌõᵽi ikuᵽaka sokaarikoraᵽe ate. Ãta jãjia okaayu uᵽaka, wĩᵽoa jãjia ᵽaaika uᵽaka, suᵽabaatirã rĩkimakaja arᵽa nabireirõꞌõ uᵽaka sokarĩkamarãᵽe.

Ap 15:1

Iꞌsia beꞌrõ maboꞌikakurirã aᵽea maikoribeyua imatiyaikakaka ñiaraᵽe. Ĩꞌᵽotẽñarirakamarã ángelrãka narakakaja baꞌiaja ᵽoꞌimajare jũarũkia narikaraᵽe. Jimarĩ ᵽoꞌimajare boebariwaꞌri, ᵽiyia saᵽi baꞌiaja Tuᵽarãre nare jũarũjerãñu, “Baꞌiaja nabaarijayua najaꞌatarũ”, ãrĩwaꞌri.

Ap 15:7

Torãjĩrã mae ĩꞌᵽotẽñarirakato seroa orokaka baaeka botarakamarã maikoribeyu uᵽaka imaraᵽarãkaki ĩꞌrĩkare rikaraᵽe. Suᵽa imarĩ ĩꞌᵽotẽñarirakamarã ángelrãkare nimarakamakireje ĩꞌrõriꞌto sakĩjimaka ñiaraᵽe. Rĩkimarãja ᵽoꞌimaja kire yiꞌribeyurãre imamaka, Tuᵽarã, õñia imajiᵽarimajire boebayuakaka õñijĩĩrika ᵽururika imaraᵽaka sareka.

Ap 4:5

Suᵽabaatirã nañeꞌmetãji niᵽamakire ruᵽaraᵽakũmuᵽi wĩᵽoa yaajiyeika uᵽaka sabaaraᵽe. Iꞌsuᵽaka baawaꞌri jãjitaka wĩᵽoa jaika uᵽaka sokaaraᵽe. Kiruᵽaraᵽaka wãjitãji ĩꞌᵽotẽñarirakabi ᵽeka jũꞌrẽika imaraᵽaka. Ᵽeka jũꞌrẽraᵽaka Esᵽíritu Santo koᵽakaja ima simaraᵽe.

Ap 8:5

Torãjĩrã Tuᵽarãre jiyiᵽuᵽayeebaraka õñioka ᵽearũkia kirikaraᵽakarã joeĩjiritẽrĩakaka ᵽeka yaꞌtarika kijããᵽorotaraᵽe. Suᵽa sabaatirã ika ritatojorã sakiweꞌataraᵽe. Suᵽa kibaaraᵽakarõꞌõjĩte jimarĩ jãjia wĩᵽoa yaaraᵽaka. Jãjia okaritirã yoeᵽi aᵽea jãꞌmijiyekoraᵽaka. Torãjite kaꞌia iyiraᵽaka mae.